كل وحدة مطلقة حصلت ارض سكنية...سؤال؟؟

**wadha** · 2007-09-29, 23:24

ابي تجارب البنات اللي حصلوا اراضي سكنية من الديوان متى استلموها وعرفو مكانها ؟؟ وكيف بنوها عن طريق تمويل البنك او القرض والقرض كم يباله لجل يطلع ؟؟

المزيد من آخر المواضيع من نفس القسم:

**عالية الغالية** · 2007-09-29, 23:35

انت من اي امارة ؟؟؟؟؟؟؟؟؟؟؟؟؟

**~..أم الدويس..~** · 2007-09-30, 01:51

عادي اي مطلقه تطلب ارض؟؟!!! ولا شي شروط؟؟!!

**Staylek** · 2007-09-30, 03:31

اممممم اعتقد عادي اي مطلقة عندها خلاصة تطلب ارض واذا عندها بيبي بعد زين و زين ^_^

هالنظام في بوظبي مادري عن الامارات الباجية

**ولوف** · 2007-09-30, 03:33

ماعندي فكره اسمحيلي اختي

والله يوفقج

**vip777** · 2007-09-30, 04:32

يعني كل مطلقة بتحصل ارض والا شو بالضبط ؟؟

**رافينا** · 2007-09-30, 05:23

انا اختي مطلقه وطلبت قالوا الها

يا بيطلع الها بيت او مزرعه

او ارض على حسب بس للحين ما طلع شيء

**khalejeya** · 2007-09-30, 05:26

عادي اي مطلقة تاخذ أرض سكنية
أو رخصة تجارية و صناعية

بس المهم تكلم الديوان و تراجع اوراقها
وراح تنعطى ان شاء الله

بالنسبة للارض السكنية انا ماخذة ارض
كلمت الديوان و عطوني مخطط لها من اكثر من سنة
بس للحين ما بنيتها بس اخواني يطلوب مني ابنيها عشان ما تنسحب عني

والله اعلم حسب كل ديوان كيف يصرف للمطلقات

**wadha** · 2007-09-30, 23:10

الغاليات انا حصلت الارض بعد تعب فضيع انذليت مع اني مطلقة وحاضنة اطفال مب طفل ..واصلا انا ما ابيها ابي بيت شعبي منو بيوقف معاي وبيساعدني ؟؟ طبعا صليت ركعتين شكر والحمدلله ع النعمة لكن الصراحة انا بروحي ما ابي اتحمل ها التعب مع مقاولين وقرض منو بيدفع لي اياه والقرض اسمع انه ما يكفي ؟؟ ها المسؤولية يتحملها ريال ويتحمل المراكض والديون بس انا يالله دين سيارتي ما اقدر بعد آخذ ديون ثانية ما ادري الديوان كيف ما قدر وضع المطلقة والارض اكيد في آخر العالم ؟؟

**اسعد تعيسه** · 2007-10-01, 02:27

هل المطلقه بدون اطفال ايضا لها الحق

**9sudfa** · 2007-10-01, 14:21

انا عن نفسي ابيبيت منو بيساعدني في الارض ع الاقل البيت بفرشه ع راححتي مب بتحمل قروض البناء والمقاولين الكذابين -- كل يوم نراجع وما شي امل مع انه اولادي كبار الله المستعان -

**حلااايم** · 2007-10-01, 15:09

انزين اسالكم من تقدمون الطلب لين تطلع الارض كم الفتره ؟ شهور ولا سنوات؟؟ و اذا بغيت ابيعها يصير و شو الشروط ؟؟

**shaikha75** · 2011-10-10, 18:55

المشاركة الأصلية كتبت بواسطة حلااايم

انزين اسالكم من تقدمون الطلب لين تطلع الارض كم الفتره ؟ شهور ولا سنوات؟؟ و اذا بغيت ابيعها يصير و شو الشروط ؟؟

لين تطلع الارض سنين!!!!!!!!!!!!!!!!!! وفي هالسنين ناس تحيا وناس تموت ونحن نتريا وصابرين على أمل نلقى بيت او ارض .....اللي ماعندها عيال قالولها صبري الاولويه للي عنده عيال واللي عندها ياهل قالولها عندج واحد لازم ثلاثه واربعه وهاتك ياتمرين والعمر يمشي والشعر عجفه بيضا ومالنا غير هاك البيت اللي ملزومين يوفرونه لنا ...الله وكيلج 2004 لين يومج هذا ؟؟؟؟مابنكسر صابر لو فرصتي تمضي؟؟؟؟

**وردة ظبيانية** · 2011-10-10, 20:58

انا قدمت من زمان ٢٠٠٦ ولين الحين انتظر.......
راجعتهم عدة مرات ماسار شي

**روح_الإمارات** · 2011-10-10, 21:51

أنا مقدمة مقدمة من طلعت خلاصتي مم 2009 ولين ألحين ماشيء

كنت بيت شعبي بس قالولي إنتي مطلقة و عمرج صغير وتشتغلين وعندج بس طفلين صعب تحصلين بيت لأن الأولوية للعوائل غيرت لأرض بس ماشيء

الموضوع: كل وحدة مطلقة حصلت ارض سكنية...سؤال؟؟

أدوات الموضوع

عرض

كل وحدة مطلقة حصلت ارض سكنية...سؤال؟؟

المزيد من آخر المواضيع من نفس القسم:

المواضيع المتشابهه

مشروع بناء 1960 وحدة سكنية في دبا الحصن

سلسلة نصااايح على لسان (وحدة مطلقة)

إلى كل مطلقة وكل وحدة تقدر تفيدني.... ممكن تدخلين؟