ابر الانسولين .. هل فعلا تفيد في انزال الوزن ؟؟؟

[عنجهيه]

السلام عليكم ورحمة الله وبركاته

خواتي بنقل لكم الموضوع عن لسان صديقتي و اتمنى نلقى الافاده منكم



""


خواتي انا عندي زياده فالوزن واايد .. وحاولت بكل الطرق اني انزل وزني بس حسيت انه في شي مصعب لي الموضوع .. سرت مستشفى امبريال عشان اسوي فحص شامل و اتطمن على الغده ..

بعد الفحوصات التقيت بالدكتور .. و قال لي اني على حاااافة الاصابة بالسكري
يعني حبه و انصاب بالسكري الله يبعده عنا وعنكم يارب
ف قال لي لازم وزنج ينزل لااااازم ..
وقال بيعطيني ابر بتساعدني بنزل الوزن بشكل كبير
لكني تخوفت الصراحه منهن وقلت له ما اباهن
بس هو اكيد دكتور و عارف الموضوع و مابيوصفلي اياهن الا جذه
وقال لي انا مابعطيج اياهن الا بمتابعه مني اكيد

المهم قلتله انا بفكر فالموضوع و برجع اتواصل وياك

خواتي هل في حد مر بالموضوع ؟؟
او يعرف حد استخدم هالابر فتره ؟؟
ابغي اعرف هل ممكن انهن يضرني بعدين ؟؟
والا اتوكل على الله وامشي على رمسة الدكتور ؟؟؟

يزاكن الله خير

""





هذا كلام صديقتي
وياليت اللي تقدر تفيدها بشي
ما تبخل علينا

و شكرا

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[Noole]

اذا تقصدين ابر فيكتوزا للسكري للدرجه الثانيه

انا استخدمتهم بعد عملية بوتكس المعده

بقصد تنزيل الوزن .. مالهم اثار سلبيه بس انا ماكملت

[الوردة الجورية]

وعليكم السلام و الرحمة


اللي اعرفه جسمج اذا عطيتيه ابر الانسولين بعدين يتعود عليها و يرتفع السكري اذا ماخذتيها


هو دكتور صح بس لاتخلين عمرج حقل تجارب.. السكري مصيبة لان اذا ماسيطرتي عليه النتيجة فيها خسارة للبصر و للكلى و الاقدام و موت الاجنة

تسوي قص معدة اذا ماتقدر تسيطر على كمية أكلها.. حد من الناس توصل احجام معدتهم حجم ضخم غير طبيعي و مايقدرون يسيطرون على كمية الاكل لانهم مايحسون بالشبع بالكميات الطبيعية


تصلي استخارة عن عملية قص المعدة و الله بيسهل لها و يوفقها للي فيه خير و صلاح

[مشتاقه لربي]

تلحق بعمرها وتسوي تحويل مجرى للمعده انا مسويتنها وزدي ارجع اعيدها عشان اوصل للمثالي لا تعور ولا تموت الموت عند الله وترا المرض اخطر عن العمليه اللي يسوي قص او تحويل للمعده يقول ليتني مسوي من زمان

[reemah so]

مدري احسها خطيرة بنات تنبهو على ارواحكم

[ناهد العكر]

اختي العزيزه انا اخدن هدي الابر هدي مو ابر انسولين بس علاج للسكري لكن الحين اقرت من منظمه الصحه الامريكيه كعلاج للسمنه وهي امنه بس بيكون معها تقليل للاكل وبتسد الشهيه بتسوي بالاول احساس باللعيان اول اسبوع بعدها ما تسوي اي شيئ وفعلا بتخسس

[Nf7_paris]

السلام عليكم و الرحمه

اول شي هالابر عاديه جدا و انا بكمل سنة و انا اخذهم و انا فيني كان بداية سكري و الحمدالله وزني واااايد نزل و مالها اضرار و السكري لا بيرتفع ولا شي و انا عمري 26 بس اول 6 شهور كنت ملتزمة بدايت و ماخبص و انا طبيعتي ماحب السويت ولا الكاكاو فتوكلي على الله و خذيهم و ترا ما بتمين طول عمرج تاخذينهم و انا الحمدالله السكر عندي منتظم و انتظم من اول شهر و لا تسوين لا عملية قص ولا تحويل مسار لنه هالعمليات بتأثر عليج فالمستقبل و اذا تبين تقدرين تسوين عملية البالون هاي تعتبر عملية بسيطة و اقري عنها و ما بتأثر عليج لنها تخليج تتعودين على نظام اكل صحي غصبا عنج و تخلي معدتج ما تتقبل اي اكل . . و اسفه طولت عليج و اتمنى اكون فدتج

[mouzan7mod]

على قد ما تقدرين ابتعدي عن العمليات و سوالف الدكاترة و ارجعي للطبيعه
اشربي عصاير حرق الدهون و استمري عليها
استمري بالزومبا و الرياضة و هال أمور
لا تنسين صح تعبت بس الفرق بيكون واضح و خاصة بإتباع الزومبا