كبسولات البيوتين

[الوردة الجورية]

البيوتين يزيد عمر الشعرة الافتراضي بس مايغلظها

يعني اذا طبيعة شعرج الشعرة تنمو بس خمس سنوات و تسقط.. البيوتين يخليها تسقط بعد سبع سنوات بدل خمسة اذا الله راد
و اذا الشعرة تسقط بعد 15 سنة.. البيوتين ممكن يخليها تسقط بعد عشرين سنة

فيصير للشعر فرصة انه يطول اكثر قبل مايسقط
عشان جذي تلاحظين حد شعره يتوقف عند طول معين مايتجاوزه لان عمر شعرتهم قصير
البيوتين يخلي عمر الشعرة اطول فيزيد طولها اكثر قبل ماتسقط


وطبعاً البيوتين مايناسب للي عندهم اكزيما يزيدها سوء

لاحظي الهنود مدخلين الروب في طباخهم و غذاءهم بشكل كبير

الروب فيه بيوتين و نفس الشي الثوم و الكاجو و البيض.. كثري من هذي الاشياء بتشوفين تحسن كبير في شعرج

عشان تغلظ الشعرة مادة السيليكون و الكولاجين
شوفي حبوب الشعر اللي تحتوي البيوتين وهذي المواد اذا تبين يغلظ شعرج

بالنسبة لزيادة الوزن، حبوب الشعر اللي فيها مجموعة فيتامين ب تزيد الوزن
الصيدلي بيخبرج اذا حبوب الشعر اللي بتاخذينها ممكن تزيد الوزن او لا من قراءته للفيتامينات اللي في العلبة



اذا تبين نصيحتي

الريوق يوميا بيض

كلي يومياً روب مع الثوم و الخيار

سلطتج جرجير

مكسراتج لازم فيها كاجو

عصيرج يومياً بعد الاكل برتقال طازج مب معلب