ريلي والخيانه

[مشكلتي]

السلام عليكم ورحمة الله وبركاته

انا مشكلتي مثل مشاكل وايد حريم ويا رياييلهن وهي الخيانه

زوجي يموووووت في شيء اسمه حريم .. حتى اذا نمشي في السوق ومرت من حذالنا حرمه بيتم يطالعها لين تروح .. لاحظت عليه انه ما يدور الجمال بس هالشيء عاده عنده هب قادر يخليها ..
للأسف كملنا 4 سنوات وإلى اليوم وهو يغازل .. تدخلو الاهل في الموضوع اكثر من مره .. ويصيح ويتأسف ويحلف ما يعيدها ولكن يمر علينا شهر بالكثير وترجع حليمه لعادتها القديمة..
مافي برنامج تواصل اجتماعي نزل ما استخدمه في المغازل.. هو للأمانه ما يقصر ويايه في المصروف لكن التعامل والمحبه هي الأساس.. ولاحظت عليه طبع اذا كان عندي مصروف بيتم يطلبني منه بحجة انه ما عنده بيزات وبعد فتره اكتشف ان عنده في البنك بس ما يبا يسحب منهن الا اذا خلص مصروفي
انا ما اشتغل واخذ مصروفي منه ولكن يرجع هو وياخذه مني في اخر الشهر.. هذا كله مب مهم عندي ادري ان الحياه أخذ وعطى ومشاركة بين الزوجين .. لكن الخيانه تعور وهو هب يطالع وبس ولكن يرمس فون و واتساب وهذا غير الفيديوهات الوصخه اللي يطالعهن .. داخل قروب واتساب عند ناس ما يعرف منهم الا واحد او ثنين والقروب فيه حوالي 200 شخص وما يطرشون الا الصور والفيديوهات الوصخه.. انا وصلت لمرحله اني ما اقدر اتقبل هالوضع ولا في بالي غير الطلاق .. ادري ان اهلي بيرفضون هالقرار وحتى أهله ما بيتقبلون هالقرار .. لكن أنا قبل لا اتخذه سألته مليون مره انا قصرت عليك في شيء يقول لا .. انت في خاطرك شيء وانا ما اسويه ؟ عادي صارحني انا زوجتك يقول لا ولكن انا ما اقدر اودرهن..
المشكله انا عيالي ما يصبرون عنه وانا هب متحمله هالحاله
الكلام شوي ملخبط يمكن بس ابا شوركم انا عمري 24 وعندي بنتين هل الطلاق حل مناسب والا لا مع اني مقتنعه فيه بس ابا حد يغير رايي او حد يعطيني حل غير اني اكلمه والا ادخل اهلي واهله لان هالشيء صار ولا فاد فيه

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
أصلح الله الحـــال

[بنت الشوامخ]

وعليكم السلام ورحمة الله وبركاته

الله يعينج اختي
الحل تخيرينه بين امرين
بينج ولا بين هالبنات الخياس
خوفيه بفكرة الطلاق

قولي له انج بتعطينه اخر فرصه يتغير ويودرهن عشان تستمرين معاه

وانتي عليج بالدعاء وكثرة الذكر

[almal3ka1]

خذي دوره التعامل مع الزوج الخائن لناعمه الهاشمي

شي عجيييييييييب

[ورود الثلج]

هذا مريض الله يشفيه ويهديه

[أم البندري5]

الله يكون بعونج اختي ويهدي ريلج من هذا المرض
ذكريه بالله وبأن هذا الشيء مايرضى الله وإذا استمر فيه بجره لأكبر من مجرد النظر وأن وأنه يعتبر من الزنى والعياذ بالله وأن الزنى كبيرة م الكبائر
ولا تنسى أن عندك بنات وخوات هل ترضى أن أحد يطالعهن. وعليج بالدعاء اختي قبل لا تتخذي أي . قرار

[ماحد شراتي]

الله يعينج حبيبتي

يعني المفروض هو يتغير من داخله لا تدخل الاهل ولا غيره راح يفيد .. لازم تكون عنده القناعه بالتغيير .. استشيري التوجيه الاسري ..

[سوسو 92]

انا لو مكانج اطلق شو ابي فخاين ويمكن اييبلج امراض اذا جدامج يكلمهن من وراج شو يسوي انفذي بجلدج

[ام الدحمي]

عادي حبيبتي تريي عليه الريال يوم بيوصل 30 سنه بحس بقيمه الحياه الزوجيه وبكون مخلص لج احين حاولي بالتي هي احسن ودوري وبحثي والطيب غالب الطبيب وخوفيه بالطلاق وجيه

[ام الدحمي]

بصراحه مستغربه من الردود بمره خلنه خاين ومحد يعلم بما في القلوب والله يهديه

[غلآ نفسي]

اغلب الرياييل جي

وشي فئه بسيطه من الحريم بعد جي

الريال تعود ع عالم التواصل الاجتماعي

يباله شي يوصل حده ويمل ويخلي هالسوالف

شوفي هدديه خيريه بينج وبين هالعالم وخليه ع راحته وسوي عمرج زعلانه وتردين عليه ع قد سؤاله يمكن يفكر ويهد هالسوالف

بالتوفيق

[هجير الشمس]

تقولين ما يقصر معاج بس عقبها ياخذ اللي عطاه لج وهو مستد
هاه بخل وانانية منه ف كيف مب مقصر وياج ؟
وفوق شينه قواة عينه يقولج ما اقدر اودر
والمصيبه لو اطور وطلع برع حدود مواقع التواصل
خلي حد من اهلج يصلبه ويادبه ويهدده لو ما اعتدل الطلاق حل
يمكن ينتبه لعمره
وحسسيه بالاهمال وخلي شخصيتج قويه واثقلي عليه
اللي مثله لازم يخاف عشان يعرف هو وين عايش وكيف يعيش صح مثل الناس
والله يعينج ويصبرج