بيت صغير

[مالتيزرس]

مرحبا
خوااتي انا ساكنة فبيت صغير تقدرون تقولون نفس الشقة وعندي شغالة اندونسية وراتبها 1000 درهم ..يعني شغلها التنظيف صالة واسعة وممر وباث رووم ومطبخ وغرفة نووم بحمامها خلصت نظفت وساعدتني فالطبخ الظهر ورقدت وع العصر كوت لها جمن كندورة وقعدت بس يعني احس انه ماشي شغل وواايد واخليها تمسح البيبان وكبت الصحون مرة فالاسبوع ..
يعني انا موضوعي اغلب وقتها قاعدة ماشي شغل ابا اطلع لها شغل بس من وين مب عايبتني قعدتها بطالية عندي بس بنتين الله يحفظهم بس وحدة رضيعة والثانية 3 سنوات ..لا سمعو وتقولي يوم بتجددي لي زيدي معاشي 200 ..اقولها من زوود الشغل اللي حارجنج

الزبدة اللي ساكنة فشقة شو تقبضونهم شغل غير التنظيف احس والله غميضة ججيه قاعدة لا شغلة ولامشغلة وماشي حووش جان بقبضها مكنسة تخم لي الحوش ..وتتضايج يوم اهل ريلي يزوروني لانه تعرفون فواله وسوالف وتقعد ترضض فالوعيان لانها تعودت ع الربادة ورقادها من س 9 ..وتنش 7 الصبح الوضع مضايج بي ..
شو تسون بو بيوت صغيرة لاتقولو لي طرشيها عند فلان وعلتان تشتغل لانه مافيني تجلب عليه

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[love rak]

اختي نصيحه خليها ع راحتها الاندونيسيات ساحات وعادي تسوي شي بعيالج ...
شو تبغينها خليها ولا تيبين لعمرج المضرة
الصراحه الجنسية الإندونيسية والاثيوبيه لا تامنين هاييله فيهم شر وسحر وقتل ...

[f.angell21]

صدقتي والله.. خلاص خليها أهم شي تخلص إلى عليها وتسوي إلى تباه..ولاتعاملينها بقسوه حاولي بقدر الإمكان كل شي بطيبه لأنه عندج بنات ف الخوف اي معامله قاسيه عليها تجلب ع البنات أو تسوي شي فالاكل..

[مالتيزرس]

انتو سمعو مكرها اونه جان تبيني أجدد زيديني 200 درهم
.أنا ماناقشتها ولا ابا أناقشها عسب لا تشل عدى علي وع بناتي .بس أقول فخاطريه انتي شو عندج من الشغل والله العظيم أجووف الالف واايد عليها ولا فوق ها تبا 200 والله اجوف انها بطرة..ولا كل اغراضها علي وموفرة لها واتس اب ع الواي فاي وبرنامج ايمو وتبا عسب تكلم أهلها وفوقهن زيادة ع التجديد ..شو الراي ؟؟

[أم عيالها]

اذا هي زينه وما شفتي شي عليها معليه تستأهل لانه اذا يبتي وحده يديده راح اتكلفج مبلغ وقدره وما تضمنين اليديده هل بتكون راعية شغل والا لانه كل الخدامات اليداد ما لعب ودلع

[[..دانــة..]]

ياختي كل الخدم اللي ف بيوت صغيره جذيه
وحتى عندي مع انه بيت كبير بس لأنه شي أكثر من وحده
ف يخلصن شغلهن بسرعه وايتمن طول اليوم بليا شغل
وعيالي صغار مب حركيين ويوصخون وهالعباله
.
.
جوفي اذا الخدامة زينه وما شفتي عليها شي غلط
وتحسينها تشتغل من قلبها وتخلص أمورها أول بأول
ف اتركيها ع راحتها ولا تثقلين عليها
.
.
ترا حتى الموظف مب طول يومه شغل
ف لا تضغطينها وربي يعطيج خيرها ويكفيج شرها

[تفاحتي]

ماعرف أنا عن نفسي
ماعندي البشكاره تيلس راسي يعورني
بس أنا مو ف شقه بيتي كبير يوميا اطلع لها شي لازم بتجنن
لان أنش أسبح ولدي وأفطره وأطرشه الروضة
اخليها تغسل السياره
تخمها بالمكينه من داخل
تنظف تلمع الدراريش
تنزل الستائر وتغسلهن وتكوي وتعلقهن
تنظف المطبخ كل جمعه تنزل كل شي ف المطبخ وترتب وتنظف
تنظف ارضيه المطبخ بالتنر عشان مابا شي يعلق
كذلك الحمامات تنظف الارضيه بالتنر
تغسل لي لحافات اعيالي ف البانيو
والشغلة اللي ماتعجبني ترجع تعيدها
حتى سير المشي يوميا تُمسح بديتول وألعاب الأولاد اخليها أطلعهن وتعقمهن
ماقدر اخليها جي
لأَنِّي أنا اطبخ واربي عيالي عندي البشكاره للتنظيف بس أبدا ما اعطيها شي ثاني

[الوردة الجورية]

اختي عادي زيديها ممكن بس 100 درهم


لانج او يبتي خدامة يديدة كم بتدفعين للمكتب او حتى لماليل التنازل؟؟؟؟؟؟

وعادي اذا هي مرتاحة عندج كافية شرها خليها

ممكن تخلينها تلاعب البنات جدام عينج
او تخلينها تسوي لكم حلويات كل مرة جربوا شي يديد طلعي لها وصفات من النت او الانستجرام

حطي زرع في البيت داخلي و خارجي يعني عند المدخل و على الدرايش لو ماعندج حوش و خليها تهتم فيهم او قفص طيور اصواتهم حلوة و يوميا لازم تنظف تحتهم و تبدل الماي و الاكل

[ام شوق ك]

صدقتي والله.. خلاص خليها أهم شي تخلص إلى عليها