تجربتي السيئه مع سوق كوم

[3lya]

السلام عليكم
انا طلبت من موقع سوق ثلاث كفرات للايباد
تاريخ 4-1-2016
هذا صوره الكفر الي طلبته


وصلني الطلب بعد اسبوعين عساس التوصيل ياخذ2-5ايام
وهذا الكفر الي وصلني شورايكم


اتصلت علي طول قلتلهم برجعه واليوم اتصلو يقولون ان باجر بنمر ناخذهم بس مانرجع الفلوس كاش نرجعهم لحسابج في سوق


والي عندها شكاوي من الموقع تحط تجربتها

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[N.A.L]

وعليكم السسلام ورحمة الله وبركاته ..
فرررررق
انا تقريبا كل شهر لازم اطلب من عندهم
بسس الملابس ما اثق فيها ..
خلاص رجعيه واشتري غيره والبائع خلاص لاتطلبين من عنده ..

[المعآني]

انا طلبت منهم مرة وندمت طلبت جهاز للكيك مثل ما مكتوب في الوصف وطلع جهاز لولي بوبس وصغير

[المعآني]

هو مب من الموقع من البائع نفسه هالشي لو ذكرتي اسم البائع عسب لا نأخذ عنه

[3lya]

اسمه miss20
وطريقه ترجيع الفلوس يرجعونها لحسابج في سوق واذا تبين سحبيهن للفيزا والي ماعنده فيزا ومايريد يطلب خلاص شو يسوي
اتريا يردون الحساب باخذهن وبسكر حسابي مابقعد اجرب اكثر هذا شي بسيط هين ومايسوا ناخذ ونرد الله يخلي امازون وباقي المواقع المظمونه

[بروود أعصاب]

أنا طلبت أكثر من مره من عندهم وكل مره يفرق ,, مرة تأخروا عليه أكثر عن شهر أونه الطلبية هذي بييبونها من خارج الدولة ومره وصلوني خلال يومين و الجودة تختلف حسب اللي تاخذينه من عندهم

[طيبة*قلب]

انا ماااسلمهم الفلوس الا بعد ماااشيك ع البضاعه
مره رديت شغله

[3lya]

انا ماااسلمهم الفلوس الا بعد ماااشيك ع البضاعه
مره رديت شغله

مشكله اذا ماتكونين موجوده ويوصلونها الجوده تختلف علي حسب البايع حطيت اكس عالموقع اليوم مرو وشلو الكفرات واتريا الفلوس بس

[اختارها قلبي]

وييييييه صدق انه فرق مالت عليه

[حمدة333]

هي مره طلبت ميزان للاكل ... يابو لي ميزان لشنط السفر

الفلوس تمت سنه في حسابي عقب طلب فيهن ..

[Umzahra]

العيب من البايع نفسه بضن أووك. كوم أحسن ولكن لا تشترو منه جوالات كلها مغشوشة

[مهاري 19]

غرييبه ..
انا ف حياتي ما تأخروا علي اكثر من ثلاث ايام .. بس مرة وحدة وصلو اسبوع ...

[أم محمد1988]

أنا أمس طلبت من عندهم وطلبيتي للحين ما وصلت .. خوفتوني

[<<وديمه 1>]

وانا طلبت من عندهم وصلتني نص الاغراض والباقي ما استلمته والمشكله اني دفعت كل المبلغ على بالي ياييبين كل الاغراض وسويت شكوى وما حد رد علي لا وطرشولي رسائل اقيم الاغراض اللي طلبتها وانا بعدني ما استلمت شي صراحه موقع فااااشل

[3lya]

وحده طلبت بيوتي بلندر من سوق وصلتها تقليد بسعر الاصليه والمشكله طلبت ٢