شورايكن بكوريا او هونق كونق لرحله مع اطفال وبقصد المتعه لهم

[السنع و الزين]

هونج كونج بصراحه وايد حلوه وتناسب الأطفال فيها ديزني وحدايق حيوانات يعرضون باندا. وفيها مناظر حلوه وجبال ومولات. أغلب الفنادق الأوكي تكون في سنترال أو منطقة السفارات وما أنصحج تاخذين ٤ نجوم هناك أبدا مب شي لازم ٥. شهر ٧ غالبا يكون وايد فيه رطوبه بس الحراره تطاق. اللهم تحسين ويهج كله عرق. والأماكن السياحيه لأنه يكون فيه وايد سياح صينين توقفين طابور برى علشان تدخلين فحاولي تروحين بدري. حتى ديزني لاند لو خذتي في اي بي تيكيت بعد طابور. مرات بالصيف حدايق الحيوان تسكر علشان الحر. بس مع هذا تظل هونك كونج روعه ومن أفضل الأماكن عندي. اذا تبين حد يحجزلج تذاكر أو فنادق كلميني.