متضايجه 😞

[مشكلتي]

هلا بسيدات الامارات

اليوم أنا يايتنكم و عندي مشكله كبيره و متضايجه وأيد منها و دوم أفكر فيها .. أنا متزوجة من كم سنه و مول ما احس أني متزوجة او عندي ريل .. احس حبي لريلي وأيد قل عن قبل و نفس الشي هو أحسه ما يحبني .. ريلي حنون و طيب و ساعات نطلع و نغير جو بس مول ما أحسه يتوله علي والله لو اطلع من الصبح الين قليل ما بيتصل الا اذا عشان اعرف أنا وين و يسكر و لا غيره ما بيتصل ما أحسه يتوله علي و لا يطرش لي ع الواتس مثلا ولا اي شي نهائيا .. لما اشوف ربيعاتي و لا خواتي ما شاء الله رياييلهم يسألون عنهم ما أحسدهم لا والله بس أتمنى أصير مثلهم .. يعني هو طبعه بارد و جاف و مول ما يساعدني أني اكسر الروتين وياه و نغير جو .. لما أكلمه بخصوص الطلعات مثلا او السفر ع أساس ناخذ إجازتها سوا ما يسوي سالفه و ما يرضى نطلع إجازتنا وَيَا بعض و هذا كله مسبب لي برود مشاعر تجاهه .. قبل كنت اتوله عليه و الحينه احس ما يهمني و بعد هو من النوع اللي سوالفه ثجيله و فيها اهانه لي و عدم احترام و كل ما أقوله لا تقول هالكلام مره ثانيه يقول انها سوالف و ما يقصد و ما بيعيدها و عقب كم يوم يرد نفس الشي والله تعبت نفسيا منه و جسديا بعد والله صرت أهمل نفسي وأيد وأيد بشرتي تعبت و صايره كله أفكر و بس .. تعرفون الزوجه لما تكون مرتاحة وَيَا ريلها تتحمس اكثر انها تهتم ف نفسها اما اللي نفسي والله صرت ما أحب اهتم و صرت انطوائية اكثر و وأيد أشياء تغيرت فيني بسبب هالوضع .. بليز أكتبولي كلام يشجعني و يغير مني للاحسن .. بليز بنات حمسوني و فيدوني بنصايحكم

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني