زوجي الطفل و البلاي ستيشن !!

[مشكلتي]

السلام عليكم

الله يسلمكم مشكلتي انه زوجي مدمن لعبة البلاي ستيشن يعني يداوم و يرد الظهر مرات ما يتغدى معانا ، ينام و يقوم العصر يلعب ليييييين وقت النوووووم مره ثانيه !!!!! هذي مب حاله و لا عيشه اللي عايشنها ، لا نتكلم و لا نسولف و لا نطلع نتمشى مثل الناس ، صارله اكثر عن سنه و هو على هالحال ، اقوله قوم نطلع نتمشى شوي يقوول وين نسير خلينا ف البيت احسن ، و غير الجفاف العاطفي اللي عايشتنه ، ما بينا اي كلام حب مثل المتزوجين ، انزين بتقولون الحياه مب حب و بس ، انا حتى كلمت شكراً تسلمين يعطيج العافيه ما اسمعها ، مليت منه صارلي متزوجه ثلاث سنين و عندي ولد عمره 6 شهور الله يحفظه ياررررب هو اللي مسليني ف هالبيت ، ماعرف شو اسوي عشان اعير زوجي كلمته ماشي فايده عنييد بشكل فضيع ، عطووني من خبراتكم لعلي اجد ضالتي هنا بينكن .... و شكراً

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[غلآ نفسي]

ويييييييييييييه كنت اعاني من هالمشكله في بدايه زواجي

وقته كله ع اللعبه

بس مع الايااام والسنين والمسؤوليات ودرها بروحه ومع عتابي المستمر انه ابد مب ويانا كل وقته لعب

بالتوفيق

[ورقة ناعمة]

شو تفضلين اللعب عالبلاستيش

او اللعب بالتواصل الالكتروني ,,,, في حريم يشتكون من رياييلهم

مقاطه جنسية مخلة بالآداب لاوقات طويلة وبشكل يومي


حريم رياييلهم غاطين بالاستغرام والواتس ساب وووووو


ورياييل عايشين قصص حب وغرام وعلاقات غير مشروعه



انتي شو تفضلين لعب الكتروني ولا لعب بالاعصاب ,,,,

[تفاحتي]

العبي معاه وبتندمجين

[Yazi.90]

صدقيني هي فتره وبتعدي ان شاءالله ولو طالت بس انتي صبري
و كلام اختنا نعوم صح شو تفضلين مدمن على بلايستيشن ولا مدمن على مواقع التواصل الاجتماعي!!!
الله يهدي لج اياه ويسخركم لبعض ياربي ،،

[^cute lady^]

ياي في ناس غيري تعاني يعني هههههههههه
ريلي مدمن لعبة عالمية يلعبها اون لاين ع الكمبيوتر الظهر ليييين العصر بيصلي بييلس شوي ويانا و بعد العشا لييييين 12 او 1 او 2 ع حسب اللعب اذا حامي ولا لا ههههههه

بالبداية كنت اتضايق بس الحين تعودت ، مرات اعاتبه بس قالي اياها اخويه (احمدي ربج في البيت وع لعبه ولا صايع وملعوزنج) وسكتني الصراحه خخخخخخ

بت فتره قمت العب وياه و استاااااانس اني شاركته جوه وكل شوي يزقرني و نلعب بس بصراحه انا اكره اللعبه و احسها مال مراهقين ف ما رمت اكمل خخخخخخخ
والحين ملتهيه بالعيال و تجارتي وهو على نفس الموال..

حاولي تندمجين وياه في جوه بيستانس و بيتغير شوي شوي

الله يهدي لنا ازواجنا و يهدينا لهم

[almal3ka1]

لعبي معاه

[sa7el]

انا العب وياه بعد

شاركي في اللعب،، تتسلون مع بعض،،

وحطي في بالج مافي شي يدوم على حاله،، كل شي فترة ويتغير
شي زين وللا مب زين

[مالتيزرس]

اشغلي عمرج عنه بشي ثاني ..
واحمدي ربج يابنت الحلال يلعب جدامج ولا من وراج افلام اباحية ومغازل واشيا تشيب الراس ..
جدامج ولا من وراج ..
الهي عمرج ولا تقعدين تغصصين عليه ..عقب يروح من وراج يدور شي يتسلى فيه
استهدي بالله وخليه ع راحته وشاركيه اذا تحبين اللعب

[ام طحنوون]

انا اشوف كلام البنات صح بعد

ريلي كان جي مدمن لعبة بليارد عالايفون .. صبح وليل
ويا الوقت نزلت اللعبة وقمنا نتنافس وما اصدق ولدي يرقد ونرجع نلعب خخخخ
مرات تنتافس ويابعض و كشخة حماااس

مع الوقت ملينا وهو بعد عاف اللعبة ..

مادري يمكن مسألة وقت لا أكثر

اشغليه بالمسؤوليات وبولدج قد ماتقدرين
يمكن ولدج بعده صغير بس بيكبر ولدج ان شاءالله وبتشوفينه يلعب كرة وياه فالحوي ولا فالغرفة يعفسولج اياها من لعبهم ونشاطاته واهتماماته تبدا تتغير لا ارادي مع الحياة اليديدة صدقيني ..

غصبا عنه بيلتهي ويا عياله وحببيه في ولده كل ما يكبر هذا دورج خليه يشاركه اللعب وياه لاتعزلينه عنه بحجة انه مشغوول ..


الله يسخر لج زوجج ويهدي سره