زوجي يعاملني مثل الطفله

[( لحن الشوق )]

كثير من المواقف أثبتت أنه ما يثق فيني و يستغفلني

أذا عندي أمتحانات يضبط منبه جولاته على وقت قومتي
يخاف تروح علي نومه ؟!!


مره كنت غايبه لأَنِّي مريضه كان يتصل علي من الدوام ولأني نايمه ما رديت جلس يتصل ألى 12 الظهر أخرتها طلع من الدوام جاني البيت مرعوب وصحاني وهو خايف ؟!!



أذا أصريت على شي أبيه يقول خلاص لا تبكين علينا ؟!!


أذا رفضت في يوم يسهر مع ربعه يطلعني يمشيني
لما نرجع البيت وننام أكتشف أنه يطلع أذا سويت نفسي نايمه؟!!



أذا جاب معه أوراق مهمه للبيت لا يمكن يعطيني أياها يخاف أضيعها له ؟!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[( لحن الشوق )]

كيف أخليه يغير تعامله معي

[غلآ نفسي]

ليش شو مسوي الريال عشان يغير معاملته لج ؟؟

صج حريم ما ينفع وياكم شي

[سماءالأفق]

هههههه .... لما تكبرين .. لا تستعجلين علي وجع الراس..

[( لحن الشوق )]

أقولك يعاملني كأني بزر مو زوجته

[( لحن الشوق )]

بنات أنا أتكلم جد ما أحب هذي المعامله

أتمنى يأخذ برأيي يعتمد علي في شي معين

[سماءالأفق]

بنات أنا أتكلم جد ما أحب هذي المعامله

أتمنى يأخذ برأيي يعتمد علي في شي معين

وأنا حبيبتي نصيحه مني لا تجيبين لنفسك وجع الراس ,,لكن لو كنت مصره
تحدثي امامه وكانك المثقفه اللبقه الحكيمه ادخلي علي النت واعرفي اقوال حكيمه وثقفي حالك في مجال عمله وكل كلمه طلعيها بموضعها الصحيح,وسوي حالك أرسطو..
مع وقت قصير بتشوفين إختلاف بمشيئة الله.

[غلآ نفسي]

بنات أنا أتكلم جد ما أحب هذي المعامله

أتمنى يأخذ برأيي يعتمد علي في شي معين

عيل خليج حرمه سنعه جدامه

عطيه رايج اول بأول مب لازم هو يسألج انتي دشي عرض وعطيه رايج

قبل لا هو يحط المنبه انتي حطيه

اذا بتغيبين دقي عليه قوليله بغيب

يوم يدق عليج ع طول ردي

خليج جاهزة حق كل شي قبل لا هو يقولج او يسويه

اذا عنده اوراق مال الشغل ودوامه ما يخصج فيهم

بس أساليه شو هالاوراق .. اذا قال مال الدوام ومهمين قوليله حطهم فوق الكبت او مكان محد يوصل لهم

شوي شوي بيعرف انج قدها ويعتمد عليج في كل شي

ف بدايه الزواج كل ريال عباله ان حرمته ما تعرف هالامور

بس مع الايااام هي تثبت له ان يقدر يعتمد عليها

اثبتي له

بالتوفيق

[almal3ka1]

احمدي ربج هالزوج

عادي لو يعاملج شرات الطفلة

هو يعبر عن حبه جي

يماما الرياييل مب عبي تفصلينهم شرات ما تبين

[ورقة ناعمة]

وين المشكله


اذا يعاملج مثل الطفلة البعض يعامل حريمهم مثل العجاييز الكبار

اذا انتي يتصل يطمن عليج غيرج ما يشوفها الا بالشهر مره

اذا انتي لب طلبج ورغبتج وطلعتج وتمشيتي ودور سعادتج شو المشكلة انه يطلع مع ربعه دام خلص دوره معاج


الرجل من حقه يطلع مع ربعه ويستانس ليش نجبره يجلس بالبيت ويكون مشابهنا بالضبط نحن نسينا ان الرجل مب للبيت ويلسته مب اربع وعشرين ساعة بالبيت

طلعات الرجل مع ربعه مب معناته انحرافه مثل ماانتي لج صديقات هو بعد نفس الشي


لاتربطين راسج بلايا وجع ,,,,

[mouzan7mod]

يمكن لآن تصرفاتج امامه ما تدل على إنج زوجة بالغه فاهمة الدنيا ، يمكن في حركة او تصرف يدل على انج بعدج بنت و في رجال يحبون هالنوع من التعامل مع الزوجة فيكون لها الاب الحنون

[حياتي توأمي]

مره كنت غايبه لأَنِّي مريضه كان يتصل علي من الدوام ولأني نايمه ما رديت جلس يتصل ألى 12 الظهر أخرتها طلع من الدوام جاني البيت مرعوب وصحاني وهو خايف ؟!!


الحمد لله هذه نعمه بحد ذاتها يخاف عليج ويحبج وترك شغله عشانج مريضه ويبي يطمن عليج

الواحد يقول الحمد لله
وبكل موضوعج مالقيت عيب في ريلج , الله يهديج بس

[حياتي توأمي]

اختي مو كأن هذا موضوعج القديم عن مديحج في ريلج


https://forum.uaewomen.net/showthrea...-زواجي-من-مطلق

أظن في تناقض كبير في مواضيعج الله يهديج

[khaleejiya]

اختي مو كأن هذا موضوعج القديم عن مديحج في ريلج


https://forum.uaewomen.net/showthrea...-زواجي-من-مطلق

أظن في تناقض كبير في مواضيعج الله يهديج

وين التناقض اختي ماشوف في اي تناقض بين الموضوعين

استغرب من وحده تحط موضوع تروحون ادورون وراها وتقرون مواضيعها القديمه انزين شدراكم يمكن اكثر من شخص يستخدم الحساب

المهم ماعلينا

اختي كم فرق العمر بينكم؟
انا اقول الصراحه راحه صارحيه باللي مضايقج

[( لحن الشوق )]

راح أجرب شكراً لك