رمسة حريم ....الجزء الخامس

[hamoudmam]

امين اختي ام احمد ...

على رسولنا الكريم افضل الصلاة و ازكى السلام

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[hamoudmam]

ام احمد

و انا ابحث عن سبب عدم ارتفاع الكيك حصلت هالموضوع قلت اسدح الرابط ماله هني ..عسب بنات و حريم الرمسة يستفدن :

https://forum.uaewomen.net/showthrea...B5%D9%88%D8%B1

[hamoudmam]

خواتي اذكر نفسي و اذكركن بالدعاء بهذه الدقايق الاخيرة قبل غروب شمس يوم الجمعة ..

[عساك تبقى لي]

يزاج الله خير الغاليه أم حمود انا هالوقت لحظات صمت وهدوء واقعد أستغفر وأصلي على الرسول وأدعي علها ساعة استجابه
يارب ارزقنا رضاك والجنه. .

[hamoudmam]

امين اختي

و يكون افضل بعد اذا نخلي اليهال بعد يدعون لأنفسهم و النا ..باذن الله ..

[عساك تبقى لي]

لازم ..وايد ارتاح لما عيالي يرددون معاي. .واسمعهم هم رافعين ايدهم يقلدوني ويدعون بكل براءه

[hamoudmam]

ربي يحفظهم لج اختي ..

[hamoudmam]

مراحب خواتي

عساكن بخير

ام احمد

شفتي الموضوع الي عن الطحين ..؟

انا كنت مستعملة بالكيك الي ما ارتفعت نفس الطحين الي بالموضوع الي هو جنان رقم واحد ..و صاحبة الموضوع مدحته فيما يخص الفطاير ..بس قالت لازم هالنوعية من الطحين الي هي مب نوعية الفاخر ..تنخل أقل شي مرتين ..أنا يوم سويت الكيك نخلته بس مرة وحدة ..

البارحة سويت فطاير جبنة و زعتر بنفس الطحين بس نخلته مرتين ..طلعت الفطاير ماشاء الله لا قوة الا بالله رووووووعة ..
و هي تستوي بالفرن ارتفعت و كانت لينة و نفس ما أبغي ..

بس بحاول أسوي كيك و أنخل الطحين أكثر من مرة و أشوف ..بس اذا ما ارتفعت الله يحفظ ..خلاص اخليه بس حق الفطاير ..

أنا قبل كنت أستعمل الطحين الفاخر الي يي في كيس ورقي لونه أزرق ..

اذا عيالج يحبون كيكة التشوكلت بسدح لج الطريقة و سويها الهم بالبيت ..يمي يمي ..

[hamoudmam]

ثوثو

بتخلص حمام مغربي و ماسكات و ترتيب البيت و بتي الرمسة

[عساك تبقى لي]

ياريت أم حمود عيالي عشقهم كيك الشوكليت خلينا نشوف طريقتج

شفت الموضوع وأن شاء الله انا بعد اجرب هالطحين للفطاير وايد أحب اسوي خفايف. .ودوم أحب اغير فالاكل ريلي الحمدالله مايعيبه شي.
وبعد ياريت أم حمود تكتبي لي شو وجبات العشاء اللي تسويها أحس عيالي فالها معتمدين ع كم وجبه ودوم يطلبوها

[عساك تبقى لي]

وبعد بغيت اخبركم أن مواعيد الإجازات كانت وايد متقارب ..وطبعا كله عقده ودوم حد عندي من أهلي وقرايبي. .وأكل وسوالف ويلسه وحبيت ابشركم اني زدت 5 كيلو. .
وانا كنت اتمنى انقص 5..وزني صار 63..وخلاص النفسيه 0 أبا انقص مب أقل عن 8 كيلو لأن مايتناسب مع طولي 154. .والبطن ماشاءالله حدث ولا حرج. .
حلولكم بليز..

- - - Updated - - -

ثريا نترياج. .
شو يديدج في عالم النظافه والماسكات والتقشير

[فلاسيه114]

احتاج خلطات وماسكات

[عساك تبقى لي]

صباح النشاط والمدارس
صباح الاستيقاظ مبكرا بعد الأجازه. .
شكلي بسويلكم شعر ع هالصبح. .فايقه. .


فلاسيه حبيبتي. .فهالموضوع بتفيدج أختنا ثريا.
ثريا وينج فلاسيه محتاجتج
وانا عن نفسي اقولج دوم حطي روب وعسل أو روب وسدر مطحون يعطي البشره نضاره ماشاءالله
وخليني اراجع الذاكره مالي بس طبعا مب الصبح وراجعه لج. .

[hamoudmam]

مراحب اختي ام احمد

راح الصبح ..قريت مشاركتج متأخرة فاسمحي لي اقولج مساج الله بالفرح و السرور ....

بالنسبة للكيك بالتشوكلت بسدح لج المقادير و لا يهمج ..

بالنسبة للوزن عادي لا تزعلين اعتبرينه تغيير ههههههه
مب يقولون تغيير جو ...تغيير موووود ...تغيير اللوووك ...انتي و أنا وياج نمر بحالة تغيير وزن ههههههه

أنا بعد زاد وزني عن السابق ..بس متقبلة الامر بروح رياضية ..ههههه
ترا انا وقفت الرياضة ..بس لابد و لازم و من الضروري أن أرد الها ..
هههههه

بس بيني و بينج قلت خلني أستانس شوي بهالكمن كيلو زيادة ..عقب أفكر انقصهم ههههههه
هنيه لج بهالاجازة استقبلتي ناس و زاروج ناس ...انا بهالاجازة ما شفت ناس واايد ...انا استانس باللمة و الناس يزرونا ..و اطبخ الهم بايدياتي ...

الفلاسية


الغالية تامرين أمر ...انتي اصبري علي بسدح لج هني كمن ماسك ..بس اول قولي النا شو نوع بشرتج ؟ و هل تعانين من مشاكل معينة الله يحفظ و لا لا ..عسب نعرف نسدح لج ماسكات علاجية و لا بس ماسكات لتغذية البشرة و تفتحيها و تنعيمها اكثر

ام احمد

من البارحة ابغي احط ماسك الروب ويا العسل ما حصلت فرصة ..سويت الصبح عقب صلاة الفير فيشل سريع بدون ماسك

الرمسة من الطحين للروب و العسل ههههههههه

حولناها سوبرماركت ههههههه

[عساك تبقى لي]

أم حمود الزياده بنعتبرها تغيير بس منظر البطن ماعاجبني. .رجعت لرياضه وإن شاء الله مااقطعها. .بحاول أدخل بطني
وعن كيك الشوكليت انا فنتظارج. .
وايد أحب احط الروب والعسل ع ويهي. .وبعد الروب والسدر المطحون
بسألكم وايد اسمع عن مايونيز الشعر المنزلي وان مفيد لشعر حد مجرب يسد لنا تجربته والطريقه