كيف اتصرف مع المنافق ؟؟؟

[غرور انثى £]

السلام عليكم ورحمة الله وبركاته
اخباركن اخواتي ؟ ان شاء الله ان كل وحده بخير
اليوم حابه اعرف شو راح تقولون عن الشخص القريب ومنافق ؟ اللي نقول له ( بو وجهين ) يظهر لك عكس ما يضمر في قلبه ؟؟ وخاصه اذا كان من المقربين مثل ابنة العم او الخال او زوجة الاخ او الجار او في الوظيفه ؟؟ كيف راح تتصرفون ؟؟ لا تقولون واجهه لان القريب اذا سرت اوجهه بتصير فيه قطع ارحام .. وصرت انت السبب !!! وما اقول الا حسبي الله ونعم الوكيل على كل منافق

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[hamoudmam]

و عليكم السلام و رحمة الله تعالى و بركاته

انا من رايي التجاهل ..الي ينافق تراه يأذي بس نفسه ..و تتعاملين وياهم بحذر ..و تكون ردود فعلج على ما يظهرونه لا على ما يضمرونه ..

و الله المستعان ..

[mouzan7mod]

اول شي خليهم يرمسون لآنج بتحصلين جبل من الحسنات

[غرور انثى £]

مشكووورات اخواتي عالرد 😘
طيب لو وصل الكلام للام ، يعني يرمسون في امج ؟

[مطلع]

حسبي الله ونعم الوكيل أختي انا عندي نفس الحاله بس ف دوام طفرت لدرجة ودي اطلع من دوام وسبب

هالبنات وكلامهم اللي مايخلص لو مافي شي بيطلعون لج الف سالفه بس اختصرت الموضوع

وماتكلم وياهم وهم في حالهم وانا في حالي والحمدلله والله يكفينا هالاشكال

[almal3ka1]

الام و الابو خط احمرررررر

وعطيهم ما قل و دل

[jameela200]

والله انا حولي منافقين وااااااايد لكن حل وحيد اوحد .. تجااااااهل ... وابدا ما انطق بأي كلمة ابدا الا نعم او لا ... مافي شي زيادة ...

[ام الدحمي]

طز فيهم ابتعدي عنهم حتى لو وصل الام والاب يا ارد عطوالي ياااا اكبر طاااف لان انا وامي وابوي احسن عنهم مابخربني لسانهم ولا راح ينزل من قيمتهم صدقيني صار لي هالموقف ووكلت لله قسم بالله 3 ايام اسبوع ماكملنا الا الله خذ لي بحقي منهم وليومج اسلم لوجه الله اما قلبي مامسامح ماعرف شو الحكم هل الله راضي عني اولا !؟ مااعرف بس كله اسوي لارضي ربي فقط وهذا اللي يهني هم لا تتبعي اثرهم يووولو

[غرور انثى £]

( مطلع ،almal3ka، jameela200، ام الدحمي ) مشكووورات اخواتي وربي يكفيكم شر الحاسدين والغيورين . والله يعيينا عالحياة مع هالاشكال

[غلآ نفسي]

لو انا بسوي لهم اكبر طاف دامهم ما يرمسون جدامي

من وراي خل ياخذون راحتهم

[الوردة الجورية]

و عليكم السلام و رحمة الله و بركاته

أولاً: كيف عرفتي انهم منافقين؟؟؟

هل لأنهم جدامج ويه و وراج ويه شي ثاني؟؟؟

انزين كيف عرفتي انهم من وراج ويه ثاني؟؟؟


حد يابلج معلومات؟؟؟؟؟؟؟؟؟!!!!


اللي ياب لج معلومات سواء حرمة او ريال حطي تحته ألف خط أحمر

لأنه من شياطين الإنس..

لو اللي بيوصل لج كلام يبا مصلحتج كان دافع عنكم في غيابكم، مب يثير فتن


اللي بييب لج رمسة منقولة، مهما و ثقتي فيه و في صدقه قولي ما عليه كلمني عن الموضوع جدامها و انا بنفسي ابا اسمعها شو تقول

ان كان الناقل صادق بنيته بتتوضح له الامور جدامه

وان كان كاذب و يبا الفتن او يبا يوصل لج كلام في خاطره هو و يعقه على غيره بيبين



نصيحتي لج


عاملي الكل بالحسنى بأخلاقج انتي مب بأخلاقهم هم، سواء صادقين او منافقين خلج رسمية في تعاملج مع الآخرين تكسبين ثقتهم و احترامهم

صفي نيتج و الله بياخذ حقج أول بأول منهم.. والدنيا قصاص اصبري

[عيووووون]

وعليكم السلااام

طيبين طاب حالج

التجاااهل هذا الحل يعني خلي الامور عااادي بس لا تاخذي برمستهم ولا تقولي شي قدامهم يعني حريصه

[ماحد شراتي]

صدقيني التجاهل افضل حل

[بدوية والنعم]

أفضل حل اولا اللي يوصلج الكلام قولي لها لاتخبريني شو قالوا عني في غيابي يكفيني يظهرون احترامي بوجودي

ثانيا العلاقة الرسميةة أفضل العلاقات واطوولها وهذا راي الشخصي تفرض الاحترام خاصة مع هالاشكال

لاتداخلين معاهم واايد وحبذا الزيارات تكون خفيفة الوقت ونفس الوقت صلة الرحم

[غرور انثى £]

مشكووورات اخواتي عالرد وجزاكن الله خير وما قصرتن