الحمل بولد

**maha3** · 2016-04-05, 00:12

السلام عليكم بدخل بالموضوع بسرعة بغيت احمل الله رزقني بخمس بنات ولله الحمد اصغر بناتي عمرها 5 سنوات وريلي يحن يباني احمل والله يابنات صار عندي فوبيا من الحمل من كثر اهله مايعايروني بالبنات بكل مكان يعيروني ام البنات وام البنات فلانه ربت يابت ولد مب حرمتك ماتيب الا البنات عرس غيرها وبيك الولد المهم في اخر حمل عندي لين عرفت ان فيني بنت قالت الي سوتلي الصورة قالتلي الحين الطب تغير تقدرين اتابعج دكتورة وان شاء الله يرزقج الله بولد منو تعرف دكتورة شاطرة في العين يعني بجرب ماراح اخسر شي اذا الله كتب على الاقل سعيت الي تعرف دكتورة تعاملها واسلوبها وشاطرة بهاي الامور تخبرني والله راح ادعيلها

المزيد من آخر المواضيع من نفس القسم:

**تفاحتي** · 2016-04-05, 01:01

ليش ماتسيرين مركز فقيه لتحديد الجنس
وحده اعرفها سوت توم اولاد

**غلآ نفسي** · 2016-04-05, 06:47

انتي وينج عن الدعاء ؟؟

ادعي ربج فالاوقات الاستجابه في رمضان وانتي صايمه .. ترا ما باقي شي ل رمضان استغلي الوقت

اما مراجعات عند الدكاتره ما عندي علم

بالتوفيق

**أم خليفة11** · 2016-04-05, 08:29

المشاركة الأصلية كتبت بواسطة تفاحتي

ليش ماتسيرين مركز فقيه لتحديد الجنس
وحده اعرفها سوت توم اولاد

سبحان الله كله رزق من رب العباد و اللي تعايرج العيب منها و اللي تقوله عرس ترى اريال هو اللي يجيب الولد او البنت.
عموما ناس تتكلم و ارزاق عند الرب .
مثل ما تفضلت الاخت جربي حظج ولو انه انا ماعرف عن هالموضوع عشان افيدج .
حتى انا عندي بس بنات و احينه حامل و لكن بقول الحمد لله على النعمة اللي ربي يكتبه لي انا راضية فيه و ان كانت بنت مرة اخرى بالنهاية كله نصيب و ربي يرزقنا الاولاد مثل ما رزقنا البنات .

**مونتاج** · 2016-04-05, 08:35

الله يرزقج بالولد الصالح ان شاء الله

**سيدرك** · 2016-04-05, 08:52

السلام عليكم

انا بخبرج بطريقتي اللي سويتها اول شي وقفت مشتقات الاجبان او خففت منها وايد لمدة شهرين وكثرت الاشياء المالحه والسمك وحسبت ايام التبويض عن طريق جهاز ينباع فالصيدلية نفس فحص الحمل والعلبه فيها 6 حبات فمثلا انا فاليوم 11 طلعلي خطين واضحين معناته شي تبويض وحسبت من وقت اللي عملت فيه فحص لمده 36 ساعه بعد 36 ساعه شربت قهوة تركيه انا وريلي وعمت دش مهبلي بيكربونات الصوديوم من الصيدلية بعد خذته وحصل الجماع والحمدالله حملت وتميت كل يوم استغفر وادعي ان يكون ولد وبصحه وعافيه واحاول اقرا سورة البقرة شبه يومي وعلى كل صلاه ادعي ان يكون جنيني ولد الحين حامل بالولد بس محد يعلم لين اربي وبعدني ادعي وبدعي لين اربي

**SO FAIR** · 2016-04-05, 09:47

الله يرزقج بولد عاجلا غير اجل يارب

**ام عبدالله123** · 2016-04-05, 10:43

الله يرزقج الولد ان شالله الصالح
اختي البنت والولد كلهم رزق عند الله عليج بالدعاء فس كل صلاه وانتي ساحده ادعي اطلبي الله وخلي عندج يقين بالله ان بيستحيب دعائج اما تحديد الجنس وحده اعرفها مرتين جربت نظام الاكل وتبويض وسبحان الله حملت بي بنت يعني الي الله كاتبنه بيستوي بس ارجع اقولج عليج بالدعاء الدعاء

**شما الهاجري** · 2016-04-05, 10:43

الله يرزقج بالولد البار والصالح ان شاء الله

**Ward-uae** · 2016-04-05, 10:52

لا حول ولا قوة الا بالله
هذا رزق من الله والريال هو المسؤول عن هالشي
هو فيه مراكز لكن ريلج يكون موافق
كلام اخت سيدرك اضن صح لانه لاحظت في نفسي ما اكل غير الأكلات البحريه وما أحب اللحم والدياي مره في الأسبوع وريلي ينجبر ياكل اللي اطبخه فما متأكده من المعلومة ونادر اكل فاست فود
سوالف الأعشاب ما احبها أبد برقدوش ومريميه وغيره
شوفي دكتوره نسائية ثقه
والله يرزقج بالولد ويرزقني ببنوته اخت لبنتي

**عيووووون** · 2016-04-05, 20:35

الله يرزقج ويرزقني فديتج ،،، فديتج اللي يعاير الناس مصير بيدور
عليه الدنيا ويشوف هالشيء فيه وفعياله ثاني شي الكل يعرف ان الريال هو اللي يحدد جنس البيبي .. غناتي لو من اهله رمس قوليلهم ما بيدي شي كله بامر العباد وريلي يحب البنات ،، بالنسبه لي بكري ولد والله خذ امانته وخلااف يبت اربع بنات واصغر وحده عمرها خمس سنين ،،، من سنه تابعت التبويض وما خليت شي ما سويته غسول نظام غذائي ووضعيه الجماع واللي ما تتخيله سويته باشراف طبي خلااف اجهضته ،،، باختصار فديتج ترى كل شي بامر الله وهو العالم الخير لنا ،،، اللجوء له هو الحل هو رحيم بعباده والله يرزق كل محرومه يا رب

**مودّة** · 2016-04-06, 15:58

لام والابو يحبون عيالهم بنات كانوا والا أولاد بس العللللة الوحيدة في النااااس والله البنات يهبلون وايحنون على أهلهم بس الناس يحاولون يدورون الناقص في حياة بعض واللي ماعندها ولد كان فيها نقص كبير .. هاي نظرتهم مانقدر انغيرها .. انصحج بالدعاء لان الامر بيد رب العالمين لانج حتى لو سويتي أطفال انابيب لتحديد جنس الجنين بعد بدون إرادة رب العالمين ما بيتم الحمل عليج بالدعاءورب العالمين خير الرازقين والله يرزقج بالولد

**ام زايد21** · 2016-04-11, 13:46

عندج مركز فقيه سوى عندهم اطفال انابيب مع تحديد جنس المولود وادعى ربج وان شاء الله بيرزقج توم اولاد

**سماءالأفق** · 2016-04-11, 19:23

الله يرزقك باللي تبيه ولد صالح جميل معافي ..ولا تضايقين حالك بمعايرة اي شخص
هذي قلة دين وقلة فهم منهم..إن شاء الله المولود الجاي يكون ولد,, أمي جابت خمس بنات وبعدين ربنا عطاها 3 أولاد ,,وما دمت لقيتي اللي يعايرك إعرفي انك بتلاقين النصر من ربك والعطاء ..

**ام ميثاني..** · 2016-04-11, 22:52

اختي تحديد نوع الجنين حرااام واسالي بعد توكلي على ربج اللي رزقج البنت قادر على انه يرزقج الولد وصلي وادعي وقولي اللهم لا ترزقني فرا وانته خير الوارثين

الموضوع: الحمل بولد

أدوات الموضوع

عرض