IVF اليوم رجعولي الأجنة وان شالله يتم الحمل

[فاطمة82]

بِسْم الله الرحمن الرحيم

حبيت أشارك تجربتي معاكم حبيباتي واجاوب اي سؤال

طبعا انا متزوجه من سنتين والله ماكتبلي احمل وكلمت ربيعاتي عن هالشي وخاصه كل ماتييني الدوره أتضايق واقعد متكدره ولو تعرفون كم فحص حمل سويت وكم احباط حسّيت فيه ... مابزيدكم طبعا الحمدلله على كل حال

المهم وحده من ربيعاتي فالدوام نفس معاناتي شارت علي بالتخصيب الصناعي

وفعلا رحت للدكتوره اول الشهر هذافبراير وسوت لي فحص دم 12 علبه ادري وايد وسألتها ليش قالتلي فحص هرمونات وفيتامينات وفقر الدم والامراض الخطيره عشان نتأكد قبل العلاج ان مافيج شي من الأشياء لا قدر الله المهم طلع عندي كل شي طبيعي معادى فيتامين د ومستوى الخصوبة نازل طشونه وقالت هالشي طبيعي بعد الثلاثين عالعموم طلبت عينه من زوجي وطلع طبيعي لله الحمد

عقب عطتني اكثر من خيار بنات وللاسف ماكان عندي خلفيه عن الفرق بين التخصيب الصناعي والأنابيب والغلط ان الوحدة لازم تقرى عنهم قبل لاتقرر .. تحمست طبعا وقررت انابيب مع المفروض اجرب التلقيح الصناعي قبل ...

بداية العلاج:

عطتني فيتامينات وفيتامين د وأبر منشطه كنت اخذها كل يوم الساعة 6 المغرب عشان تكبر البويضات
وعقب 5 ايام قررت اقرى عن التخصيب ههههه ويوم قريت عن الموضوع خفت واتصلت عالدكتوره وقلت لها أباً أغير بسوي تلقيح صناعي قالتلي مستحيل لان الإبر كبرت كل البويضات ماينفع وخطر عليج

المهم رحتلها لانها بتسويلي منظار الخميس 11 فبراير تشيك عالرحم انه اوك والحمدلله اوك

قلت الخيره فيما اختاره الله وقررت اكمل طبعا حددتلي السبت اللي طاف 13 فبراير عمليه تشل فيها البويضات وتخدير كامل طلعت عندي 11 بيضه كبيره وعقب صفت منهم 8 صالحين للتخصيب

وعقب حقنوهم ومالقحن غير 2 والباقيات يعاندن ههههه المهم قالتلي في فحص قبل مانرجعهم في الرحم يحدد الأمراض والتشوهات ب 4500 درهم مايشمل التأمين ثقته ووافقت والحمدلله طلعت بويضه فيها تشوه والثانيه طبيعية

حددتلي اليوم موعد ورجعتلي البويضة الاخيرة

الحمدلله متحمسة ويابنات النفسية تلعب دور كبير انا كنت مريحة عمري وأحاول مافكر

بلز أدعولي الله يتمم حملي لان هذا بكون إصعب أسبوعين علي والله يصبرني يارب

حبايبي اذا عندكم اي سوْال لا تترددون

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

[تفاحتي]

يا رب الله يثبته لج بإذن الحي القيوم الواحد القهار
ويتم حملج ويرزقج بالذريه
امين يا رب

[أمل22]

ربي يرزقج الذرية الصالحة ويرزقنا جميعا

[سماريه دلـع]

بالتوفيق

[r3boooba]

الله يثبته ويفرح قلبج الغاليه وتبشرينا بحملج عن قريب

انا بعد حملت مرتين انابيب والحمدلله نجحت العمليات من اول مره وان شاءالله ربي يفرحج بثبات حملج ويرزق كل محرومه بالذريه الصالحه المعافاه يارب

[فاطمة82]

الله يثبته ويفرح قلبج الغاليه وتبشرينا بحملج عن قريب

انا بعد حملت مرتين انابيب والحمدلله نجحت العمليات من اول مره وان شاءالله ربي يفرحج بثبات حملج ويرزق كل محرومه بالذريه الصالحه المعافاه يارب

امين رعبوبه بس انج تتريين اسبوعين حرق اعصاب واصلا ماتم غير جنين واحد احس بصيح ومب طايقه حد

صدري يعورني وايد وبطني .. نغزات فالحوض تالمني .. خاطري في توم الله ماكتب والحين اخاف هالجنين مايثبت

