...@ حوامل 2016 ..10-11-12 @...حياكم ..

**أم خليفة11** · 2016-06-30, 23:09

شكرا اختي ملكة على النصائح بارك الله فيج و ربي يحفظج.
الرضاعة حسب لو شي حليب لين يكمل البيبي سنتين ليش لا . مرات يوقف الحليب من نفسه بس .
انتي ماشاء الله ممكن من النوع اللي فيج حليب بس انا لا ☺

**أم خليفة11** · 2016-06-30, 23:14

اختي ملكة ماحد قال بيخش عياله 😃 اهلج و اللي حوالينج اكيد بيعرفون إذا هب قبل الحمل فلابد بيعرف ن عقبه.
و لله الحمد ماحد من اللي حواليني بيزعل لو ماعرف قبل الحمل لأنهم ناس متفهمين و لهم في أمورهم ويحترمون خصوصيات الناس. لكن لو حد من بعيد مثلا جيرانج . أو ربيعاتج أو ربيعات خواتج. أو أخت حرمة اخو ريلج هههههههه هب لازم .
وما راح يخشون عيالهم.
في مسجد الشيخ زايد . الشيخ ادريس ابكر خلال صلاة التهجد كان يدعو بالحفظ من الحسد و الشر و العين . فلابد أن ندعو جميعا ☺
و قد مرة سمعت فتوى هل يجوز قضاء الأمور في الكتمان بنية الحفظ من العين فكان الجواب نعم .

**ملكة الاحاسيس** · 2016-07-01, 09:46

صباح الخير والكسللللل
الله يحفظهم يارب من كل سوء وشر
انا الي اقصده انه بالاول والاخير الحافظ رب العباد مو نحن
كنت اتابع قضية ولد ضايع بالبحرين من كم يوم وتاثرت والله لمادريت ان الولد لقوه ميت بعيد عنا الشر وعن عيالكم واحبابكم يارب
صراحه تاثرت وايد وخصوصا وانا حامل قلت لنفسي مهما سوينا مانقدر نمنع قضاء رب العالمين
الله لايكتب غلينا نذوق حزن عيالنا يارب

عشان الرضاعه هههههه
اكمل سنتين حتى لو مافيهن شي اقسم باله بس تسلية اذكر امي تقولي حق شو ترضعين مافيج خلاص افطمي اقولها بس اتسلى انا ووبنتي عادي كنت اعطيها وجباتها من ست شهور وفوقهن رضاعه خخخخخ لين سنتين الحمدلله

**ملكة الاحاسيس** · 2016-07-01, 09:49

انا اخذ فيتامينات من الصيدلية من قبل وعقب ما دريت اني حامل غيرتهن للمخصص للحوامل الدكتورة سالتني تاخذين كالسيوم قلت لها لا بس فيتامينات
رحت اشيك الفيتامينات الي بالعلبه لقيتهن14 نوع ماعدا الكالسيوم لنه مايدمج مع الحديد

الحين كيف اتصرف هل ضروري اشتري كالسيوم وانا قد دخلت السادس ؟ ولا عادي اكمل فيتاميناتي الي انا ارتاح لها

**أم خليفة11** · 2016-07-01, 11:06

انا ما اخذ كالسيوم .

**أم خليفة11** · 2016-07-01, 11:13

صباح الورد كروشات اخباركم .
اليوم جمعة و عسى ربي يجعل دعواتكم مقبولة يارب.
ام حور طولتي الغيبة افديتج
برستيج شو وضعج اليوم و البيبيز ابخير ؟
شو المواعيد حاليا ؟ انا تقريبا كل اسبوعين اشوف الدكتورة لكن كله بيكون عقب العيد يعني على نهاية الشهر 6 بإذن الله.
لطافي وينج كنت اشيك على شريط حملج في الردود احينه اشوفج مختفية 🤔

