أختي وصديقتها الله يهديهن

[مشكلتي]

السلام عليكم ورحمه الله وبركاته
حزينه جدا ولا ماعرف من وين ابدا المشكله مب مشكلتي لكن المشكله أختي
أختي متزوجه وترملت وبعد فتره ياها النصيب وعرست وصار عندها عيال اثنين
وتطلقت لأسباب منها السحر ووو .... المهم انها تعيش ويانا المشكله أنه أختي
عمرها 30 مرابعه وحده عمرها 17 او 18 وتكلمها مب كانها ربيعتها اتمنى فهمتوني شو اقصد 
طبعا فارق العمر كبير والبنت مراهقه لكن اختي عاقله وشايفه الدنيا وخاضت تجربتين وتشتغل
تروح وترد وتسمع وتشوف فهالدنيا يعني مب ياهله وتوها مراهقه ماتعرف الصح والغلط لا
طبعا البنت كانت تيي للبيت عشان اختي تفهمها امور الشغل وزاد الوضع عن حده واهلي قالوا لها
هالبنت لا تخلينها تيي ولا تسوين لها سالفه تباج تعلمينها شي تييج وقت بريكج مب للبيت
وياليت بس كانت تيي جي لا تيي وتيلس فترات طويله كأنها فبيت حد من اهلها وتييب هدايا لاختي
وتتكلم هي وياها ع التيلفون نص الليل ومن غير الاهتمام اللي يخليج تشكين انا ما انكر عشان اقطع
شكوكي يعني اقطع الشك باليقين مره كانت ناسيه تيلفونها فالبيت وهي كانت برا فالمستشفى مع اختي وطلبت مني اشله من غرفتها واغلقه وانا قبل لا اغلقه فتحته وقريت بلاوي ياليتني ما قريت انصدمت
وطاحت من عيني وانا اللي اعتبرها قدوه ويعني شي يزعل الصراحه وفوق هذا هي ما تعامل عيالها معامله زينه يعني قاسيه مع عيالها تضربهم وتجبرهم ع الاكل وماعرف شو يعني ابدا مش اسلوب يتعاملون فيه مع اطفال وياليت اطفال عايشين حياه مستقره لا متشتتين بين امهم وابوهم ويبا لهم اهتمام يعني بس مب هاي مشكلتي البنت هي مشكلتي حاولنا نبعد اختي عن هالبنت ما قدرنا صارت تتلاقى وياها فالدوام ومانعرف
شو يستوي من ورانا ولا نقدر نظن لان بعض الظن اثم انا ما كتبت الموضوع الا لاني مصدومه من اللي قريته
اشياء مب هينه غير جي اذا اطلبها تخلص لي شغل وتساعدني تقول انا ماعرف وانا مب شرات تخصصج للعلم الشي اللي بعطيها اياه ماله علاقه لا بتخصص معين ولا شي اي شخص عنده شهاده يقدر يسويه
وبغيتها تساعدني فمشروع التخرج تتهرب مني والبنت عاطيتها بحث تسويه لها وداقه الصدر وشلته تسويه لها !!!!
الحركه مب حلوه ابدا ولا عيبتني ولا اول حركه هاي وايد اشياء وتصرفات تضايج منها
انا مقدره انها مرت بتجارب مرتين بس عيشتها احين فبيت ابوي احسن بالف عن حياتها الاخيره
ومب ناقصها شي وحتى لو كان ناقصها شي غلط انها تسير تسوي شي حرام
ماعرف منو اكلم ؟ خواتي وتكلمنا وياها واخوي وابوي يدرون وتكلموا وعدتهم تخليها وفعلا فتره تمت
مالها حس ولا نشك فيها بس احين ردت حليمه لعادتها القديمه وهي اصلا ما قطعت البنت ولا هم يحزنون
انا مااقدر ادخل اخواني لانهم بيذبحوها لو دروا ونحن خواتي كلمناها ولا نشوف شي فايده
انا اختصرت الموضوع وحذفت اشياء لان ما تنقال حاولت اوضح لكم اتمنى فهمتوا شو قصدي
شو ممكن نتصرف وياها ؟
شو حل هالمصيبه ؟؟ الله يستر علينا بس

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[السنقباســـية]

لا حول ولا قوة الا بالله اختي ممكن لو كان قصدج علاقة امبينهم .... يمكن اختج من النوع الي ماتتحمل ولازم تكون متزوجه لانه بعض الحريم يكونن راغبات في هالشيء .... ما افضل ادخلون الاخوان عشان ما اطيح من عينهم وفي نفس الوقت بيلعنون خيرها .... اول شيء ادعولها وثانيا لو تزوجونها افضل ....... لانها مطلقة تحس انه لها الحرية في عمل اشياء ( ماتقدر البنت اتسويها ) ووايد مطلقات يستغلن هالشيء وانا ما اظن السوء في اختج بس وايد ناس لهم رغبات وهالشيء مب حرام بس الحرام انها تسويه في الحرام ..... انا اشوف لو تتزوج او تحاول اتصالح زوجها وترجع بتبتعد تلقائيا عن هالامور .... يمكن محتاجة عواطف وغيره وماعرفت اطلعه الا مع هالمراهقة والله يهدينا ويهديها باذنه تعالى

[almal3ka1]

بعد الكلام كله اللي كتبتيه عن اختج , تقولين ان بعض الظن اثم !!


