خطيبي وأسألته

[مشكلتي]

السلام عليكم

بنات انا متقدم لي واحد للمره الثانيه
وانرفض لاني كنت اكمل دراسه
وتقدم مره ثانيه

خواتي انا الصراحه اعرف الريال وكانت امبينا مكالمات وعرفني على خواته وعلى طول خطبني وهو يعرف اهلي

ادري هالشي غلط واتم اعاتبه وايد انه ما يرمس وياي عشان تمشي الامور تعلق فيني وااايد وتمسك فيني لين ما خلصت وتقدم لي


اعرفه تقريبا من مده طويله
هو بعمري بس اكبر مني بشهور
احس انه عقله اصغر
ودايما يفكر ف هذيج الاشيا
يعني يلمح وانا احاول ما اعطيته فرصه يرمس ويسولف لين ما خلصت السوالف ووصلنا لهذيج المواضيع
انا من طرفي كنت اسكرها دووم لانه ما اباها تطور والشيطان شاطر

المهم الحين اوافق عليه او لا

هو صبر علي ويحبني وانا قبلت بغيره قبل وايد وما تمت المواضيع لاكنه بعده متمسك ولا همه الخيانه الي سويتها

المهم الي عرفته منه انه شهواني!
واحسه ملم ف هذيج الامور
ويسالني عن جسمي ولون المناطق 'انا اسفه على هالكلام
بس تميت افكر عقب كيف بيكون مب عارفه انا عندي اسمرار لاكن محافظه على نظافه المنطقه دوم اسوي خلطات وتقشير وناويه اذا عرست اسوي ف العيادات
يعني من اهتمامي اصلا مب عشان رمسته
بس ما دري مب متقبله واحد جذا!
انتو تحسون عادي يسال هالاسإله
بغض النظر انه بس خطيبي يعني عقب الزواج اخاف يعاير او شي!


وادري الي اسويه غلط
اني اكلمه وغيره وانا دايما انبهه انه نخلي حدود امبينا
والله يغفر لنا جميعا يارب ..

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[Yazi.90]

والله مادري شقولج بصراحه
اللي عليج تسوينه كل مافتح الموضوع معاج غيري السالفه وقولي له انا ماحب ارمس فهالمواضيع،
لين مايصير حلالج،

[almal3ka1]

الرجل بطبيعته شهواني شو ما كان

يحب يجوف

بس اهم شي انج تحسسينه انج واثقه بجسمج و عمرج

و عاد كيف ما تبينه يتمادى انتي ادرى و عارفتنه كيف

[ماحد شراتي]

نصيحه مني فديتج لا تعطينه مجال .. ولا يتمادى اكثر لانه المواضيع راح تكبر اكثر واكثر وانتي عارفه .. ربي يوفقج

[تفاحتي]

ههههههههههه
والله يسأل عن لون المنطقه قبل يكتب كتابه عليج والله خوش وايد مهتم يطمن ع الاغراض قوليله لو وايد يهمك اللون خذ لك روسيه بترتااح


من البدايه انتي تستقبلين فلا تتحسسين من هالاشيا
استغرب ان الوحده اتخلي الطرف الثاني يتجرأ عليها سواء ذكر او انثى وبعدين تقولي كيف اسوي ؟!

اقطعي مكالماتج ولما يملج عليج بعد عيب تتكلمون عن هالسوالف يوم بيعرسج خل يقولج متطلباته

[مالتيزرس]

لا لا اختي ماله اي حق يسألج هالاسئلة .دامكم ع قولتج مامالجين .وين يبا هذا .

ودامه يسأل ع اللون اللون الله يعينج ..

وانتي الغالية لا تفتحين مجال معاه وايد عيل هو شو بيخلي ع عقب العرس دامه خار كل شي ..
خلج ثجيلة وياه وقوليله حلاته فالعرس هالشي خلج سياسيه بدون زعل

[مالتيزرس]

وماعليج اغلب الرياييل سوالفهم جذا بفترة الملجة عندهم حب استطلاع ..لين مايصير هالشي فايدهم ويجربونه فاتطمني ..وققللي سوالف فهالشي معاه

[سماءالأفق]

لا تعطينه فرصه لهذا الكلام ,,
انت خللي اختك الصغيره او اخوك الصغير يجلس وياكم بكل مره عقابا له.

[mouzan7mod]

لا تعطينه فرصه لهذا الكلام ,,
انت خللي اختك الصغيره او اخوك الصغير يجلس وياكم بكل مره عقابا له.

و لا تعطينه مجال اكبر للكلام معاج ، خليه لبعد الملجة و السوالف الثانية قفلي الموضوع من صوبج و لاتعطينه مجال لين يتم العرس و عقب تصيرين حلاله على أرض الواقع

[.Dream]

هذا وانتو للحين مب مالجين وجي سوالفه واسئلته؟

اقطعي الاتصالات من بينكم لين يملج عليج , ولا تعطينه مجال يرمس بهالامور

[ام نهييان]

اختي يوم هو هذا تفكيره ويسال بلا مستحى المفروض تقطعين اتصالج فيه لين ما تصيرين ع ذمته.. ونصيحه حتى لو ملجتو لا تعطينه هذاك الشي الا بعد العرس

ماعرف بس من رمستج احسه مش متمسك فيج كثر ما هو يتمنى بس يصير امبينكم شسمه ...

استخيري واذا كان هو خير لج الله بيسر اموورج معاه