تعب وتضيع الوقت

**خاين عشرة** · 2016-05-23, 15:47

هلا خواتي شحالكم فديتكم إياكم تساعدوني انظم وقتي مع عيالي بدون مساعدة الخدامه
هالفترة عيالي كله صياح ومايبو شي غير انهم يطلعون والعابهم في البيت مايلعبو بها والاكل ما ياكلون غير روب
وقت نوم لازم ضرابه وصياح وانا احاول معاهم وارضيهم وناسيه نفسي وريلي نبدي عيالنا ع نفسنا
عيالي 2 بعمر سنه وستين
بس للملاحظه أن عيالي يلعبو ويفرغو طاقتهم وينتظم نوم عندهم فقط بيت امي لو انا طلعتهم ولعبتهم ما تفرغ طاقتهم وارجع البيت ويرجع صياح من اول

المزيد من آخر المواضيع من نفس القسم:

**كراميلا1** · 2016-05-25, 09:01

السلام عليكم
الله يحفظ عيالج
هم صغار سهل تنظيمهم الصبح وعيهم من وقت ريوق صحي وقبل الغدا خلهم يلعبون على كيفهم ويحرقون الطاقه وطبعا ممنوع حلويات أو سناك قبل الغدا عشان يجوعون ويضطرون ياكلون غذا من الساعه 5 ممنوع شوكلاته شبس لأن يعطيهم طاقه على العشا حاولي تعطيهم بطاط مهروس عيش مع روب بياكلونوبيرقدون من الساعه 8

**كراميلا1** · 2016-05-25, 09:04

تغيير الروتين يحتاج وقت تقريبا اسبوع
بس اهم شي الي عمرها سنتين ماترقد في النهار
وخلي لهم مكان امن يلعبون فيه
أبدي معهم اكلات مع روب دام انهم يحبون الروب
عيش مع روب بطاط مع روب عيش وحليب وابدي دخلي الخضروات واللحوم

**منتجات الطبيعه** · 2016-05-25, 09:26

عزيزتي شغلي سورة البقره مره في اليوم وسبحيهم في ماي مع ملح

و المعروف ان العيال يتدلعون على امهم اما اذا عند حد ثاني تلاقينهم مصطبين وهاديين

**الوردة الجورية** · 2016-05-25, 09:54

من بعد ماتخلصين صلاة الفجر عطيهم حليب و قوميهم يروحون الحمام و يغسلون اسنانهم و ويهم
فتحي الستاير و اقري معاهم سورة صغيرة تحفظينهم او شغلي لهم الايباد على اطفال يقرون القرآن او صوت طفل يقرا القرآن و خلي التكرار ثلاث مرات و بعدين حضنيهم و بوسيهم و ادعي لهم و خليهم يلعبون في غرفتهم (المفروض تخبين العابهم و تطلعين لهم لعبة لكل واحد بس عشان يركزون عليها و يفضل الالعاب التعليمية
جهزي الفطور و خليهم يفطرون و بعدين طلعيهم يلعبون في الحوش او الحديقة القريبة من بيتكم مدة ثلث ساعة او نص ساعة بالكثير
عطيهم ماي و رديهم داخل البيت يروحون الحمام و يتسبحون

اقري لهم قصص تناسب سنهم و خليهم ينامون قيلولة مابين نص ساعة الى ساعة و نص بالكثير

قوميهم و دخليهم الحمام و عطيهم وجبة سناك صحية مثل عصير طازج او فواكه و سندويتش او قطعة كيك او بسكويت

خليهم يلعبون في البيت، يفضل تخصصين غرفة للالعاب او زاوية في البيت للاعاب تحطين فيها العابهم اللي فيها استخدام لليد و تشغيل للدماغ و الالعاب المحشية و اتركيهم يلعبون على راحتهم و يفضل تحطين لهم ملابس تنكرية تعلقينها على الجدار و خليهم على راحتهم يلبسون و يتقمصون الشخصيات

لين وقت الغداء غديهم و دخليهم الحمام و خليهم يغسلون اسنانهم
خليهم يشوفون التلفزيون محطة اطفال او تحطين لهم دي ڤي دي تعليمي للاطفال او قصص هادفة للاطفال تناسب سنهم (يعني ابتعدي عن توم وجيري و السنافر و غيرها من كرتون بنفس المستوى، ممكن تحطين لهم تيلي تابيز و بارني و دورا و نان و ليلي لانهم تعليمي و مناسب لسنهم الصغير)

العصر دخليهم الحمام و بعدين عطيهم سناك

وخليهم يلعبون العاب حركية مثل الدراجة او الزحليقة او النطاطة خليهم يفرغون طاقتهم (اذا الصبح لعبوا داخل البيت ممكن العصر برع البيت او داخل البيت حسب توفر الالعاب الحركية)

على المغرب عشيهم و دخليهم الحمام و خليهم يغسلون اسنانهم و سبحيهم
و يلبسون البجايم و على سريرهم.. اقري لهم بصوت مسموع الفاتحة و الكرسي و الاخلاص ثلاث و المعوذات كل وحدة ثلاث
و دعاء قبل النوم و خلاص ابد لاتتكلمين معاهم حتى لو كلموج بس قول اشششششش بالخفيف

اصبري اسبوعين على هذا النظام اذا ناسبج

هذا اللي كنت اتبعه مع اولادي في سنهم لين كبروا

الروتين جداً يساعد و يريحهم و يريح الام

على صلاة العشاء اكون خلاص متفرغة لنفسي و زوجي فقط

ملاحضة:
وقت تبين تطلعينهم برع البيت للبحر او السوق، يكون في وقت اللعب الحركي الصباحي او العصر و لاتطولين معاهم برع البيت عشان مايخترب روتينهم خاصة الشهر الاول عقب ممكن تكسرين الروتين مرة في الاسبوع فقط مب اكثر

اوقات الاكل و السناك و الحمام حافظي عليها حتى لو كنتي برع البيت، شاي معاج حمام التدريب المتنقل تستخدمينه اي مكان في بيت اهلج او المول او اي مكان خارج البيت

و الاثنين الله يحفظهم و يبارك فيهم سنهم مناسب يتعلمون على الحمام و عادي تدخلينهم الحمام مع بعض في البداية يتعلمون من بعض و يتشجعون على الحمام و اصبري عليهم اول اسبوعين، لكن فترة المرض خاصة لو اسهال تلبسينهم الحفاظة من يشفون تردين تعلمينهم مرة ثانية بس بياخذ وقت اقصر مال يومين ثلاث بالكثير

الموضوع: تعب وتضيع الوقت

أدوات الموضوع

عرض

تعب وتضيع الوقت

المزيد من آخر المواضيع من نفس القسم:

رد: تعب وتضيع الوقت

رد: تعب وتضيع الوقت

رد: تعب وتضيع الوقت

رد: تعب وتضيع الوقت

المواضيع المتشابهه

الوقت الابداعي.

الوقت

فرق الوقت

مشكله مالنا يد فيهاا وبضيع زوجي مني ... انحللللللللللت

! -» الوقت «- !