شو أفضل مانع حمل ...

[احلى بعفويتي]

السلام عليكم
بنات احسن مانع أحمل جربتوه
انا افكر بلولب الدكتوره رشحتلي اللولب
ويلست اقرى وأقرى عنه
ونسبه الحمل علما فيه 1 بالمية بس
بس تجارب البنات كله تقول ان حملوا عليه
والأبر تنزل دم وايد والدكتورة قالتلي انها هرمونات لو مانسبتني لازم اتريا فتره طويله عشان ترجع هرموناتي طبيعيه
والحبوب تزيد الوزن وتسوي نفسيه وانا مو ناقصه ...

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صبصب]

انا استخدم الابر اول ابرة خذتها ما سوت نزيف لكن طولت الدورة عندي يمكن عشرين يوم وكل يوم كان ينزل دم خفيف
وصارت مش متنظمة عندي وبعدها بكم شهر صارت تييني يومين بس والحين انا ماخذة رابع ابرة والدورة مقطوعة عني
والدكتورة قالتلي اذا فكرت احمل لازم اتريا 6 شهور بعد الابرة عشان تنتظم الدورة عندي
الابرة دمرت شعري خاصة اول ما خذتها صار شعري مثل الصوف ولا اقدر امشطه كنت اقسم شعري 12 قسم عشان اقدر امشطه ويرجع ثاني يوم يتشابك فبعض هاي الشغلة الوحيدة اللي كرهتني بالابر وناوية الشهر الياي انشالله اركب لولب

[تفاحتي]

انا سويت لولب مرتين
الدوره اتيني ف الموعد ما تتاخر بس المقرف افرازات ما قبل وبعد يعني بالاصل العاده عندي خمس الايام مع اللولب ثمان ايام او تسع عقب سنه هالاشيا كلها تتلاشى

بس مع اللولب ما ترومين تلعبين رياضه قويه لان عادي يتحرك



حرمه اخوي ضربت ابره وحملت عليها

اختي استخدمتي الابره اللي تحت الجلد كملت سنتين عليها عادي اتيها العاده شهر كامل وتستانس اسبوع وترجع تنزل عليها
ولين احينا ملخبط كل شي عندها


اختي اللي اصغر عني استخدمت اللزق اللي ع الكتف اتقول اوك ما تحملين عليها بس نص جسمها وين مكان اللزقه تحس بثجيل كان حاطه حصاه فوقها


اختي بعد الثالثه تستخدم حبوب منع الحمل صارت مينونه تكسر وتحط وتضرب وتنافخ وتعق رمسه مستويه كريها ومحد يطيقها حتى عيالها بيشردون وفوق جي متنانه


خواتي الكبار ما شا الله ناسبهم حساب العد ماعرف ليش عادي بالسنين ما يحملون ما يأثر فيهم ولا يحملون بالغلط



بالتوفيق

[Yazi.90]

بصراحه لحد الحين احسن مانع اشوفه الحبوب
في ناس صح يلعب في نفسيتهم لعب بس الحمدلله انا مناسبني

و احلى شي انه ينظم لي الدوره ،،

[مونتاج]

للرفع

[أم محمد1988]

أنا بصراحه أشوف انه الحبوب أفضل شي ..

أنا استخدم الحبوب والحمدلله وزني عادي مثل ما هو

[احلى بعفويتي]

يقولون الحبوب تعصب
و غير كيف تذكرينها

[^cute lady^]

اللولب ياب المرض لحرمة اخوبة لدرجة سفروها تتعالج وشوي وبيشيلون الرحم بسبته
لكن الله لطف وقدروا يعالجونها ..
ف حق شو اتيبون المرض لعماركم .. خلكم ع المانع الطبيعي ..
والريل يشد حيله شوي ولا ..... في حرمته.

الحرمه تتحمل كل شي وهم اتفه شي ما يسوونه .. الله يسلمكن ولا يبلاكن

[المعآني]

المنع خلوه ع الريال يكفي لعب في الهرمونات
طبيعي أو بالواقي افضل

[عيووووون]

ما انصحج لا بالحبوب ولا الابر ولا اللولب كلهن لهن اعراض جانبيه ومضارهن اكثر من نفعهن حبوب والابر تسبب المتن والعصبيه والسمار يعني ريلج بينفر منج غصب عنه حميتي بسبب الحبوب فقدت جمالها وتناسق جسمها وهدووءها استوت ثور هائج اسفه على التعبير بس والله هذا اللي صار معها حتى عيالها تعقدوا من عصبيتها الزايده وهي تقول بنفسها ما اروم امسك نفسي ولما ودرتهن بعد سنه او اكثر اتزنت شوي فالتصرفات ورجع بياضها ،،، اما اللولب مش مضمون رغم انواعه والحمل من قال واحد بالميه كل عايلتنا حملت عليه وفوق جي التهابات والدم ما يفارقج بالنسبه لتجاربنا ما ناسب لا عايلتنا ولا اللي حولينا ولا اللي اعرفهم المانع بالتدخل الطبي حتى بشكارتي كانت دبه وسمره والله رجعت بلادها وحده ثانيه بيضه ورشيقه وقالتلي محد عرفني بس رجعت طرشتلي صورتها انصدمت ان بس فست شهور ردت امتنت واسودت فهذي اعراضهن انا اقولج ليش نحن نسوي ونسوي لريال والريال مب رايم يساعدنا !!؟ اذا هو تهمه صحتنا ليش ما يساند بتقوليلي مش مضمون انا اقولج محد ما يروم يزخ نفسه قوليله ما اريد استخدم موانع طبيه اباك تساعدني ويتم كله خارجي عشان صحتي