مشاكلي مع زوجي

[مشكلتي]

هلا بنات

بختصر لكم الموضوع
انا معرسة قريب من شهر 1 بالبداية انا وريلي كنا من احلى شي مثل اي زوجين
الحين احس بدا يبعد عني مب مثل قبل مهما حاولت اتقرب له احس في حاجز بيني وبينه
وزيادة عليه مايقرب مني مثل قبل - مع انه عنده رغبه - لانه باليوم اللي مايقرب مني يمارس العادة السرية
حاولت اغير اسلوبي واتدلع واتكشخ له اكثر من قبل بس المشكله مايلاحظ اي شي اسويله !!
يعني حاولت اغريه بس ولا كأنه اسويله شي

ابا نصايحكم بنات
- كيف اهدم الجدار اللي بيني وبين ريلي ؟ وهو لو استخدمت وياه اسلوب الحوار مايحبه
- كيف اخله يترك العادة السرية ؟
- ابا لما اسويله شي على الأقل يشكرني عليه وأحس بقيمة تعبي علشانه

والسموحة منكم خواتي طولت عليكم

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

[المراقبة العامة]

تمت الموافقة
احتمال ريلج يمارس هالشيء من قبل ( احتمال )
هنا دورج تكوني الطبيبة له تخرجيه من هالشيء
وتصبري لأن هذه الامور تحتاج وقت
وادعي الله وماخاب من قال يارب

[ruba 13]

اختي الريال يبغي يشوف اشيا من حرمته كل مرة غير يبغي صوت غنج وحركات ووضعيات جديدة واشياء ما نسويها او نعتبرها عيب او حرام يبغي شي يخلي يطير من الفرح ويتم يالس بالبيت ...

[بنت الشوامخ]

للاسف يمكن لانه تعود يشبع رغبته بنفسه عشان جي يبعد
بس لا تيأسين من رحمة الله عليج بكثرة الدعاء والذكر وفوضي امرج لله
وخبريه عن اضرار العاده السريه وحكمها وجي طرشي له مقاطع بالواتساب مثلا يمكن يتأثر ويودرها والله يهديه ويصلحه
وانتي بعد كلميه خلي تستوي بينكم جلسة مصارحه
قولي له انه ماودج يستوي حاجز مابينكم و ودج علاقتكم تتطور دوم للاحسن
شو الاشياء اللي تسعده وترضيه

خليه هو يخبرج
غموض الرياييل ماينفهم الا اذا صارحج

[Yazi.90]

قولي له شو اللي فخاطرك اسويه لك
احيانا الريال يستثار بطريقه معينه،
في اشيا ماقدر اقولها هني انتي حرمه واكيد فاهمتني
ويمكن بعد يحب التجديد ويحب تغيير الوضعيات،
لا تخلينه جي نصيحه بعدين بيتعود

[ماحد شراتي]

كله بيدج صدقيني .. صح يبيله وقت بس دام انج تحبينه وتبينه يتغير راح يتغير ..