انا أقول هي تعرف شو الصح و شو الغلط و الله بيحاسب كل حد روحه


و هي مب مجبوره تساعدج ببحثج , المفروض انتي اللي تشتغلين عليه مب هي


اكيد بتسوي من وراكم دام وصل الخبر لاهل بيتكم و جي

الله العالم بالنيات

أتمنى انج تنشغلين بعمرج


هاي و جه نظري

[نور العين1]

سبحان الله

[عيووووون]

السلام عليكم

اختى شغلت مسكت التيلفون وتنبشين فيه ابداا مالج حق لو فيه كل البلاوي واللي تخجل ادري عرضكم هاذي بس بالكلمه الطيبه


يا ترى شو احساسها لما تدري ان حد ينبش من وراها !!!؟

تعرفين شعور المطلقه او اللي عندها تجارب فحياتها تهزها وتكسرهاااا !!!
يا ترى شو قوة الترابط اللي فيكم !!!

اذا تشوفين هالكم من السلبيه اللي فيهاااا ليش ما تمتصين غضبهااا
ليش قدمت ربيعتها اللي عقولتج تبديها. عنكن !!!

انا اشوف اللي كتبتيه ولا ااااا واحد بالميه فيه حب لاخت

عتبج قاسي وتذمرج اقسى وعدم تفهمج الهااا يقهر.
هالعمر الانسان قادر يميز بين الصح والغلط بس الطامه الكبيره اذا حد من اهلك يطعنك من وراك

انا اقول قبل لا ترموا العتب عليها شوفوا وين مصدره


انا اشفق على اختج لان محتاجه حب اهل ومب محصله ،،، مش معناته ان عندهااا صديقه ب18 يعني سوت شي غلط يمكن حصلت حد يفهمها ويقدر وضعهااا العقل مب فالعمر ناس عمرهااا فوق الاربعين وعقولها عقول يهااال ،،،اساءه الظن لهااا والتنبيش وراااهااا هذا اللي خلاني اتكلم لان في شي فيكم انتوا ما كتبتيه اشوف بس اندفاع وتطاول بدون معرفه الاسباب

ماشي دخان بدون نار
والله يصلح الشان

[بـ دبي ـنت]

ليش تتهمووون البنت هيه تباااكم عوون وستويتولهاا فرعون ... هيه طرحت المشكلة وتباا حل حق الموضوع مايهم الطريقه الي عرفت فيها انه اختها جي .. وهيه طرحتها من باب حب اختها وتخاف عليهااا من الحراام..
واكيييد انتو مابتخافون عليها أكثر من اختها .. أنا اشوف لو تتقربون منها أكثر أحسن يمكن حاسه بنقص وتبغي اتعوضه ومش عارفه كيف .. ان شاء الله بي نصيبها .. حاولو اتقربون عيالها منها وعشان مايحسون بنقص عوضوهم عن امهم لين ما الله يهديها ..

[:)..]

أنا احس إن اختج ادور حب و اهتمام .. مادري احس بيكون أفضل اذا سترتي عليها و ادعي لها بالزوج الصالح صدقيني يوم تتزوج بتودر هالسوالف !

[اجمل ملكة]

يارب الله يهديها ........والله يا اختي احسن حل انو تتزوج عنجد ويبعتلها ابن الحلال يارب.....قصص كتير هيك صاير بس تحكم عقلها تربي الاولاد تربية صالحة يارب ....يصلح أمورها

[غلآ نفسي]

صاحبه الموضوع قالت كيف اخلي الصديقه تودر اختي

ما قالت كيف اتخلى عن اختي

قاعده تدور حلول

ولازم تشرح كل شي بالتفصيل عشان تعرفون حجم المشكله

اهم شي يا اختي استري عليها لا تخبرين اخوانها وحلو الموضوع بينكم انتي الخوات احسن

بالتوفيق

[تفاحتي]

والله شوفي صاحبه الموضوع


ف مواضيع يوم الواحد يسكت عنها غلط


وسالفه شوفي واسكتي
الساكت عن الحق شيطان اخرس
قمي سيري حقها وبندي الباب ورمسيها وعاتبيها وذكريها بان في فئات ما تشم ريحه الجنه
وان حتى لو ما وصلت هالمرحله ترا بدايه الغلط يكبر
ولا ترحمينها في الرمسه حطي اسم الله بين عيونها وفهميها
مو لازم تخبرين العايله الكريمه
استري عليها الله يستر عليج دنيا واخر



