لازم أغير حياتي

[مشكلتي]

السلام عليكم ورحمة الله ويركاته طبعن نزلت هذا الموضوع لاني قررت اتغير واغير من حياتي طبعن كل يوم مشكلة وكب يوم شي انا عمري 23 وبدخل 24 انا مو متوفقة بزواج سنة وحدة املج مرتين واتطلق طبعن في اسباب كثيرة وحاليا اهلي منعوني من كل شي بس اتم بالغرفة ولا اطلع ولا اشوف العالم فكرت بالانتحار ولكن من غير فايدة قررت ابتدي حياتي يديدة بغرفتي بروحي ابغي اسوي لي برامج او اي شي فكرت اسوي رجيم معني مب متينه بس يمكن هالشي يخليني انسى وافكر بالايام الي بتمر علي واغير من شكلي واغير كل شي ياليتكم توقفون معاي عشان اغير من حياتي ومستقبلي كان لي صديقات بس للأسف كلهم سراب تخلو عني ويرمسو عني ويحشو فيني لاني تطلقت مرتين والس يقول هاذي ما تستاهل والي يقول والي يقول وطليقس ما مقصر يحش فيني ودايمن ينغزني بالواتساب بالصور الي يحطيها وانا مطنشه طبعن اهلي شلو التيلفونات مني بس الحمدلله عندي بالدسه يمكن تقولو غلط بس ما اقدر هذا الشي بخليني انسى واتواصل مع ناس يرفعو معنوياتي اعتبركم مثل خواتي فوقفو معاي محد من اهلي يحب يشوفني بعد الي صار بس الحمدلله ع كل حال صابرة وأمري لله ..

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
أعينوا أختنا على حل مشكلتها ... وتذكروا الكلمة الطيبة صــدقة

[miss noor]

حبيبتي والله ربي يعينج

اهلج صراحه غلطانين المفروض هم يساعدووج تتخطين هالمشكله

بس ماشاء الله عليج احسج انسانه تفكرين بصح شوفي حاولي ترمسي حد من خواتج يرمس اهلج تطلعين تغيزين جو او حاولي تدورين شغل

استغفري ربج هاي فرصه لج لان رب العالمين ابتلاج ويبا يشوف صبرج وكيف بتلجاين له اقري سورة البقرة والله انها دوا الجرووح راااحه عجيبه

وبخصوص واتس اب طليقج ارقعيه باكبر بلوووك شو تبينه دام هو مب ريال يرمس عن حرمه كانت يوم من الايام حرمته ها مب ريال


الله يوفقج حبيبتي ويسر لج امورج

[المعآني]

الغالية ليش اهلج جي يعاملونج
هل هناك سبب ، هل الطلاق كان رغبة منج فعادوج وعاملوج بالطريقة
لا تقولين صديقات
فتحي قلبج لأهلج امج أو خواتج تقريي منهم
والأهم تقربي من ربج بالعبادة والصلاة والدعاء
سوي طبخات سيري الجيم أو تمارين في البيت
ازرعي نباتات برع عند نافذة الغرفة حطي لج نبتة ياسمين في الغرفة ورودها لها ريحة حلوة
وأعرضي عن الجاهلين تماما ماعليج من الكلام
غيري قصة شعرج يعطي تغيير حلوو
اشتركي بمركز تحفيظ مكثرها المراكز في الدولة منعا تتعرفين على ناس طيبة وتخاف الله
والله يهون عليج يارب عسى أن تكرهوا شيئا وهو خير لكم وعسى أن تكرهوا شيئا ويجعل الله فيه خيرا كثيرا

[[..دانــة..]]

التغيير من الداخل ومن القوة من الله ومن نفسج الإرادة
دام عندج رغبة قوية وصادقة بالتغيير ف ابدي
انتي شجعي نفسج بنفسج
وصكي اذنج وعقلج عن سلبيات الناس وخلي طاقتج ايجابية
وربي بيوفقج

[sa7el]

شي ناس ترى ما عندهم خطوبة على طول ملجة وسبحان عقب الاثنين ما يتوالفون والنتيجة الطلاق،، الطلاق كلمة قوية على البنت،،، حتى لو ريلها ما دخل عليها
افضل المرة الياية تعطين عمرج وقت للخطوبة،،، اذا ارتحتي وارتاح لج عقب املجوا،، لا تستعيلون
كان الله في عونح

[جلنارا]

اني رايي من يتقدملح شخص خلي فترة خطوبه..وحاولي اتغيرين من نفسج..اطلعي غيري جو كوني صداقات

[دروب الشتاء]

اعتصمي بالله وخليك قويه بطاعتك لله واستغفري حتي لو كنت مقصره وبتشوفي نتيجه رائعه في حياتك
وتواصلي مع اصدقاء طيبين ملتزمين عبر الرسائل ما دمت لا تخرجي من البيت ,وابتعدددي عن أصدقاء السوء
حتي لو كانوا مسللين وكلامهم يغير مودك.ولا يهمك الناس مادمت مع الله.
ولا تسمحي للشيطان يدخلك في ابواب التعارف مع اي شاب ومن ترك شيئا لله ابدله الله خير منه.

[مالتيزرس]

ليش هالسلبية ؟؟!!
انتحار ع دنيا فانية تعوذي من ابليس يابنت الحلال. .ترا صدقيني الدنيا ماتسوى جناح بعوضه ..وه قولتج الطلال مرتين فسنه وحدة حبيبتي عذا نصيب ومكتوب وماتعرفين وين الخير الحمدلله.
وليش اهلج منه والدرب يشلون تلفونج من دون سبب ؟؟
اتعلقي بربج زيادة قومي الليل اكثري من الاستغفار والصدقة ناجي ربج اقري البقرة داومي عليها يوميا

[احتاجك..]

حبييتي تاكدي ان الطلاق اللي صار خيرة ان شاء الله
داومي على الاستغفار و حاولي كل يوم تقرين قران و الصلاة ف وقتها و الدعاء

ربي ييسرلج امورج

[love rak]

استغفري ... اقري قران وسورة البقرة ... صلي الصلوات الفرض والنوافل واتقربي لربج واتصدقي ...
وامسح رقم خطيبج من للواتساب. .. وسلي نفسج مؤقت بالإنترنت بمواقع مفيدة. . لما اهلج اغيرون رأيهم

[mrs.abk]

جني قارية هالمشكلة قبل ؟؟!!

وجني رادة عليها ..

الحين انتي تتمردين .. وعندج فون بالدس وواضح في غلط بتعاملج مع اللي خطبوج أو شافوا عليج زلة .. ومنو الناس اللي تتواصلين معاهم بالفون اللي بالدس أكيد موب خواتج ولا بنات أهلج لأنج بتخافين يخبرون عنج

اختي انتي تسوين شيئ غلط وانتي تعرفينه ويبدو أهلج بدو يعرفونه بعد

اتقي الله ي نفسج وأهلج

والله يعينج

[الاحلام العظيمه]

ليش كل ناس عادوج اكيد غلطتى ب شي .. صلحى غلطج اولا