موضة يديدة

[بنوتة-راك]

السلام عليكم ورحمة الله بركاته
اشحااالكم

في هالفترة شفت موضة يديدة وايد بنات طايحات فيها

اول شي العباية قامت تقصر وكل وحدة تمشي لازم عزكم الله الجوتي ولا النعال لازم يبين فما ادري شو القصد من هالشي يعني يسوا دعاية للجوتي مثلا

اما الامر الثاني كذا مرة فالقرية اشوف بنات لابسات عباية مفتوحة ويلبسن تحتها جلابية قصيرة او تنورة لتحت الركبه وريولها تكون طالعة وعادي لا تسكر العباية ولا شي الامور طيبة

حبيت انكم تشاركوني في هالموضوع والسموحة


اختكم بنوتة راك

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

[suaad94]

ههه عليكم السلام سالفة الجوتي انا شفتها لا بعد لازم يكون يلمع مايكمل الا لو كان جوتي رياضة صراحه معرف شو اقول بس هذا لفت انتباه لااكثر ولا اقل انتي سويلهم ططاف لانهم اصلا يبونج تطالعينهم مدري الصراحه من وين يطلعونها اظن ان مصمم فرنسي قاعد في مكان ويطرش لهم نفس المرصد حقهم خخخخ مدري الصراحه كيف جابوها لا الاخيس سالفة شنطة المدرسة تحسين وحده طالعه من المدرسة وجاية ع طول مدري شو يحطون فيها يمكن ملابس لزوم يبدلون الاستايل كل مره؟؟

[غلآ نفسي]

برايهم اختي

كل حد وراحته

يحبون لفت انتباه او يعتبرونه موضه وكشخه حق نفسهم

عن نفسي يوم اطلع مكان اكون مشغوله بعمري وعيالي وريلي اكثر من اني اطالع هذي وهاييج

بالتوفيق

[احلى بعفويتي]

انا دوم عبي قصيرة عشان اتخرطف. ..
موب بس العبي حتى جلابيات حتى دريسات حتى لبسي الكاجويل كله اسوي بطول 56 صراحه عشان التخرطيف. . بس الشوز ما يبين هذك الزود ...
بس في بنات مثل ماقلتي عبيهم قصيره و الدريس أقصر عشان سانت لورانت و الفلنتينو يبين

[رسايل غلا]

هالشي موجود الحين في كل مكان حتى عندنا فالدوام نجوف العجب, ولين الحين ما فهمت هالاستايلات
يوم اجوف وحدة لابسة جي افكر هي بشو تحس والكل يطالعها بهالمنظر الشنيع؟! حتى الأجانب يطالعون باستغراب منصدمين من الموديلات الغريبة العجيبة اللي يجوفونها والمشكلة انهن يمشن بكل ثقة ع أساس انهن كشخة وستايل

الله يهديهن ع كل حال

[تفاحتي]

جهنم بتصلخ ريولاتهن
خلهن يستانسون مده بسيطه

[hamoudmam]

جهنم بتصلخ ريولاتهن
خلهن يستانسون مده بسيطه

الغالية أذكر نفسي قبل اليميع أنه ما يصير نحكم على الناس بالنار أو بالجنة ..هذا الأمر لا يعلمه الا الله ..

الرجاء فتح الرابط أدناه :

http://www.ahlalhdeeth.com/vb/showthread.php?t=3381

....... .....
و عليكم السلام و رحمة الله تعالى و بركاته اختي صاحبة الموضوع و مشكوورة على حرصج ..
و الصراحة قوية واااايد حركة العباية ويا التنورة لتحت الركبة ..(انا بعدني ما شفت هالمنظر )..الله يهديهن و يستر على بنات و حريم المسلمين ...

[تفاحتي]

الغالية أذكر نفسي قبل اليميع أنه ما يصير نحكم على الناس بالنار أو بالجنة ..هذا الأمر لا يعلمه الا الله ..