الصراحه الموضوع مقزز شقا ترمسين اخوانج او حتى خواتج
رمسي صاحبه الموضوع هذي اختج ونتي محاسبه انج تغيرين الغلط لو كان بأضعف شي اللي هو الدعا



وسالفه بحوثج
سويهن روحج مو شغلها ولا دخلين الحابل بالنابل

[مالتيزرس]

ليش تتهمووون البنت هيه تباااكم عوون وستويتولهاا فرعون ... هيه طرحت المشكلة وتباا حل حق الموضوع مايهم الطريقه الي عرفت فيها انه اختها جي .. وهيه طرحتها من باب حب اختها وتخاف عليهااا من الحراام..
واكيييد انتو مابتخافون عليها أكثر من اختها .. أنا اشوف لو تتقربون منها أكثر أحسن يمكن حاسه بنقص وتبغي اتعوضه ومش عارفه كيف .. ان شاء الله بي نصيبها .. حاولو اتقربون عيالها منها وعشان مايحسون بنقص عوضوهم عن امهم لين ما الله يهديها ..

مع الاخت بنت دبي👍👍

يعني حتى لو مطلقة وايد مطلقات عندنا فالمجتمع بس ماوصلو لها المرحلة ..ودام صاحبة الموضوع ذكرت انها تباها تساعدها فبحوثها فأكيد بتكون طالبة بعدها تدرس ..فاختها ماراح تاخذ بنصيحتها دامها أصغر عنها فالسن ..

لازم الموضوع حد كبير عاقل يتدخل فيه مثل استشاري اسري لوتاخذ منهم ع الاقل استشارة تعرض لهم المشكلة وتشوف .

[الجوهرة_1980]

اطلعي وياها واتقربي منها حاولي فوق المليون مرة مسيرة القلب بيحن وان شاء الله بيرد عقلها لها وانصحيها تستشير اخصائي نفسي واهم شي قبل كل شي انصحيها بالصلاة والله بيهديها وبيسر امرها ولا تفتشين ورى اي حد تحنا ما نعلم الغيب الله سبحانه وتعالى العالم بكل صغيرة وكبيرة بالمستور والظاهر ..الله يهديها ويخليها لكم في النهاية اهي اختج ومن واجبج توقفين معاها بالخير ..

[ماحد شراتي]

السلام عليكم

اختى شغلت مسكت التيلفون وتنبشين فيه ابداا مالج حق لو فيه كل البلاوي واللي تخجل ادري عرضكم هاذي بس بالكلمه الطيبه


يا ترى شو احساسها لما تدري ان حد ينبش من وراها !!!؟

تعرفين شعور المطلقه او اللي عندها تجارب فحياتها تهزها وتكسرهاااا !!!
يا ترى شو قوة الترابط اللي فيكم !!!

اذا تشوفين هالكم من السلبيه اللي فيهاااا ليش ما تمتصين غضبهااا
ليش قدمت ربيعتها اللي عقولتج تبديها. عنكن !!!

انا اشوف اللي كتبتيه ولا ااااا واحد بالميه فيه حب لاخت

عتبج قاسي وتذمرج اقسى وعدم تفهمج الهااا يقهر.
هالعمر الانسان قادر يميز بين الصح والغلط بس الطامه الكبيره اذا حد من اهلك يطعنك من وراك

انا اقول قبل لا ترموا العتب عليها شوفوا وين مصدره


انا اشفق على اختج لان محتاجه حب اهل ومب محصله ،،، مش معناته ان عندهااا صديقه ب18 يعني سوت شي غلط يمكن حصلت حد يفهمها ويقدر وضعهااا العقل مب فالعمر ناس عمرهااا فوق الاربعين وعقولها عقول يهااال ،،،اساءه الظن لهااا والتنبيش وراااهااا هذا اللي خلاني اتكلم لان في شي فيكم انتوا ما كتبتيه اشوف بس اندفاع وتطاول بدون معرفه الاسباب

ماشي دخان بدون نار
والله يصلح الشان

معاها فالراي

اختج محتاجه حد يفهمها ويحتويها ويمكن ما حصلت هالشي من خواتها او من اللي حولها فطبيعي دور حد يهتم فيها .. ولا تنسين التجربتين اللي مرت فيهن اكيد عندها صدمه .. ما يخص العمر فديتج 18 ولا 35 المهم تكون واعيه .. ادعي لاختج بالهدايه وحاولي انج تنصحينها وانها تهتم بعيالها لانهم مالهم ذنب

[Black eye.s]

وانا اقول كل بنت تحس بضيق مشاكل عائلية او حتى ملل بالبيت بتحاول تتقرب لاقرب صديقة لها وتسوي قصص معاها سواءاً متزوجة أو لا.

عيشوا بدون تفكك حب احترام تواضع طيبة رفق وغيرها من مصطلحات انذكرت ف دينا الإسلامي راح تبتعدون كل جميع المشاكل الاجتماعية.

تمسكوا بدين الله ورسوله وان شاء الله مابيكون في مجال للشيطان يدخل ف بيوتكم.