مطلقة من 8 سنين ولكن .....

[أحلام منسية1983]

السلام عليكم

صباحكم خير خواتي ..اخباركم

عزيزاتي انا عمري 32 سنه انا اكبر اخواني و تطلقت من 8 وعندي طفلة وحدة حاليا عمرها 9 سنوات ..



ال 8 سنوات هذي اللي مرو علي كنت في حالة إكتئاب .. كنت عايشه في عزلة ..مرات اتحسن شوي واحاول اني اطلع من الجو اللي انا فيه وبعدين ارجع مرة ثانيه

في هالثمان سنوات حسيت نفسي في سبات .. ناسيه نفسي وناسية حقوقي كمطلقه .. بس من تطلقت ابوي سوالي بطاقة الشؤون ..وهذي بس اللي استلمها

السنه اللي طافت ..سنة 2015.. الحمدلله بعد الصلاة والدعاء والقيام حالتي تحسنت شوي وتوظفت في ابوظبي

لكن متلعوزة بخصوص السكن ..الاجارات غالية .. والمعيشه غاليه.. وسيارتي طبعا مستعملة وكل مرة تخترب ..ادري بتقولون اشتري عالبنك ..انشالله افكر في هالموضوع

لكن الزبدة من الموضوع هذا

الحين انا بدت افكر شوي .. طول هالسنين قاعدة وما فكرت اطلب مساعدات من شيوخنا الله يحفظهم وما فكرت اقدم على الاسكان ولا سويت رسايل ابدا


خواتي ساعدوني بليز ..

خبروني شو حقوقي كمطلقه
وشو اقدر اخذ من الحكومه
خبروني كيف اقدم على الاسكان
او شو الرسايل اللي ارسلها

اذا تقدرون تساعدوني بنموذج رسايل
اذا تبون تواصلو معاي عالخاص بلييييز

الله يجزيكم خير يارب

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[almal3ka1]

انا أقول كملي دراستج و اشتغلي

تراني شراتج مطلقه و عندي 4

[*غرنوقه*]

نصيحتي لج وكلي محامي شاطر وما يغلي عليج وخبريه عن ظروفج المادية و بيساعدج وايد وبيسهل عليج أمور وايدة ،، عن تجربة

[mrs.abk]

مافيه لج حقوق دامج تشتغلين خلاص .. موب كل مطلقة تستاهل مساعدة من الدولة ..

عندج طفلة وحدة يعني انسي موضوع البيت نهائيا غير وارد .. ولو عمرج اقل من 35 نفس الشيء مافيه بيت حتى لو عندج 5 ..

انتي شو محتاجة .؟؟ علاج ؟؟؟ لو علاج بيساعدونج .. أما فلوس وانتي عندج راتب فوق 10 آلاف .. لا ما لج حق في هالنوع من المساعدات


وربي يسهل لج

[Dalila79]

مافيه لج حقوق دامج تشتغلين خلاص .. موب كل مطلقة تستاهل مساعدة من الدولة ..

عندج طفلة وحدة يعني انسي موضوع البيت نهائيا غير وارد .. ولو عمرج اقل من 35 نفس الشيء مافيه بيت حتى لو عندج 5 ..

انتي شو محتاجة .؟؟ علاج ؟؟؟ لو علاج بيساعدونج .. أما فلوس وانتي عندج راتب فوق 10 آلاف .. لا ما لج حق في هالنوع من المساعدات


وربي يسهل لج

عفوا أختي يعني فوق ال35 سنة و 3 عيال بس تداوم ممكن يساعدون في بيت ؟؟ على الاقل ؟ يعني ما اعرف اذا الأخوات ممكن يساعدونا لكن اي فئة اللي يعطون بيت للمطلقة ؟

[mrs.abk]

عفوا أختي يعني فوق ال35 سنة و 3 عيال بس تداوم ممكن يساعدون في بيت ؟؟ على الاقل ؟ يعني ما اعرف اذا الأخوات ممكن يساعدونا لكن اي فئة اللي يعطون بيت للمطلقة ؟

ممكن بس أعتقد شراء .. يعني يعطونج قرض شراء .. لكن ما أدري عن المنح لو تاخذين واللا لأ .. لأنهم معدلين القوانين من 3 شهور ..

وترا يعتمد على امارتج بعد من أي امارة انتي ..

[امان الطيبه]

السلام عليكم اختي آسفة ما اقدر أساعدك في حقوق المحكمة لأكن في إمكاني أرجعك الثقة بالنفس و أساعدك من التخلص علي الاكتئاب و مساعدتكم علي بدء حياة جديدة

[ام مصطفى..]

المفروض ريلج يوفر لج سكن لج ول بنتج

[Upscale touches]

كملي دراسة وتوظفي احسن حل لج ولبنتك