مشكله بنتي

[المراقبة العامة]

تمت الموافقة
انتي تقولي هالحركة من سنة ونص والطفل بهالسن مايفهم
لو شكيتي بشيء لكن عندك احتمالين :
1- اما انها حركة والطفل صارت عنده عادة مايتركها .
2- شافت شيء وطبقته ولاتعرف ايش معناه لان الطفل مثل الكاميرا لاشاف لقطة تثبت بذاكرته .

فــ دورك انك مثلا يوم بتنام اعطيها دميه قطنيه مثل شمس او عروسه قطنيه وخليها تضمها ولو حطتها كالعادة انتي بحركة طبيعية ومبتسمة قولي لها بنتي الحلوة جذي تضمين عروستج
يعني لاتوبخيها لان التوبيخ ممكن يأثر وتصير تفكر وتعملها دون ماتدري
علميها مثل شلون النومة الزينة بحيث تبعديها تدريجي بشكل غير مباشر عن هالنومة
يعني اقري لها قصة بشكل مبسط بأسلوبك عن النوم الصحيح وفق السنة يعني حببيها بالجنه
وان فيها فواكه مثلا اللي تحبها وحلويات الطفل يحب هالسرد من القصص واجعي عيالج مو بس هي حتى لايكون الكلام توجيه لها وبس قولي لهم بعلمكم شلون ينام الرسول صلى الله عليه وسلم
وطبقيها جدامهم ويبي معاج نوته صغيرة مسطره بجدول لكل طفل عندج
واكتبي تطبيق النوم الصحيح - الكذب - الصدق - الامانة - المذاكرة - طاعة الوالدين - النظافة الشخصية
حطي خيارات تتوهي الفكرة اللي تبين توصلي لها
وقولي لعيالج بنجوف اسبوع منو اللي بنحط له صح وبيكون اكثر بنعطيه هديه من اختياره
هالشي يشجع الطفل ليش لانه في فترة سهل التشكيل
جربي اسبوع مع التحفيز والمتابعه وحطي صح جدام كل شي طبقوه الصح عند الايجابي وخطأ عند السلبي هالشي مجربته ومؤثر على الطفل
ولاتنسي توصليهم لدارهم وتثبتي نومتهم عدل حتى يعرفون وتقولي لهم شلون النومة طبقوا جدامي
هالشي بيرسخ وبتكون ثوابت لهم والحافظ الله يالغالية
وبشرينا عقب بتعقيب
موفقة

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني