ريلي وجاهه اجتماعية وبس مو عادته زوج

**مشكلتي** · 2016-04-25, 00:16

السلام عليكم
ريلي يا حريم احسه وجاهه اجتماعيه .. برواز... سواق .. مندوب ... حمالي اي شي غير زوج ...
ما احس اني أحبة ولا اغليه
يطلع ولا افكر اتصل به..
تخرج من التجنيد ولا سويتله سالفه ..
يوم يبعد ارتاح ويوم هو جريب احس اعصابي مشدوده..
انا قايمه بنفسي .. من كل نواحي .. وجوده مجرد كرت أخضر... لأني معرسه فلي كامل حريه بكل شي .. بيت ابوي في قواعد تخنقني... ما استحمل أتم في بيت ابوي حتى لو زياره أكثر من 5 ساعات ...
بس ها لسبب الي مخليني اعيش معاه ..
هو إنسان خاين وراعي بنات .. لدرجه ان يواعدهم بسيارته.. وحدث ولا حرج
مابينا كلام ولا سوالف .. لأن بإختصار اي شي اقوله يقولي انتي هبله انتي غبيه انتي متعرفين تتكلمين
مع اني والله اونس وسوالفي حلوه .. وايد على ويهي .. ودمي خفيف بس هو عافانا الله من كثر ما يرمس.. ما يعيبه اسلوبي ولا شكلي و لا كشختي .. مع ان لا يعلى علي صراحه ...
ما أقوله حبيبي ولا حياتي الا اذا أبا شي
قبل كنت اترياه واطرشله صور سلفي وحركات .. ما يستثير ولا يقرب مني .. اثريه عنده الي مكفيه
حالياً انا الي مااباه ولا أقرب منه ولا احب أحبه ينام معاي بحجره ..
إذا طلع ياني الفرج

مادري .. ليش .. احس بيكون في نهاية لحياتي معاه .. بس اتريا شي ما عرف شو ...
عندي عيال 3 .. كلهم أقل من 6 سنوات ..

المزيد من آخر المواضيع من نفس القسم:

**المراقبة العامة** · 2016-04-25, 03:31

تمت الموافقة
الكلمة الطيبة صـــدقة

**bdbridedress** · 2016-04-25, 04:26

الله المستعان

**almal3ka1** · 2016-04-25, 08:05

تبين تكملين باجي حياتج جي ؟

هالسووال تسالينه نفسج و الرد عندج

عندج حل من 3 حلول ياتكملين معاه جي و معى نفسيتج المحبطة و بتيج امراض الدنيا

او تكملين معاه + تقوين ثقتج بنفسج من خلال دوره ناعمه الهاشمي كوني ملكة ( و الله انها دوره تغير شخصيتج و تخليج تتكيفين مع أي محيط انتي تكونين فيه )

او كلن يروح بدربه

بس حطي في بالج تتحملين النتايج اللي تترتب

في سكن لج بيت اهلج ؟ تتوقعين بيتقبلون ردتج مع 3 أطفال

حريتج الطلعه و الدخله ؟

في شي وايد مهم , كيف يقولج هبلة و غبيه !!

انا ما احرضج بس انتي ادري باللي انسبلج و بعد لازم تحطين كل الاحتمالات المتوقعه

اعبر عن نفسي و عسى ربي ييسر امورج

**mouzan7mod** · 2016-04-25, 10:33

عزيزتي غير يمن نفسج لفسج لا تقولين لريلي و بو عيالي
اذا انتي تغيرتي من داخلج عقب بيحس بالتغيير و يمكن يودر بنات الحرام
الطلاق مب حل ، فكري فيها عندج 3 مب 1 ماشاء الله

**دانة ذهبية** · 2016-04-25, 13:03

ما عليه حبيبتي

لا تفكرين فيه و انشغلي في نفسج و اهتمي بشكلج و لا تعطينه اي اهتمام
خليه يحس انج متغيرة
عيشي حياتج مع عيالج و استانسي
و صدقيني في النهاية بيندم
مافي إنسان يمشي في درب الغلط و ما يندم
تحمليه و وكلي امرج لله و تأكدي انج بتكسبين في النهاية
خليه برواز بس أحسن من الطلاق
الله يفرج همج

**sa7el** · 2016-04-26, 07:58

للأسف اثنينتكم غلط،،،

**ماحد شراتي** · 2016-04-26, 11:26

ما تحبينه ولا تطيقينه وعندج 3 عيال منه ؟!

عندج حلين لا ثالث لهما :

1- يا تعدلين الوضع معاه وتكلمينه بكل هدوء عشان عيالكم

او

2- كل واحد يروح في حال سبيله وهو الطلاق

ما تخافين على عمرج ييبيلج امراض دام انه راعي بنات .. ما تحسين بالغيره ؟؟ يمكن انتي الغلط ما حسسيته برجوليته وانج تغارين وتحاتين .. يمكن انتي مب حنونه معاه ! شوفي وين الغلط وصلحيه

**المعآني** · 2016-04-26, 14:36

عيشي حياتج مع عيالج خليه برواز
الله يكون بعونج ويصبرج على ما ابتلاج
ويجعل عوضج في عيالج صالحين وبارين يارب

**Awash124** · 2016-04-26, 16:09

كثري من الاستغفار والدعاء الله يصلح حالكم ويؤلف بين قلوبكم كثري من هدعاء اللهم استودعتك زوجي وبيتي ونفسي وعيالي من الفتن ما ظهر منها وما بطن واحفظ جوارحهم عن الفتن والحرام

**بنت الشوامخ** · 2016-04-28, 00:05

اختي لازم تحطين حد لهذه العيشه
انا ما انصحج بالطلاق
اول شي جربي كل الحلول اذا مانفعت عقب فكري بالطلاق
لانه من بينكم عيال الله يحفظهم

اول شي ريلج الله يهديه بس يطلع ويا بنات ولا وصلت العلاقه لشي اكبر وهو الزنا ؟؟؟ لانه هذا الشي لا قدر الله اييب امراض وموضوع ماينسكت عنه

اذا جي خبريه انج ماراح تعيشين معاه لانج خايفه ينقل لج امراض
ويا يصلح وضعه وياج ولا بتخلينه انتي وعيالج

وبعدين بالوضع اللي انتو فيه بالعكس لازم تتقربين منه اكثر
ادري الخيانه تذبح القلب وتقهر وتقتل مشاعر الحب
بس انتي تحملي عشان تصلحين الامور مابينكم
حاليا سوي عمرج مشغوله عنه اهتمي بنفسج صالونات مساج وادخلي دورات وغيره واكشخي والبسي وانشغلي مع الياهال واطلعي واستانسي

وهو لما ايي قابليه بابتسامه بنفس حلوه
ادري صعب وانتي شاله بقلبج عليه
بس ترى كل ماشافج عبوسه ومالج خلقه اكيد بيروح لبنات الحرام

حاولي تحسسينه بقيمته و بكيانه يمكن هو مفتقد هالشي ؟؟
عطيه هدايا يمكن يحب الاهتمام وفاجئيه بليالي حلوه وحركات او حجز بفندق اذا تحسينه يحب هالسوالف

لو سمعتي منه كلمه تزعل مثل غبيه وهبله لاتسكتين دافعب عن عمرج ردي عليه باسلوب حلو مافيه ضرابه وصراخ

مثلا لو قال غبيه
قولي الحمدلله الكل يشهد بذكائي واسلوبي الحلو و و
يعني المهم لاتسكين ودافعي عن عمرج
بس لاتعصبين خلج كول عقب هو بيسكت ويستحي على ويهه

والسلاح الاهم اكثري من الاستغفار والدعاء والصدقه وعليج بالصبر حتى تلاقين النتايج

**cute uae** · 2016-04-28, 18:26

المشاركة الأصلية كتبت بواسطة دانة ذهبية

ما عليه حبيبتي

لا تفكرين فيه و انشغلي في نفسج و اهتمي بشكلج و لا تعطينه اي اهتمام
خليه يحس انج متغيرة
عيشي حياتج مع عيالج و استانسي
و صدقيني في النهاية بيندم
مافي إنسان يمشي في درب الغلط و ما يندم
تحمليه و وكلي امرج لله و تأكدي انج بتكسبين في النهاية
خليه برواز بس أحسن من الطلاق
الله يفرج همج

**ورقة ناعمة** · 2016-05-01, 09:47

المشاركة الأصلية كتبت بواسطة sa7el

للأسف اثنينتكم غلط،،،

**بدوية والنعم** · 2016-05-01, 12:32

الله يهديه

الموضوع: ريلي وجاهه اجتماعية وبس مو عادته زوج

أدوات الموضوع

عرض

ريلي وجاهه اجتماعية وبس مو عادته زوج

المزيد من آخر المواضيع من نفس القسم:

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

رد: ريلي وجاهه اجتماعية وبس مو عادته زوج

المواضيع المتشابهه

ارجوكن طمنوني عليها عضوة غايبه عنا

انا سمره وهو اسمممر عني ومب عايبه.. شو الحل؟؟؟

أنا أفضل الأعضاء..واللي مو عاجبه يقولي

((أنا أفضل الأعضاء.و اللي مو عاجبه يقول ))

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش