راس المولود

[الدلوعة ام حمودي]

السلام عليكم ..
شحالكم خواتي ..
عندي مشكلة بخصوص راس ولدي .. الحين عمره 4 شهور ونص .. راسه مب متناسق .. من الخلف متجه لجهة اليسار وطويل ع فوق والكل يلاحظ هالشي .. وانا مضايجه وماعرف شو اسوي .. والمشكلة انه مايرقد ع بطنه يصيح ويضايج .. ياليت تساعدوني ..

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Yazi.90]

عادي حبيبتي صدقيني هالشي طبيعي جدا ولاتحاتين
انتي بس رقديه ع ينبه اليسار عشان راسه يرجع طبيعي
و بعد خليه ينام على ظهره بس يوم يكون واعي مب وهو راقد ،،

[تفاحتي]

لا اختي يباله اهتمام موب عادي طبعا

بيكبر ويوم بتحلقين شعره بيظهر ان راسه مشكل
اخت ريلي ولدها عمره اربع خمس سنين وظاهر المنظر يشد الانتباه


المهم ف حل انا اعرفه الحريم الكبار يسوووونه

يبي وقايه مالت الصلاه اي وقايه لفيها شرات العمامه يعني شفتي كيف الواحد يتعصم بس من النص فاااضي طبعا يعني هو ماعرف كيف اشرحلج بس هذا الحل
ان ترقدين الولد وتحطين راسه داخل الوقايه وهي ملفوفه ع شكل دائري


ولو الميلان زايد ف اي صوب حطي ع العكس


لو مافهمتي قوليلي

[أم خالد44]

كلام تفاحتي صحيح
نفس طريقه نحن نستخدمها حق صغاريه
جربيها أن شاء الله تفيد

[مشتاقه لربي]

صح او فيه مخاد جاهزه يبيعوهن اسالي حرمه عيوز من الاوليات بتفيدج اذا مافهمتي لنا

[أم خليفة11]

الموضوع اختي له عدة توجهات :

ممكن يكون راسه تشكل من طريقة الرقاد و هذا شخصيا أستبعده لنه كلنا عندنا عيال و كانو ينامون على راحتهم بدون تدخل مني انا و الحمد لله رؤوسهم متشكلة عادي حسب رأس انا و ابوهم.
الموضوع ممكن يكون وراثة بحيث انه تشكيلة راسه ممكن تشبه احد من العائلة.
ممكن لا قدر الله عنده مشكلة و المفروض تعرضينه على دكتور اطفال من باب الإطمئنان فقط .

[الدلوعة ام حمودي]

هلا اختي شحالج ، مشكورة لانج رديتي علي و انا سمعت ان الاوليين يحطون وقاية الصلاة بس ماعرفت كيف الطريقة الحين فهمت من كلامج ان لازم الفها.
بس كم اخليها اسبوع ولا شهر. وصدق اذا حطيتها يعتدل راسه.؟😢
و مافهمت قصدج " لو الميلان زايد ف اي صوب حطي ع العكس "

[ام طحنوون]

هيه طريقة لفة الوقاية اتجس الراس عدددل و وقت نومته رقديه على الجنب اللي تحسينه طالع او كبير
خلج ع هالطريقة شهر تقريبا او اكثر لين تحسين بدا يعتدل الراس

ولدي خلال الولادة سووله شفط مرتين وماطاع يطلع .. بسبب هالشي صارت له مثل الورمه في طرف راسه
اعتدل راسه عن طريق لفة الوقاية و الرقاد ع جنبه
تقريبا ع ال6 شهور راسه رد اووكي

تلاحقي ولدج دام راسه قابل انه يتشكل و لين .. كل ماكبر صعب تعدلينه

[مالتيزرس]

انا بنتي البجر صار لها جذا وطلع راسها طويل وييها كان منفعص وطويل ..لانها كانت يوم ترقد تركز ع ينب واحد وهالي غلط ..والحين عمرها 4 سنوات وليومج شوي راسها أحسه طالع ع فوق شوي .وايد عذبتني وياها ..كله تصد ع ينب واحد ..وانا ماكنت احط لها العمامة اللي وحدة من الخوات تكلمت عنها ..هاي لازم الولد من الأربعين تحطين راسه داخلها ..هي الحريم الكبار يعرفن يسونها وقايه بيت ويحيسونها يخلونها شرات السكان مال السيارة او العقال بس صغيرة ع حجم الراس .لانه الراس يكون طري بها المرحلة وسهل يتشكل ..وممكن تحصلينها جاهزة فبيبي شوب بس مب نفس مال البيت .

[ام ميثاني..]

حطيله طواقيه بيعتدل راسه

[تفاحتي]

هلا اختي شحالج ، مشكورة لانج رديتي علي و انا سمعت ان الاوليين يحطون وقاية الصلاة بس ماعرفت كيف الطريقة الحين فهمت من كلامج ان لازم الفها.
بس كم اخليها اسبوع ولا شهر. وصدق اذا حطيتها يعتدل راسه.؟😢
و مافهمت قصدج " لو الميلان زايد ف اي صوب حطي ع العكس "

يعني الصوب اللي تحسين يرقد عليه اكثر ويرتاح فيه لا تخلينه مول اعكسي الجهه


بس اللفه عاادي بتعدله ،



قد ماتقدرين ماف وقت محدد طول ما فيه ميلان خليه ع اللفه الدائريه ولاتملين ركزي