تجربتي بالخياطة التجميلية

[صاحبة الحلم]

امهات اليوم بكتب لكم عن الخياطة التجملية الي لا كانت بالبال ولا بالخاطر
السالفه أني كنت سايرة للدكتورة عشان ابي اركب لولب واريح شوي من الحمل والولادة ...
المهم تكلمت مع دكتورتي واتفقنا نركب اللولب الهرموني لانه احسن ومضمون مايصير عليه حمل
قالت بكشف عشان لو في التهابات وهي تكشف قالت لي انه المنطقة 🙈تعبان وايد والخياطة مالت اول ولادة مادري شو بلاه
المهم قلت لها وكم تكلف الخياطة قاااااااللت على ثقة ماصدقت بيني وبينكم لاخر لحظة كنت خايفه تقول اني ادفع وانا مب حاطه في بالي

المهم يوم الخياطة اخترت البنج كامل لاني اخاااف موت اهم يخيرونج بين بينج الظهر والبينج الكامل
وعقب ماخلصنا الجراحه وقمت من البنج وقالت الدكتورة انه وايد المنطقة احتاجات شغل
انا قلت لها انا مسويت الا مره وحدة خياطة
المهم بالنسبة للالم اقل من المتوقع
والحين اتريا نروح الموعد عشان تبطل الخياطه

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعآني]

اجر وعافية ويارب كل أمورج تكون اوكيه
بس خبرينا كم طفل عندج
وما قالت لج متى تقدرين تحملين

[صاحبة الحلم]

انا عندي 5 يهال
ماقالت لي متى اقدر بس انا ركبت لولب هرموني وناويه اوقف 3 سنوات باذن الله

[SO FAIR]

ان شاء الله تفكين الخيوط وتكون النتيجه مثل ماتمنيتي..

[تفاحتي]

مبروك النتيجه

[صاحبة الحلم]

تسلمووون حبايبي على الرد 😙

[SO FAIR]

...........

[ام علي 88]

وين سويتيها ؟ و بشرينا عن النتيجة ؟؟

[صاحبة الحلم]

حبيبتي سويتها عند مركز ابن النفيس دكتور رجاء

[الوردة الجورية]

الله يقومج بالسلامة و تفرحين و زوجج بالنتيجة


اللي اعرفه اول اسبوعين تتجنبين الجلوس و كثرة الحركة عشان يلتئم عدل
وتهتمين تحطين ميبو بعد كل مرة تدخلين الحمام والجماع ممنوع ست اسابيع وتتأكد الدكتورة كل شي اوكي.. صح؟

ان شاء الله تبشرينا بنتايج طيبة

[الوردة الجورية]

حبيبتي سويتها عند مركز ابن النفيس دكتور رجاء

اي إمارة المركز؟

[أم خليفة11]

الخياطة حسب تجارب الكثيرات ممتازة جدا من ناحية المعاشرة الزوجية فقط ، ويمدحونها الحريم و خاصة اللي ازواجهم نوعا ما يشتكون او يعلقون ، و حتى اللي زوجها ما يتكلم و لو حصلت فرصة تسوي بالعكس مب غلط ،
بالنسبة للحمل اعرف وحدة سوت و عقب فترة بسيطة جدا حملت لنه كان خاطرها في بنت و ما قدرت تصبر و حملت و لله الحمد و جابت بنية مثل القمر.
عاد الألم و العناء يقولون نوعا ما مؤلمة و لكن يظل حسب تحمل المرأة و كيف طبيعة جسمها و كيفية الشد و الخياطة و خبرة الدكتورة ،
أشكرج اختي على طرح تجربتج الخاصة و مشاركتنا بها و لكن نتمنى لو اضفتي معلومات أكثر ،
مثلا من هي الدكتورة و في اي امارة. وكم عدد المرات اللي حملتي فيها و كم قالت لج تقعدين و ياليت لو تفاصيل اكث و هي النتيجة و اللي تعتبر اهم مرحلة في هذه الخطوة.
مشكورة على المبادرة الطيبة منج و ربي يسعدج في الدنيا و الآخرة.

[صاحبة الحلم]

حبيبتي ام خليفه اشكرج على المعلومات انا نص هاي المعلومات ماعرفها
انا االه يسلمج مربيه 5 مرات اخر مره من ثلاث شهور
الدكتورة في ابوظبي مركز ابن نفيس
دكتورة رجاء سماكه
يمدحونها وايد حتى بسوالف الي تبى تحمل وعندها زحمه مره لانها تكون موجوده المسا

ام الالم بالنسبه لي محتمل مع دوى بس للاسف كنت اقعد وايد وهاشي غلط الدكتورة قالت

[جنح الظلام86]

الاخت صاحبه الحلم ....متاكده ان الثقه غطت تكاليف العمليه كلها 100% لاني قبل لا اولد قالت لي دكتورتي ان العمليه بعد الاربعين ماتغطيها الثقه لانها تجميليه وليست مرضيه وبدفعها كلها 100% حول 6000 درهم في مركز ناديا هالكلام كيف دكتورتج سوت تقرير للثقه ان حالتج مرضيه وبحاجه للجراحه؟

- - - Updated - - -

ومشكورة مقدما على ردج و الحمدلله على سلامتج

[صاحبة الحلم]

حبيبتي جنح الظلام الله يسلمج من كل شر
بصراحه مادري كيف وتفاجأت ان ثقة غطت كامل ماااادفعت شي ابدا