طلبتكم تكفون ابى حل

[مشكلتي]

السلام عليكم و رحمة الله وبركاته
ببداية الموضوع ادري اني غلطانه و حقكم علي لكن كل وحده تحط نفسها مكاني.
انا بنت جامعيه توه داخله20 احب شخص من عمري 14سنه ادري حب مراهقه بس ورب الكعبه ان مو حب مراهقه مال جم سنه و انساه احب فيه شينه قبل زينه المهم انا تربيت ف بيت ابروحي محد عندي غير امي و ابوي و كله همهم نفسهم و البيزات و السفرات ر الطلعات و انا اكره اروح معاهم لان مايفهموني و ابوي مو مقصر من ناحية البيزات بس انا ما احسه يحبني ابد لو سويت غلط بيتذكر ان انا بنته تخرجت من المدرسه و آخر همه نسبتي مع ان يبت نسبة ترفع الراس الى حبيته مايقصر معاي ابد اي شي ابيه يسويلي و اي شي ابيه اييبلي لدرجه ان اهلي يسافرون اتم خايفه ابروحي اي من درب 4ساعات بس عسب يتم عندي و يروح الدوام الصبح وانا اروح الجامعه اهو صار لي كل حياتي مابى احد من بعده ولا ابى اتزوج. غيره والله اشوف الدنيا بعيونه بعد جم يوم بيتقدم لي بس خايفه اهلي يرفضونه و يقولون من وين تعرفينه خايفه احد يكسر لي قلبي مابى اغلط وانزل راس امي وابوي بالاخير اهم اهلي وبعد ما اقدر انساه ولا اتزوج احد غيره بحكم ان عطيت الى حبه كل حقه جنه ريلي سوري ع الى قلته و ادري غلط ب غلط بس انا واهو بنصحح غلط بالزواج طلبتكم انا فيا اكتئاب من امي وابوي و هالسالفه قولولي شيسوي اذا ابوي رفض و كيف اقنعه؟

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

بحكم ان عطيت الى حبه كل حقه جنه ريلي

لاتعليـــــــــــق

[تفاحتي]

شو التناقض
قلتي احس ابوي ما يحبني
ويوم هلي يسافرون يرجع درب اربع ساعات عشانج ويرجع الصبح


؟!


والله اذا هو زين بيوافقون واذا هو موب زين خبريهم عن سواياج عشان يوافقون عليه غير جي ما نقدر انقولج اذبحي امج وابوج عشان تعرسين

[ماحد شراتي]

بتصلحون الغلط بالزواج ؟! ممكن عقب تخبرينا اذا يا وتقدملج ولا لا ؟

كيف وصلتي عمرج لهالمرحلة؟ تتوقعين فيه ريال فهالكون بيتزوج وحده وخذ كلشي منها ؟ كيف خليتيه يدخل بيتكم؟ البيت له حرمه !!!

صراحه ما اعرف شو اقول .. لكن ان شاءالله يكون صادق ويتزوجج واذا هو زين اكيد اهلج ما بيرفضون .. الله يستر عليج

[Yazi.90]

الله يهداج اختي شهالكلام تقعدون انتي وياه فالبيت بروحكم
اوكي فاهمه انج تحبينه وتبينه بس ترا اللي تسوينه غلط!
تقولين مابا انزل راس امي وابوي كيف وانتي مدخلتنه البيت؟
حبيبتي ما خلا رجل بامرأه الا وكان الشيطان ثالثهما
يعني الحين بتفهميني يوم ايي عندج البيت مايلمسج مايسوي لج شي؟
انتبهي على عمرج و ولو صدق تبين ترفعين راس امج وابوج
لا تطولون الموضوع و خليه من باجر ايي ويخطبج،

[مغليك]

سامحيني ..
تنزلين راس امج وابوج في الارض و تكسرينهم اللي تعبو عليج وربوج سنين وبنين بسبب واحد عرفتيه من جمن سنه الله يهداج ...هذا يزاهم وعشمهم فيج؟؟!!!
اتقي الله واذا لج نصيب غصب طيب راح تاخذيه واذا لا وكلي امرج لربج ..

