مشكلة في العلاقة مع زوجي

[مشكلتي]

السلام عليكم ..
خواتي انا متزوجة من 6 سنوات ..مشكلة زوجي عنده شهوة زيادة وقت الجنس .. لكن وقت مايخلص اللي هو وقت القذف مشكلته مايعرف يمسك عمره يعني يصارخ بقو وعادي يضرب راسه ع طرف السرير ع الخشب او شي ..ومشكلة البيت عندي شغالة غرفتها داخل ويانا داخل يعني ماعندها ملحق فأخاف تسمع والصغارية فغرف حذالنا .مب ماعارفة كيف احل المشكلة يعني اخاف أنا يصير فيه شي من كثر ما يعق عمره بقو او يضرب براسه بقوة ..يوم اكلمه هالموضوع يقولي انا ماأحس فعمري وما اذكر شو صار ..ويتم متضايج اقوله لاتفضحنا واحاول احط ايدي ع حلجه عسب لا حد يسمع الصوت بس ماشي فايده ..خاصة اذا كان تعبان اسبوع كامل مب مسوي شي ..والله حتى كرهت الجنس من سبة هلشي ..يعني أحس الجنس له هو بس يعني ممارسة الجنس بس يكون هو تعبان أكثر ..وانا من كثر ما اجوفه تعبان ما احس فمتعة ..وراحة استغرب من تعبه

خواتي ماعرف هل الشي طبيعي والا الكل يعاني ..

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صــــدقة

[almal3ka1]

ها ريلج يبا يتمتع بالحلال وياج

لو هو ما سوا معاج جي بسوي مع منو


احتويه

احتويه

- - - Updated - - -

ولو عطاري الأصوات شغلي التلفزيون او أي شي فيه صوت

[تفاحتي]

الله يعينج


مافي غير تلفزيون ارفعي الصوت

هذا نصيبج

[صبصب]

يعني يا اختي شو تبينه نقول
مثل ما قالو الخوات طولي صوت التلفزيون شوي

[GHANATI_BEAUTY_AJMAN]

هو ريال ومن حقه وحتى لو سمعو تراج حرمته بس بعض الأحيان يسبب هالشي احراج .. لاتحسسينه بشي لان الريال يتحسس .. طولي عالتيلفزيون وكل شي بيكون اوكي


تحياتي

[غلآ نفسي]

عادي

شي حريم يصرخون بعد

سوو مكان للشغاله برع البيت

اذا بيت اجار اطلعو واسكنو بيت فيه غرفه برع

واذا ع الخشب ويضرب راسه .. عندج السرير بالعرض

خذو بيت طابقين

فوق انتوا وتحت عيالكم

بالتوفيق

[بـ دبي ـنت]

حبيبتي الشيء طبيعي بس بعض الرياييل يمسكون عمارهم ويسكتون او يصرخون ع الخفيف.. لانهم صدق يبذلون مجهووود وايد كبير.. واذا انتي اتخافين انه حد من عيالكم يسمعكم حطي قرآن حقهم وقت النوم.. ولا طولي ع صوت التلفزيوون.. لانه الشيء مايكون بإرادته وصح الرياييل مايحسوون بعمارهم وقت العلاقه.. وخليه ياخذ راحته ولاتضغطين عليه واايد فالأول والأخير انتي حلاله.. ولاتميت اتقوليله عشان لايتضايق وانتي تضايقين عقب.. واسمحيلي ع الجرأه شوي حاولي وقت القذف انج اتقبلين شفايفه ومابيقدر انه يصارخ.

[madmozel_shayma]

عادي ما فيها شي لا تخلينه يكتم خل يصارخ ويطلع الي بخاطره من الحماسسس وانتي بعد صارخي معاه هههههههه بس طولوا علي صوت التلفزون عشان ما ينسمع الصوت
و حاولي انج ما تذكرين ريلج بسلبياته و ما تنتقدينه وقت العلاقة لنه هالشي ممكن يسبب نفور و احباط او يخليه يحس انج مب مستمتعه معاه علي عكس اذا مدحتيه و حسستيه انج راضيه باسلوبه وقت العلاقة
الريال خصوصا فالعلاقة لازم تعززين ثقته بنفسه بالمدح و الكلام المعسول
واذا يدق راسه بالسرير حاولي تحطين مخدات ورا راسج عشان ما يتعور او تحطين ايدينج علي راسه هههههههههه

[ورقة ناعمة]

انا برجع على ضرب الراس اذا تعور مابيرد يكرر مره ثانية بس شكله عايبتنه السالفه

وبخصوص الصوت البشكارة شغليها باي شي بها الوقت او حتى تيلس مع الصغارية عند التلفزيون مافي شي

[عيووووون]

يا قلبي ما فيها احراج بالعكس في ناس ما تقدر تمسك نفسها وناس عندهم بروود يذبح

اللي يصير مع ريلج طبيعي وفي حريم نفس الشي ما يتحملن ويطلعن اصوات


لا تخلي فتور فعلاقتكم واحتويه ولا تتذمري منه يمكن هو مستمتع معاج
ولا تشتكي منه وتقوليله فضحتنا مليون شي تسويه عشان لا تنسمع للاصوات
شغلي التيلفزيون فحجرتكم ،،، اذا كان نص الليل واذا. غير هالوقت طلعي العيال يلعبوا برا فالحوش وخلي الخدامه تشوف شغلها


انا من هالسالفه كلها افكر فالريال لا يعور نفسه بدون ما يحس مب زين يدقدق براسه
نزلوا تحت او على كرسي مب شرط ع الكرفايه خذي وضعيه هو ايكون بعيد عن واجهه الخشب للكرفايه

والله يسعدكم يا رب

[أم خليفة11]

مثل ما قالن البنات ،،

العلاقة الحميمة فيها من السلوكيات مالا يدخل العقل و هذا اللي يخلي بعض الازواج يتجهون للخيانة
لنه زوجاتهم غير قادرات على تقبل ما يحدث او انها تستغرب مما يحصل.
طبيعي أنه المتزوجة حديثا و اللي ماعندها خلفية بشكل او بآخر عن العلاقة الحميمة راح تستغرب كل ما يحدث و تطرح تساؤلات و تبدأ تحسس زوجها انه غير طبيعي ،
انتبهي عزيزتي انج تناقشينه في هالموضوع ، بل بالعكس خلج طبيعية جدا جدا و تقبلي ردات فعله خلال هالعلاقة و حاولي تجدين حلول للموضوع بدل لومه .

بعذ الرجال حسب ما قرأت في بعض لكتب عندهم سلوكيات شاذة نوعا ما ولكنها مش حرام ،
فالزوجة هنا تمتنع عن فعلها و تعتبرها احيانا جنون و احيانا اخرى شذوذ و محرمات ،تناقش الزوج و تبدأ في إفشاء السر عند الأخريات ومن ثم تحدث الخيانة الزوجية و يبدأ الرجل في رحلة البحث عن المتعة الجنسية عند بنات الليل و اللواتي طبعا من المستحيل رفض أي سلوك ،

[أم حور26]

اتوقع الخوات جاوبو يعطيج العافيه حبيبتي