ما بعد العمليه القيصريه

[ام السنافي]

السلام عليكن خواتي
العمليه القيصريه تتعرض لها الوحده في حالات طبيه معينه وتضطر الوحده تسويها ربي يشفي الجميع
خواتي المجربات العمليه قبل عندي استفسارات اتمني تساعدوني على اجابتها
الشعور بالحراره فوق منطقه الجرحه شي طبيعي؟؟
ومتي يروح الم الجراحه وهو احساس كان شي شاد على بطنج ؟؟
متي اقدر البس الشد بعد العمليه؟؟
وبالنسبه لطلعت الدرج متي اقدر اطلع لاني غرفتي فوق وانا حاليا تحت ؟
وجزاكن الله كل خير وياليت اذا فيه نصائح او معلومات تفيدونا فيها

اختكم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الوردة الجورية]

وعليكم السلام و رحمة الله و بركاته

الحمدلله على السلامة و مبروك البيبي

بقولج عن تجربة اختي

هو اول اسبوعين معاناه
والمشد تاخذين الطبي المخصص لبعد عمليات التامي تاك ممكن تطلبينه من النت ارخص او من مراكز او عيادات التجميل او الصيدليات التابعة لهذي العيادات او في صيدلية لايف في دبي على ما اذكر قالت لي تلبسه بعد اسبوع من العملية خليني أتأكد منها و تستمر عليه مايقل عن شهرين

بعد ماتطلعين من الاربعين رجعي غرفتج.. داري على نفسج هذي الفترة

[المعآني]

هو لين يصير الجرح اوكيه مافي وقت محدد يختلف من وحدة للثانية بس بشكل عام فترة الأربعين اعتبريها راحة تامة ولا تسوين أي مجهود واذا شفتي الدرج يتعبج لا تحاولين موول ونفس الشيء المشد اذا ما ارتحتي وحسيتي يضغط ع الجرح إجليه شوي

[ام السنافي]

الله يسلمكن ويبارك في حياتكن
الحمدالله الجرح بدي يلتئم وبعد ما اطلع من الاربعين بلبس مشد يكون قياسه عود بحيث ما يشد على الجرح عقب بتم اخذ الاصغر
اما الدرج بشوف الدكتوره شو بتقول خذيت معاها موعد بعد اسبوع لاني محتاجه حد يجاوب اسالتي بشكل طبي ومنها تشيك على الجرح
الله يرزق كل وحده تتمني تحمل ويسهل على كل حامل

[أم خالد44]

عليج براحه التامه ولاتشلين أشياء ثقيلة وحاسبي بعد من درج مب كل يوم تطلعين عليه بعدج توه مربيه عمليه ارتاحي خلي مشد لعقب الأربعين احسن علشان جرح

الحمدلله علي السلامه

[Lubna333]

نصيحتي لج اسالي دكتورتج كل وحده بتعطيج جواب يناسب حالتها .. ربي يسهل عليج

[ام السنافي]

عليج براحه التامه ولاتشلين أشياء ثقيلة وحاسبي بعد من درج مب كل يوم تطلعين عليه بعدج توه مربيه عمليه ارتاحي خلي مشد لعقب الأربعين احسن علشان جرح

الحمدلله علي السلامه

الله يسلمج حياتي
لا ما اطلع الدرج ممنوعه منه بس كان سوالي متي اقدر اطلع الدرج ؟
وبخصوص المشد بعد الاربعين اذا الله راد
مشكورات وربي يسهل عليج حياتي

- - - Updated - - -

نصيحتي لج اسالي دكتورتج كل وحده بتعطيج جواب يناسب حالتها .. ربي يسهل عليج

ان شاء الله انتظر الموعد وان شاء الله خير

[ام طحنوون]

لشعور بالحراره فوق منطقه الجرحه شي طبيعي؟؟

هي طبيعي .. وكل ماتحركتي ومشيتي شوي تحسين يخف هالاحساس ..

ومتي يروح الم الجراحه وهو احساس كان شي شاد على بطنج ؟؟

انا حسيت من كملت اسبوع التأم الجرح تقريبا والالم نوعا ما خف .. بس طبعا يتم بطنج شاد وحركتج مش انسيابية .. مع الحركة والمشي الخفيف يبدا جسمج يستوي مرن وفي نفس الوقت يساعد على التآم الجرح اسبوع بعد اسبوع .. وحاولي ماتبذلين اي مجهود فالاسابيع الاولى عشان ماينفتح الجرح وتصير مشكلة اكبر .. جدا مهم تهتمين بالجرح الفترة الاولى ..

متي اقدر البس الشد بعد العمليه؟؟

تبين الصدق انا مووول ماتخيلت نفسي ألبس مشد على العملية .. لانه اصلا شعور مب مريح خلال فترة الاربعين .. وتميت خايفة لفترة شهرين ونص على الاقل اني اشد على بطني بأي شي .. انتي خلي عندج المشد وشوفي متى تحسين انج مرتاحة تلبسينه ..

انا دكتورتي ابد مانصحتني بالمشد .. والرضاعه الطبيعية شفطت الكرشة كلها .. وتم شوي ترهل خفيف هذا يبغيله رياضة مش مشد ..

وبالنسبه لطلعت الدرج متي اقدر اطلع لاني غرفتي فوق وانا حاليا تحت ؟

عموما من تربين بقيصرية راح اتمين 4 او 3 ايام بالمستشفى .. عقبها عادي من توصلين البيت اطلعي غرفتج على طول بس اصعدي شوي شوي .. وخلج دايما فوق لاتنزلين وتطلعين من الدري

[ام السنافي]

ام طحنون
مشكوره حياتي على الاجابات وحزاج الله خير