انتي ترضينها باجر بنتج تسوي بج هالشكل تلعب وتكلم من وراج لا والله ماراح ترضينها ..

اعرفي انه مابني على باطل فهو لا يدوووووم وهو على باطل ..
تقربي من ربج اختي ..
الله يستر عليج وانتي الحين مب صغيرة تعرفي الصح من الغلط وانتي محاسبة ع اللي تسوينه بكل دقيقة تضيعينها فالسوالف وياه يعتبر منكر وحراام

[mouzan7mod]

ان شاء الله يتقدم لج و يكون زوج صالح
اقنعي امج و ابوج و لا تضاربينهم على شي الله اعلم ان كان من نصيبج او لا
والله يوفقج

[mouzan7mod]

ان شاء الله يتقدم لج و يكون زوج صالح
اقنعي امج و ابوج و لا تضاربينهم على شي الله اعلم ان كان من نصيبج او لا
والله يوفقج

[almal3ka1]

الله ييسرلكم

[dxb_love]

دام خذ حقه كانه ريلج
ف بتكونين محظوظه اذا تقدملج


بالتوفيق

[ريم العسووله]

الله يعينج على هالاهمال الي عايشته من جانب امج و ابوج ... و الغريب اختي ان اهلج مثل ما تقولين ما يهتمون لشيء فأتوقع ما بيهتمون من وين ياي هالعريس دامه داش من الباب صح او لا ...

انتي لا تدخلين نفسج في الموضوع ... دامه الريال مثل ما تقولين يبيج و شاريج خليه هو يكلم ابوج ... و يقول له اي شيء كيف و وين شافج .... الخ الخ ... خلي يدبر نفسه و يتكلم ... انصحج ما تدخلين نفسج في هالسالفة ... دام الله ستر عليج ... استري ع نفسج اللحين ... و استغفري و توبي عسى ربي يوفقج ...و لا تكررين الغلط مرة ثانية و تدخلين حد غريب بيتكم و لا تبررين لنفسج الي سويتيه ... الغلط يبقى غلط عزيزتي ...

و اللحين هالشخص خليه تحت الاختبار ... يباج اهلا و سهلا و بنجوف شو راح يسوي عشان ياخذج ... اذا ما يباج و متردد و مو مقتنع و ماخذج تسلية وقت ... شو تبين في واحد جذي ... حتى لو غلطتي معاه ان الله غفور رحيم هل معناته بتحكمين ع نفسج بالعذاب طول العمر و تاخذين هالشخص حتى لو ما كان مناسب ... و اصلا المفروض اختي تكونين عاقلة و لا تخلين العواطف تاخذج بعيد ... بذمتج في ريال محترم يدش بيت ناس من وراهم ؟ هاي يا اختي ما راعى حرمة ابوج و بيته ... كيف تبينه يحترمج و يراعيج باجر ... و لا تستبعدين يدخل نسوان و بنات من وراج لبيت الزوجية صح او لا ... الي صار صار ... استري ع نفسج دام ربنا ستر عليج ...

انتي نفسج تعرفين انج غلطانة و لكن العواطف قاعدة تبرر لج الي تسووينه ... عزيزتي نصيحة لوجهه الله و هالنصيحة لي و لج و للكل ... اسعي لرضى ربج قبل رضى نفسج و راح تلقين التوفيق في حياتج بإذن الله ... توبي و استغفري لكل ذنب سويتيه ... و ستري على نفسج و راح تلقين ربج ساتر عليج و بتحصلين حد يستر عليج حتى لو ما كان هالشخص ... بس اهم شيء خلي نيتج بالتوبة والندم و الستر صادقة مع رب العالمين ...