الرجاء فتح الرابط أدناه :

http://www.ahlalhdeeth.com/vb/showthread.php?t=3381

....... .....
و عليكم السلام و رحمة الله تعالى و بركاته اختي صاحبة الموضوع و مشكوورة على حرصج ..
و الصراحة قوية واااايد حركة العباية ويا التنورة لتحت الركبة ..(انا بعدني ما شفت هالمنظر )..الله يهديهن و يستر على بنات و حريم المسلمين ...

ماحكمت عليهم بالجنه او النار



بس مثل ماقيل الشعر بجمره
العرايا شو بعد بيكون جزاهم ؟!

فرق لما اكفرهن وفرق لما اقول حكم معروف عند العلماااء والمفتين ،
الف محاضره تتكلم ان ربي بيعاقب اللي ما يتوب وما يرجع عن المعصيه بجهنم

[hamoudmam]

ماحكمت عليهم بالجنه او النار



بس مثل ماقيل الشعر بجمره
العرايا شو بعد بيكون جزاهم ؟!

فرق لما اكفرهن وفرق لما اقول حكم معروف عند العلماااء والمفتين ،
الف محاضره تتكلم ان ربي بيعاقب اللي ما يتوب وما يرجع عن المعصيه بجهنم

و انتي عارفة انهن ما بيتوبن !!! طبعا لا لأن هالشي بعلم الغيب ..
اختي أنا علقت على أول مشاركة لج بالحرف ..كتبتينها بشكل مطلق و قاطع انهن مصيرهن جهنم ..لا ذكرتي توبة و لا غير توبة ..
و هاي مشاركتج :

جهنم بتصلخ ريولاتهن
خلهن يستانسون مده بسيطه

اختي معلومة عرفتها أفدت بها و حطيت رابط فيه كدليل عليها ..
بغيتي تاخذي بها شي راجع لج ما بغيتي بعد شي راجع لج ..
المهم انه ما يجوز نجزم انه فلان ساير النار و فلان ساير الجنة ..
من مصيره الجنة و من مصيره جهنم شيء لا يعلمه الا الله ..يارب ارزقنا الجنة برحمتك و ليس بأعمالنا ..

[تفاحتي]

و انتي عارفة انهن ما بيتوبن !!! طبعا لا لأن هالشي بعلم الغيب ..
اختي أنا علقت على أول مشاركة لج بالحرف ..كتبتينها بشكل مطلق و قاطع انهن مصيرهن جهنم ..لا ذكرتي توبة و لا غير توبة ..
و هاي مشاركتج :





اختي معلومة عرفتها أفدت بها و حطيت رابط فيه كدليل عليها ..
بغيتي تاخذي بها شي راجع لج ما بغيتي بعد شي راجع لج ..
المهم انه ما يجوز نجزم انه فلان ساير النار و فلان ساير الجنة ..
من مصيره الجنة و من مصيره جهنم شيء لا يعلمه الا الله ..يارب ارزقنا الجنة برحمتك و ليس بأعمالنا ..

لو سمعتي الفيديو ما كتبتي كل هذا



الكلام هذا للناس لللي ما توب ولا تفكر اتوووب

الحكم هذا حقهم مش مني هالحكم من ربهم


ماله خص انا احكم عليهم او لا

الاحكام موجوده والرابط حقج مو مترابط مع كلامي


عجبج راي او ما عجبج
لا يفسد القضيه كل وحد وراااحته ورااايه

[ركروكة راك]

وانا بعد اشوف هالمنكر وقلة الادب في الدوام والمولات. لازم يطلعون العصاقل والخلخال. لو محصلين وراهم رياييل مابسوون هالشي .. واذا رياييلهم راضيين فلا حول ولا قوة الا بالله..

[almal3ka1]

برايهم خل يسون اللي يبون

وكل شخص بيتحاسب


كل شخص حر بتصرفاته دام ما يتعدى الناس 2


و سلامتكم

[ماحد شراتي]

كل شخص يمثل نفسه

الله يهديهن

[Lubna333]

من رايي كل واحد مسؤول عن نفسه شي بنات مستورات لكن النفوس شر وشي مب مستورات بس النفوس خير من رايي مانحكم عالاشخاص الي حوالينا وكل واحد ترى صحيفته علينا ننصح وندعيلهم ويارب يهديهم ويهدينا

[تفاحتي]