عطوني حل

[مشكلتي]

امممممم اول شيء وايد مستانسة اني بكتب مشكلتي في هالمنتدى الرائع وايد احبه دوم ادخله و
صج في حريم عليهم عقل ماشاءالله عسب جي قررت اني اقولكم مشكلني هي شيء معاتد تسمعوه , . الله يسلمكم انا عمري 22 سنة و من النوع المتدينة ملتزمة الهادية و ما عندي غير دراستي و دايما اعصب من البنات اللي يرمسون شباب ع الفون بس فترة الاخيرة قمت اخورها شوي.المهم اختكم انعجبت بواحد شفنه في الانستا و قمت ضفته ع السناب اعرف هالشيء غلط بس قلت بس جي بطالعه سناباته ما برمسه هو بالبداية ما كان يرمسني و عقبهاو بدا يكلمي طبعا كنت فرحانةالمهم بعدين عطاني بلوك من غير سبب و زعلت و قمت ضفته في اكاونت ثاني تحسب اني وحدة تراقبه و قال لي اطرش صورتي او صورةايدي او حتى اتصال عسبت يتاكد اني ما اراقبه انا طبعاٌ رفضت المهم قام سبني و حذفني , المشكلة الحين اني للحين افكر فيه و اسمع اغاني بالساعات و احلم و الامتحانات اروحها و انا مب مذاكرة ما ادري شو صار فيني كله افكر فيه مع الفترة كانت قصيرة بس , احس فترة الاخيرة ابا اعيش قصة حب جي احس بجفاف عاطفي اقول في نفسي كل الناس عايشة في قصة حب . المهم انا ابا اعقل ابا حل ابا اوعى من هالشيء ابا احس اني غلطانة و انا مقررة اني ارفع معدلي بس ع هالوضع لا برفعه ولا شيء و ها انا خريجة ابا اركز في دراستي و اشد حيلي. اللي عندها كلام قاسي تقوله عادي اهم شيء اقوم من هالشيء(بس يكون هادف مب تسبون فيني اول مرة افتح قلبي ولا انا كتومة) . اعتبروني اختكم الصغيرة و سلامتكم اتقبل تعليقاتكم برحابة صدر

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[مالتيزرس]

اختي قلتيها عندج جفاف عاطفي ..
حراام اللي تسوينه بعمرج انتي حاسة بفراغ اتقي الله وخافي الله بنفسج .اشغلي عمرج بدراستج وتقربي من ربج ..وان شاءالله باجر بييج نصيبج لا تضيعين عمرج بسراب وكلام فاضي مع الشباب الله يهديج .اتقربي اكثر من ربج واكثري من الاستغفار .
ترا الدرب اللي تبين تمشينه درب ضياع وهلاك .اهتمي بدراستج اشغلي وقتج باشيا مفيدة صدقيني الشباب بس يعتبرون البنت تسلية وتضييع وقت حراام عليج تلعبين بعمرج انتي غالية لاتسترخصين بعمرج انتي درة مصونه ..وقبل لاتسوي هالشي خلي ربج جدامج وأمج وابوج حراام تكسرينهم عقب التعب والسهر والتربية جذا تجازينهم ؟؟!!

يابنات كم بنتكلم وبنقول ترا الشباب والله يلعبون عليكم واخر شي بيقولولكم امي وابوي رفضو وبيوزوني ع كيفهم وانتو بتمون ليش وليش وصياح طول الليل وخاني وخاني الله يهديكم اتيبون البلا ع عماركم .

جوفي تجارب البنات سنوات تمن يكلمن شباب واخر شي تركها تراح ستر عمره فبنت ماتكلم شباب
الله يهديكم ويصلحكم

[المعآني]

فكري في اهلج اللى تعبوا في تربيتج
وتضيعين تربيتهم عسب واحد صكج بلوك وين كرامتج واحد يصكني بلوك ارجع اضيفه حركته تكفي انج تكرهينه والحب والعاطفة حطيها بشي ثاني خلج حنونة مع خواتج محبة لوالدينج مب إلا حب وأغاني وآشيا ما ترضي رب العالمين ما وراها توفيق هالأمور وتمشين بدرب الشيطان تعوذي منه ومن اللى انتي فيه انتي عاقلة وأرقى من اللى تسوينه و الحب مب موجود في هالدرب الشخص اللى ب يتزوج ما بيأخذ بنت كانت تكلمه قبل الزواج ولا انه أحد يتمنى يرتبط فيها مستقبلا

[mao]

معقوله حبيبتي تتعلقين ف واحد سبج وحذفج المفروض تكرهينه هههه

[تفاحتي]

مادري الالتزام وين راح
وعشان منو؟!

[بياض ثلج]

اكيد عندك فراغ عاطفي ... لكن مش كده ... الله كريم يبعتلك زوج فيه كل يلي تبينه

[مغليك]

انتي الحين ميته ع واحد لا يعرفج ولا تعرفينه ؟!!

وعشتي قصة حب وفلم هندي واغاني الله يهديج وين تبين؟؟
بس من سنابات ..
صدق الفراغ مشكلة ..

انتي الحين تتعلقين فولد ماتعرفين عنه شي ..اتخيلي تتعلقين فيه ويلعب وياج وعقب تنصدمين انه متزوج ..وعنده درن عيال .ترا محد راح ياكلها غييرج..


اختي اهتمي بدراستج احسن لج ومعدلج ترا مابينفعج هالوالد .لج شهادتج اهم شي ..

اصحي من غفلتج واتقي الله بنفسج واهلج اللي تعبو عليج سنين وبنين ..حطي ربج وابوج اللي تعب عليج سنين ورباج أخر شي بجيه تجازينهم هاي اخر ثقتهم فيج

حراام عليكم اللي تسونه بعماركم اتيبو البلا ع عماركم

[بنت الشوامخ]

حبيبتي شي طبيعي كل بنت تحلم بقصة حب مع واحد تحبه ويحبها

واكيد هذا الشي لازم بالحلال
ولا العلاقات المحرمه هذه اولا تغضب رب العالمين ثانيه فيها متعه مؤقته لكن وراها حسره و ندم

ادعي ربج انه يرزقج بالزوج الصالح و انه ينسيج هذا الانسان

واشغلي وقتج بشي مفيد ابعدي عن الفراغ لانه هو سبب الخراب
اشغلي نفسج بدراستج
لا تيلسين بروحج
ايلسي مع اهلج اطلعي واستانسي واشغلي وقتج بشي يسليج وينسيج اياه

حافظي على نفسج ومشاعرج لزوجج المستقبلي
وتأكدي لو حبج وحبيتيه تراه حب مزيف وما وراه زواج وبناء اسره واستقرار وعلاقه مبنيه على شكوك وبدايتها غلط لا تتوقعين تستمر