[غلآ نفسي]

ام لاهيه

ابو لاهي

سفرات وطلعات وبيزات

وواحد دش بالعرض طبيعي تحبينه وتثقين فيه بسرعه

وسويتي اللي سويتيه

اتمنى صدق ايي ويخطب ويصلح الغلط

واذا ع ابوج قولي ربيعتي قالت عنه

او خلي الريال يقول سالت عنكم

وجي يعني

الله يعينج

بس مب كل حد نثق فيه لدرجه تعطينه مقام ريلج

طمنينا عقب

[Mitha1212]

الله يهديكم ,, وان شاء الله تتزوجون

[عيووووون]

بحكم ان عطيت اللي احبه كل حقه جنه ريلي

السموحه بس استوقفتي هالعباره !!؟؟؟؟

اولاا اختي انا انسانه واضحه جدااا ولساني ما يعرف ينافق غلط غلط صح صح بس ما بكون عاطفيه عندج وطبطب على سواد ويهج واقول يالله تتزوجي وترتاحي

سوال معقوله امج وابوج يخلونج فالبيت بروحج ولا يفكرون فيج لانج عرضهم!!! من اللحين يخلي عرضه بروحه فالبيت شو هالحلقه المفقوده اللي ام واب همهم وناستهم وضناهم ولا همهم !!!
اذا مثل ما تقولين ما يهتمون فيج ليش عاطينج هالثقه كلهااا وخنتيهااا
عمرج عشرين سنه وتقولين مب حب مراهقه وانا اقولج انتي مراهقه ونص وما زلتي مب فاهمه الدنيا صح ما تميزين بين الصح والغلط بين الحلال والحرام
لا تقولين انا ما اريد اسافر عند اهلي لانهم ما يفهموني قولي انا حصلت فرصه اشبع فيهااا عاطفتي
لانج تتكلمي كانج وحده واعيه وتعرف شو حق الحرمه لريلهااا
يا ترى هذا اللي فتحتيله بيتج ونفسج وخيانتج لاهلج بيقدر باجر يأمنج على بيته
الريال يستغل ضعف الحرمه خاصه السهله بس ما يتزوجها لانه عارف باجر بتفتح بيته لغيره مثل ما سوت فاهلها لانه باختصار ماشي ثقه
عطيتي الثقه فانسان اسمحيلي ما يستحق الثقه لو يستحقها ما خذ شي مب حلاله !!!

في ردود من عضوات تعاطف بس ما قال كلمه حق فيج اذا انتي تعرفين الغلط كان لمسته هالشي بين سطورج بس انتي همج الاول والاخير كيف تغطي الفضيحه
لا تسالي اخاف اذا ابوي رفض
سالي هل صدق بيي يخطبني وبيصحح الخطا ؟؟؟

الله يهديكن بس ،،، اذا ضايقج ردي فهذا الصدق اللي محد يقوله والسموحه

[رسايل غلا]

اخني
مهما كانت علاقة الحب والتعلق كيف هانت عليج نفسج وقبلتي تخلين واحد يلمسج بالحرام! ممكن الوحدة تحب وتعيش سنين على هالحب وتكون متعلقة بالريال بس قبل كل شي تفكر في نفسها ومستقبلها هل هالريال اللي حبيته مستعد ياخذني؟ هل يصلح يكون زوج لي؟ هل هو صادق وياي ولا يالس يتسلى؟
كل هاي أمور لازم تحطينها في اعتبارج, انا معاج ان الأنثى ضعيفة من ناحية الحب وتحكمها عواطفها, بس بعد عندها عقل المفروض يميز الصح من الغلط ويرفض الغلط من الأساس
كان ممكن تقولين له بكل بساطة: حتى لو كنت متعلقة فيك وأحبك لأقصى درجة مستحيل اتعدى حدودي واغلط وياك في أي شي.
على كل حال الله يستر عليج ويهديج, ما عندنا حل ثاني غير الدعاء.