زوجي .. يحبني .. و اعشقه .. ولكن ..

[مشكلتي]

السلام عليكم ورحمة الله وبركاته


انا متزوجه من 3 سنوات تقريباً

زوجي هو اللي اختارني .. عن قناعه ..
يقرب لي و خذاني وهو مقتنع فيني


يحبني و انا احبه
واحترمه ويحترمني
وعلاقتنا ولله الحمد جدا ممتازه
احمد ربي كل يوم على هالحياه الجميله وياه

لكن في مشكله حاولت اني اعدلها طول هالثلاث سنوات ولكن ماشي فايده
تعبت و ياليت القى الحل عندكم


زوجي اذا شاف شي ما عيبه .. فيني انا .. ما يتكلم ..
ابسط شي يسويه انه يسكت عني و شوي يتجاهلني
مش يتجاهلني .. يعني يعاملني كأني اخته او انسانه عاديه

اللي يخليني الاحظ هالشي
انه هو يومياً طبيعي وياييه و يظحك ويسولف ويتمصخر طول الوقت
يعني يعاملني ك حبيبته و زوجته و حتى كصديقه

ولكن من يتغير شوي انا اعرف انه شي مستوي
بس مستحيييييييييل يقول اي شي
حتى لو اساله الف مره ما يقول شي كله يقول لي " مافيني شي "
و توصل حتى انه مايكلمني اسبوع كامل

تكلمت وياه و فهمته الف مره ..
نحن متزوجين وعايشين ويا بعض والحمدلله علاقتنا زينه
مافيها شي اذا ييت وقلت لي ترى انا شفت هالشي
او استوى هالشي و ماعيبني

وانا والله مب من النوع اللي يضارب او يعلي صوته
بالعكس يعرفني اني احب اتكلم واتفاهم بكل هدوء
وكل شي يقوله لي حتى لو قال لي شي باسلوب ماعيبني
ما اقول غير " ان شاء الله حبيبي "

انا مابقول ان هالشي متكرر وايد
لا يمكن كل شهرين او ثلاثه مره
بس انا ما احب هالشي يستوي

تعرفون يوم في حياتكم شخص واحد بس
هو اللي يسوى كل شي و تتكلمون وياه بكل شي
وهو يبادلكم هالشي
وفجأه يسكت عنكم بدون اي سبب تعرفونه
" صدق تعبت من هالشي "

زوجي مب ياهل .. كبير فالسن .. فوق ال 30
وبيتوتي ما يسير مكان وطول الوقت وياييه وين ما نكون
وانا واثقه فيه ثقه كبيره
" مابغي وحده تقول لي الرياييل لا تثقين فيهم ومن هالكلام "
في تفاصيل ما ابغي اتكلم عنها بس انا واثقه فيه


و المشكله انه فالنهايه يطلع موضوع وايد سخيف وتافه
و نحله في دقايق
بس هالشي كله يستوي ليش ؟؟
يقول لي انا ريال وعندي عزه و كرامه و ما اقدر ايي اقولج
او اقولج شو فيج او اي شي

تعبت والله رمست وايد و تكلمت و فهمته وكله بهدوء
بس ماشي فايده


ياليت تشورون علييه
او تنصحوني بمستشارة علاقات زوجيه
او اي شي

و فالنهايه ياليت تدعون لي


" اللهم يسر امورهما و بارك لهما في حياتها و اجمع بينهما دوماً على خير "

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

[المراقبة العامة]

تمت الموافقة
الكلمة الطيبة صـــدقة

[غلآ نفسي]

شي رياييل ما يقولون

يقول خل الحرمه هي اللي تعرف

بس الحرمه مرات تكون غافله عن شي معين

لازم الريال يقول يتكلم

جربي فالمسجات اسأليه يمكن يجاوبج

وعقب يوم يرد البيت لا تتناقشين معاه باللي صار فالمسجات

يعني حلو المشكله والزعل اللي فيه فالمسجات

وعقب يوم يرد البيت ولا كأنه شي صار

بالتوفيق

[مالتيزرس]

ما قول غير الله يديم حبكم ولايغير عليكم الا الاحسن ياربي ..
ريلج ماشاءالله عليه كله ايجابيات الله يبعد عنكم الحسد والعين .

انتي يوم بتتضايجين اذكري ايجابياته وانسي هالسلبية ..وحكي ريلج بعيونج ..ولاتقعدين تحنين عليه وتزنين خليه ع راحته دام هو مرتاح معاج بهاالشكل ومايحب يتكلم ..

الله يهديه ولايغير عليكم

[almal3ka1]

ما قول غير الله يديم حبكم ولايغير عليكم الا الاحسن ياربي ..
ريلج ماشاءالله عليه كله ايجابيات الله يبعد عنكم الحسد والعين .