منو جي يحس احس بتخبل

[فاطمة82]

تفاحتي أمل22 سماريه دلـع

امين حبيباتي ويرزق كل محرومه

[Moonydxb]

والله حاسه فيج لاني شراتج بس انا صارلي سنه متزوجه وما صار حمل مع انه كل شي طبيعي بس من كثر المحاتاه سرت عند الدكتورة و خذت حبوب كلوميد وفيمارا لمدة شهرين وما صار شي فلجأت للتلقيح الصناعي اللي يسوونه 3 مرات اعتقد لمدة 3 شهور قبل اطفال الانابيب .. اول مره ما صار حمل والحينه هاي المره الثانيه واتريا 3 ايام عشان اسوي فحص الحمل .. ادعولي ما تييني العادة واطلع حامل هالشهر يارب .. يمكن انا تسرعت في موضوع التلقيح الصناعي بس مب مني ما اقدر اتريا وانا الحينه عمري 31 سنه وخاصة اني ابغي اكثر من طفل .. يارب يكتبلي ويكتبلج ويكتب لكل محرومه امين .. وتصدقين اني سويت كل شي بدون ما اخبر امي ولا خواتي بس ريلي اللي يعرف وماعرف اللي اسويه صح ولا غلط .. ياريت الخوات يفيدوني وينصحوني ..

[فاطمة82]

والله حاسه فيج لاني شراتج بس انا صارلي سنه متزوجه وما صار حمل مع انه كل شي طبيعي بس من كثر المحاتاه سرت عند الدكتورة و خذت حبوب كلوميد وفيمارا لمدة شهرين وما صار شي فلجأت للتلقيح الصناعي اللي يسوونه 3 مرات اعتقد لمدة 3 شهور قبل اطفال الانابيب .. اول مره ما صار حمل والحينه هاي المره الثانيه واتريا 3 ايام عشان اسوي فحص الحمل .. ادعولي ما تييني العادة واطلع حامل هالشهر يارب .. يمكن انا تسرعت في موضوع التلقيح الصناعي بس مب مني ما اقدر اتريا وانا الحينه عمري 31 سنه وخاصة اني ابغي اكثر من طفل .. يارب يكتبلي ويكتبلج ويكتب لكل محرومه امين .. وتصدقين اني سويت كل شي بدون ما اخبر امي ولا خواتي بس ريلي اللي يعرف وماعرف اللي اسويه صح ولا غلط .. ياريت الخوات يفيدوني وينصحوني ..

الله يرزقج بتوم يارب وتقر عينج .... يلا مابقى شي فديتج الا كم يوم وبالنسبه انج ماخبرتي حد انا اشوف افضل والله .. انا قبل ما ابدى العلاج ريلي شرط علي اني ماخبر حد غير اختي اللي هي قريبه علي وايد.. بخبرج ليش لان امج بتحاتيج وايد ولا اراديا ممكن تضغطج نفسيا .. نصيحتي اصبري لين يتم الحمل وبشريهم فديتج وبلز خبرينا شو يصير معاد

[sa7el]

استغفري اختي،، الله يتمم لج على خير وتبشرينا

بالتوفيق يا رب

[فاطمة82]

امس ياني الم مبً طبيعي ونزل مني دم 😢 والله اني منهاره ولين اليوم ينزل مني وايد ومابا أسير المستشفى ماريدهم يقولون طاح.. ادعولي الله يصبرني

[تفاحتي]

امس ياني الم مبً طبيعي ونزل مني دم �� والله اني منهاره ولين اليوم ينزل مني وايد ومابا أسير المستشفى ماريدهم يقولون طاح.. ادعولي الله يصبرني

الله يصبرج ويقوي قلبج
ويعوضج خير ان شا الله
عاجلا غير اجلا

[Moonydxb]

امس ياني الم مبً طبيعي ونزل مني دم 😢 والله اني منهاره ولين اليوم ينزل مني وايد ومابا أسير المستشفى ماريدهم يقولون طاح.. ادعولي الله يصبرني

الحمدلله رب العالمين و انا بعد ما صار الحمل .. فقلت خلاص ما بسوي التلقيح الصناعي المرة الثالثه وببتعد عن المستشفيات والأدوية .. بعيش حياتي وبحاول اني ما افكر .. الله يعوضنا ان شاء الله و يرزقني ويرزقج بتوأم

[الأمل هنا]

ثقي ان لك رزق ستسوفينه كامل

ولن يسبقك على رزقك احد

ولن تاخذين رزق احد

فاطمأني

[فاطمة82]

الحمدلله على كل حال