حملي ال3 😩

[عذآب المزآين]

السلام عليكم ورحمة الله وبركاته


ي بنات هذا ولله الحمد حملي الثالث 😭بس انا وايد تعبانه نفسيا وجسديا
ما كنت مستعده لها الحمل 😞بس قدر الله ماشاء فعل /لا تقولون كيف يعني مب مستعده لاني خذت احتياطاتي عقب الولاده خذت حبوب منع الحمل بس وايد اعب فأعصابي وقفت وعقب ركبت لولب
تم لي 3شهور ونزل وعقبه حملت 😭
الحمدالله الحمدالله
الحين موضوعي اني عندي بنت وولد وحملي 3 و علااقتي ف بيت اهل ريلي مب ممتازه ...
الحين المشكله الثانيه اني داشه فالشهر ال4 ووحامي مايخف ووزني نزل وااااايد 😭 انا من قبل ضعيف خذت عسل وصار وزني 50 وثبت والحين بسبت الوحام صار 47😩بتقولون مب وايد الفرق بس انا من ازيد كم من كيلو جسمي يتغير وااااايد 😍و ويوم ينزل بعد يتغير وايد 😩
شو اسوي ورييلي ملاحظ علي هالضعف وكذا مره يفاتحني بموضوع زواجه من الثانيه بالمصخره بس انا ادري انه جاد

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تفاحتي]

والله يعني طبيعه جسمج جي لو هو يبا يعرس بيطلع الف عذر فيج

حبي طنشي اذا تبين التغير حق نفسج هي حلو اما عشان ريلج بيعرس قوليله استريح دور عذر ثاني



لا تاخذين الموضوع وتكبرينه ف راسج



عموما كلي بطاط بالزبده ماتقدرين تخبصين لانج حامل


فكري شو لازم تاكلين اكل صحي عشان اتيبين بيبي صحي

[ام الدحمي]

اول شي مبروووك
ثاني شي الله يساعدج وخفف عليج وسهل عليكم ويرزقناا
حبيبتي ليش ان شاءالله يتزوج بس لانج ضعيفه المفروض يوقف وياج عصبي يوم يقول بعرس اذا بس عشان الضعف ترا الواحد يوم يرتاح يمتن ناس ادور الضعف مب لاقيته خليه يحط لج خدامه تساعدج وكون عندج بيت مستقل شوي ترتاحين والراحه النفسيه لها دور اختي انا لحمدلله عندي 2 وابا الثالث يالله ترزقني بس الفرق اني دبه وولدي توه سنه
وهي فتره وترتاحي باذن الله خليه هو بعد يحاول انج ماتحملي المره الرابعه مب كله عليج
والله يحفظ كل غالي

[غلآ نفسي]

ما عنده سالفه ريلج

اعذار ع الفاضي

الدبه يبونها ضعيفه والضعيفه يبونها دبه

ما عندهم سالفه الصراحه

ركزي فالحمل حبيبتي

واكيد شوي بتزيدين اواخر الشهور

نرفزني ريلج وانا مب ناقصه

[عذآب المزآين]

هو مايقولي لاني ضعيفه 🌚بس انا احس بهالشي /واصلا جسمي بدى يضايقني وايد ..
هو يقولي اونه اونه ابي اسوي خير 😒اقوله سو خير فيني طبعا ما اشجعه بس كذا مره يفاتحني بالموضوع ع اساس مزحه بس هو جد ف خاطره لانه وايد يتعلث

[غلآ نفسي]

هو مايقولي لاني ضعيفه ��بس انا احس بهالشي /واصلا جسمي بدى يضايقني وايد ..
هو يقولي اونه اونه ابي اسوي خير ��اقوله سو خير فيني طبعا ما اشجعه بس كذا مره يفاتحني بالموضوع ع اساس مزحه بس هو جد ف خاطره لانه وايد يتعلث

عيل المشكله مب ف جسمج ولا فيج

في ريلج يدور اعذار عشان يعرس

[دلوعة ريلي@]

الخلل مب فيج .. الخلل في ريلج ... العيال نعمه من الله سبحانه وتعالي وهي كتبت ربج .. وبخصوص الحمال اتفقوا وياه بعض بالوقت المناسب يعني مب كل شي عليج .. وربي يتمم عليج حبيبتي ويخفف وحامج ويريح بالج.انتي روحج مب ناقصه أي شي في فتره الحمال

[مونتاج]

الله يتمملج على خير و تقومين بالسلامه انتي و البيبي ان شاء الله

[الوردة الجورية]

وعليكم السلام و الرحمة


اختي هذي عطية الرحمن قولي الحمدلله.. مهما خذتي من موانع ماتقدرين تمنعين رزق الله و عطيته

استغفري و اشكري الله و احمديه على كل شي



ثانياً من ناحية الوحام: اذا بعده ماراح خذي فيتامينات مورنينج سيكنيس فيهم زنجبيل يساعد عن الغثيان
وخلي جسمج مرتوي لان الجفاف يزيد اللوعة.. يعني طول اليوم شربي رشفات ماي

وخلي و جباتج صغيرة بس كل ساعتين كلي، و خليه خالي من الدهون و الزيوت.. لاتفكرين بالوزن الحين... ركزي على انج تتجنبين اللوعة


عن نفسي لو حامل حق ريلي اتعدل و البس طول اليوم، اذا مب موجود من راسي لريولي زيوت و كريمات و ملابس قطنية و جلحة ملحة هههه

بداية حملي ضعفت والحين من الثامن زاد


من تروح عنج اللوعة كلي طحينية مع الروب او طحينية مع الخبز و زيدي كمية اكلج بس مب المقالي عن ترد عليج اللوعة يعني كثري كمية العيش و الخبز و الباستا

يومياً اتصبح بسبع تمرات و ماي على الريج عقب اتريق



اهتمي في لبسج و كحل عينج و الروج و شعرج و سوي مانيكير و باديكير و شلي الشعر الزايد و تحني من فترة للثانية بس تجنبي الحنا على اطراف الاصابع و الاظافر


و طنشي كلامه و امدحي نفسج جدام ريلج عليه يركز على محاسنج مب تتذمرين من نفسج و من حملج

المفروض تبينين له فرحتج بحملج

ممكن تقولين له ابتديت احب اللي في بطني و مشتاقة له

تدلعي على ريلج كانج عروس

كفاية ان آخر شهرج الوضع بيتغير و بعدها فترة نفاس.. شبعي عيونه و احاسيسه هذي الفترة حتى لو مثلتي عليه

[أم خليفة11]

انتي حامل اهتمي بصحتج و بس حرااام اللي في بطنج شو ذنبه بعد ؟؟؟

ريلج المفروض ما يتكلم جذه و انتي حامل . الله يهديه.

[عذآب المزآين]

الحمدالله 💕

مشكوورين وماتقصرون💕وباخذ بالنصايح ان شاء الله دعواتكم

[غلا راكـ 3]

الموضوع كاني انا كاتبته بالضببببببط حرف حرف كتبتي عن حالتي

وااااااااايد تعبانه من الحمل الثالث ...وماكنت منتظره هالحمل بس لاعتراض ع قدره والحمدلله