انتي يوم بتتضايجين اذكري ايجابياته وانسي هالسلبية ..وحكي ريلج بعيونج ..ولاتقعدين تحنين عليه وتزنين خليه ع راحته دام هو مرتاح معاج بهاالشكل ومايحب يتكلم ..

الله يهديه ولايغير عليكم

[مالتيزرس]

ما قول غير الله يديم حبكم ولايغير عليكم الا الاحسن ياربي ..
ريلج ماشاءالله عليه كله ايجابيات الله يبعد عنكم الحسد والعين .

انتي يوم بتتضايجين اذكري ايجابياته وانسي هالسلبية ..وحطي ريلج بعيونج ..ولاتقعدين تحنين عليه وتزنين خليه ع راحته دام هو مرتاح معاج بهاالشكل ومايحب يتكلم ..

الله يهديه ولايغير عليكم

[ماحد شراتي]

الريال على ما تعوديه .. غريب طبع ريلج ! بالعاده معروفين ما يقدرون يسكتون وشاطرين فالتعليقات ..

دام انه يعتبرج كلشي فحياته حبيبته وصديقته وحرمته قوليله دام اني صديقتك قولي شو الشي اللي مضايقنك ؟

[فوحة الفل]

سبحان الله جنه ريلي بالضببببببط

و السبب دايماً سخيف و ما يسووووى هالشي كله

المههم انا كنت نفسج احرق اعصابي و اتضايق ، بعدين قمت اطنشه و من نفسه ايي و يقول و عادي يتم اسبووع على هالحال بس اطنشه و انا اعرف انه فيه شي بس خلااص من خبرتي عرفت انه اللي يزعله اشياء تافهه ، و مرات اساله شو فيك ؟ نفس ريلج يقول ماشي ، اطنشه بس اعامله باحترام و البي كل طلباته و ايبله الاكل لين عنده ، و بعدين من نفسه يطيب و يتكلم ، يعني الزبده خليه على راحته ...

الله يسعدكم و يبعد عنكم الزعل

[mouzan7mod]

الله يعينج

[الطواشة]

جوفي إيجابيات الحياة اللي انتي عايشتنهاا ..
طبيعي ما بيكون لج العاشق الحبيب الصديق كل يووم
و دامه ريال بيتوتي فيحب اشوي يبتعد عنج ..



اي حياة زوجية جي سواء وجدت المشاكل او لا ..

[بدوية والنعم]

يمكن مافي مشكلة بس يحتاج مساحته الخاصه لا اكثر


وقريت انه الريال في الايام البيض ينحبس في جسمه الماي ويقعد تحت ضغط مو طبيعي عشان جي الرسول عليه السلام نصح بصيام هالايام عسبت الماي المحتبس يطلع ويتبخر

والاجانب يتحرونه شي اكتشفوه يخففون شرب الماي بهالايام

اللي لاحظته انه اخواني وابوي يكونون مضايجيين ومعصبين اما البعض الصايمين منهم ريلاكس
ركزي وبتفهمي علي
المهم شوفي شو الايام اللي يضايق فيها اذا صادف هالايام عرفي ع طول السبب واذا قدرتي تقنعينه بالصيام زين تسوي

ربي يسخر بينكمم

[أم عبيدة]

بسم الله الرحمان الرحيم
الحياة فيها ايجابيات و سلبيات و الواحد يحمد الله على كل حال
لا يوجد انسان كامل الكمال لله و لا احد معصوم , قال الله"و استعينوا بالصبر و الصلاة" انصحك بذلك
الحياة ليست دائما كما نريد في بعض الاحيان محتاج الانسان لوقت يختلي به لنفسه و يحاسبها فيه
مادام علاقتكما جيدة و الحمد لله و تعيشان في رغد و طاعة لله فلا تخافي و ادعي الله دائما لعل الله جعل ذلك سببا ليقربك منه اكثر, في النهاية اريد ان اقول ان كثير من الرجال فيهم هذا الطبع و لا تظن ان ذلك عندك فقط,
واذا نظرتي الى مشكلات العديد من الاخوات لوجدتي ان مشكلتك لا وجود لها بين المشكلات فلا تقلقي.اسأل الله ان يوفقك و ينور طريقك و يصلح حال زوجك.

[احلى بعفويتي]

عادي تقبلي طبعه موب شرط يكون مثالي ...
انتوا الحريم تبون كل شي كامل عادي ها طبعه وقزري معاه

[almal3ka1]

عادي تقبلي طبعه موب شرط يكون مثالي ...
انتوا الحريم تبون كل شي كامل عادي ها طبعه وقزري معاه

معاها حق

الريال مب كندورة تفصلينها عكيفج

[Yazi.90]

عادي تقبلي طبعه موب شرط يكون مثالي ...
انتوا الحريم تبون كل شي كامل عادي ها طبعه وقزري معاه