**أم خليفة11** · 2016-07-01, 11:15

الأخوات اللي تم شي وياها في ختم القرآن اليوم فرصة جيدة تجمع مابين الجمعة و مابين ليلة من ليالي الوتر اللي متوقع تكون ليلة قدر و الله اعلم تعالى

**UAE prestige** · 2016-07-01, 13:54

ملكة الأحاسيس
انا رايي من رايج بموضوع العين والحسد
لازم الكل يعرف ان العين حق وان الرقية والتحصن
سد عن العين والحسد
وفنفس الوقت اقضي حوائجي بالكتمان بس اذا حد
سألني اخبر سيدة
يعني كم شهر
بنت ولا ولد
يتحركون ولا لا
ومن هالامور أكون متاكدة قبلها اني متحصنة
وموقنة ان لن يصيبنا الا ما كتب الله لنا

**UAE prestige** · 2016-07-01, 13:57

أم خليفة
الحمدلله الحين وضعي احسن بوايد
صحيح اني ما اروح ولا ايي
ومحبوسة ولا اطلع بس امس احسن عن اللي قبله
واليوم الحمدلله احسن عن امس والله يديم الصحة
بس هاليوم الخامس اللي أفطره
وهالشي معورلي قلبي
اني مافطرت الا ع العشر الاواخر
وبالنسبة للتوينز نفس ما قلتي يتحركون بس ماعرف
اذا هم مع بعض ولا واحد اللي يتحرك اخر مرة شفتهم
فوق بعض متقابلين بالويوه الله يحفظهم
مواعيدي اخروها عندي تفصيلي الاثنين والباقي كله عقب العيد

**الفلة البيضا** · 2016-07-01, 16:03

انشالله تقومو بالسلامة والله ييسر عليكم

**ملكة الاحاسيس** · 2016-07-01, 21:15

قبل ماشوف مشاركاتكم

اليوم احتمال كبير ليلة القدر ضمو اسمي لدعواتكم

يارب تشفي ابن اخي وتشفي جميع مرضى المسلمين
ويسهل لنا كل صعب ويقرب لنا كل بعيد

الله يختم لنا هالشهر وقد رفعت اسمائنا يارب وغفر لنا ماتقدم وتاخر من ذنبنا

**ملكة الاحاسيس** · 2016-07-01, 21:19

ام خليفة انا قريب اختم القران بس يبالي تحميس لن مرات انسى .

برستيج وام حور وام خليفة والي حامل توم
ايتفسار بسيط وتجديد معلومات
هو التوام الي بمشيمة وحدة متماثلين ولا الي بمشيمتبن ؟ يعني اشكالهم وملامحهم نفس الشي ؟ كيف يفرقون الامهات عقب

**UAE prestige** · 2016-07-01, 22:40

هلا ملكة الأحاسيس
اللي يكونون بمشيمة وحدة يتشابهون
اما المشيمتين فيطلع كل واحد صوب
حد منهم يتشابهون كونهم اخوان فقط لا غير
وانا عيالي كل واحد مشيمة فبقدر افرق بينهم باْذن الله

**UAE prestige** · 2016-07-01, 22:42

الحمدلله اليوم كملت ١٩ اسبوع وامشي في ٢٠
بس اليوم وايد احس بالثقل بشكل مب طبيعي
الحمدلله

**دلوعة ريلي@** · 2016-07-02, 03:32

انا حامل بتوم بمشيمه وحده .. وقريت انهم راح يكونون متشابهين ...

اليوم دخلت أسبوع 28 ..

الموضوع: ...@ حوامل 2016 ..10-11-12 @...حياكم ..

أدوات الموضوع

عرض

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

رد: ...@ حوامل 2016 ..10-11-12 @...حياكم ..

المواضيع المتشابهه

حوامل ....حوامل...حياكم عندي...

مشدات حوامل,ازياء حوامل,احذية حوامل موضة 2010

تجمع حوامل دبي... حياكم

حوامل الشهر التاسع حياكم :)