استفزاز ريلي

[مشكلتي]

السلام عليكم حبيباتي ابا اطرح عليكم مشكلتي مع ريلي و ابا رايكم و شو اسوي بالظبط
انا وريلي اتضاربنا البارحة بسبة اني حامل و مب قادرة للعلاقة بالطريقة اللي هو يباها يعني اكون انا فوق اسمحولي عالشرح و تعرفون الوحدة تكون ثقيلة فالحمل و انا فالخامس و اصلا الوحام سخيف شوي
و طبعا زعل و قلب ويهه يعني يا نسوي مثل ما تبا يا تقلب ويهك؟؟ طبعا رقد و انا تميت لين ما رقدت ولدي عمره سنتين و عقب رقدت الصبح قمت عادي و قلتله صباح الخير طبعا طنشني شوي و قلتله حبيبي شو فيك قاللي انتي تحسي فيني شي قلتله هيه قاللي اسلوبج مب شي و كله من متنج يالدبه يالدرام كسوووووله و ماتبا تسوي شي طبعا انا انصدمت انا دبه؟؟؟ انزين انا حامل صح اني مب ضعيفة بس مب دبة عاد و بعدين انا ما عندي شغالة يعني كل شغل البيت فوق راسي و من يرجع من الدوام يتسدح جدام التلفزيون و يتم يطلب طلبات لين ما يرقد يعني جني عني ولدين مب ولد و ريل و هو يبا الجماع انه ما يبذل فيه مجهود و اصلا هالطريقة مب زينه فالحمل و طبعا طول اليوم يتساخف علي و يقل ادبه طنشت لين اخر شي قاللي قومي يالدبه يالكسولة مسكي ولدج أبا ارقد العصر شوي قلتله انا مب دبه و اذا انت شايفني دبه انا حامل و في ثاني بيبي لكن انا كرشك هذا من شو؟؟؟ و خليته وًرحت طبعا ما كنت معصبه كنت عادي و كل ما يمر يعق بالكلام يالمهملة و كله كلام والله غلط بس يبا يعصبني و انا مطنشه و طبعا كلم امه و حسسها ان في شي صاير بيننا من طريقة كلامه مادري ليش يسوي جي الحين شو اسوي تعبت من أسلوبه السخيف محسسني متزوجة براد بيت يكفي مرتين زخيتك تكلم وحدة متزوجة و سامحته و طبعا مقصر فالبيت و فمصروفي و حتى لبس شتوي حق ولدي انا يبت من بيزات كانت عندي يبتله 3 لبسات من بيبي شوب كان مسوي تخفيضات ولا عطاني البيزات و مطنش بس الولد مرض من البرد و لبس العام خلاص ما يصلح
افكر أسير بيت اهلي عشان يتأدب و ارجع اقول خليني قاعدة في بيتي احسن شو اسوي عشان يتحسن أسلوبه وياي صدق لسانه فظييييع ما يسب بس يعق كلام

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صدقة

[تفاحتي]

عاااااااااااااااااااااااااااادي طاف
طنشي هالفئه من الناس يذبحهم الرد البارد
قالج دبه اضحكي قالج مهمله
قولي يب خدامه
كسوله تعبانه هب راقده
يعني خلي ردج مؤدب وطنشي لا تحرقين اعصابج ابدا ابدا هو يبا يزعلج
بعض الرجاجيل مخهم فاضي يعني لا تصغرين مخج وتزعلين منه لان انتي تقولين هو طبعه جي
بس مو متغير وصار جي
الله يعينج ع البلوى اصبري اميد بتأجرين عليها

[ام طحنوون]

من كلامج واضح انه الالقاب"دبة و كسولة"
ما طلعها عليج لانه لانج مب قادرة ترضينه فالعلاقة الخاصة بينكم على هواه ..
اشوف هني مربط الفرس

حاولي تشبعينه وترضينه من هالناحية وبيشوفج غزاااال لو كنتي صدق دبة ..
هالشي عند الرياييل وايد مهم يعني يباج على هواه في هالشي وانتي سوي اللي يباه او بطريقة ثانية ترضيه ويستمتع فيها ..


وبخصوص الصرف قوليله ابا مصروف شهري للولد .. اول شهر اطلبي 500 وخذيه وياج يتشرا عشان يعرف كيف السوق غالي .. مرة بعد مرة اطلبي اكثر وقوليله شفت بعينك مايسدن البيزات والسوق غالي

لاتروحين روحج وتتشرين وتصرفين .. والله الرياييل اغلبهم مايقدرون كيف البيت يحتاج صرف وأكل ولبس
شليه وياج في كل مشوار لو قدرتي
وقوليله حبيبي اختار ع ذوقك لبس ولدنا بنشوف كيف تكشخه ههه .. وانتي قاصدة انه هو اللي يتشرا ويدفع


مشكلتكم بسيييييطة انا اشوفها بس يبالج شوي تفهم من صوبج عشان تقدرين تيبين راس ريلج ^^
شوفي البنات اللي برع كيف يقصون عالرياييل ويصرف عليها في كل شي .. مع انه مرات تكون خسفة ولا دبة
بس بطيب خاطر وجنه الله عامي عينه ويصرف مايقول اق ... فأنتي خلج ذكية والرياييل ييبهم بالكلمة الطيبة والمساحل ولاتعاندين

[جروح الزمن11]

الله يهدي النفوس

[love rak]

حبيتي سويله الي يبيه .. ويوم تقولين جكيتيه يرمسهم يمكن هو محتاج هالشي ..
ويوم يقولج دبة .. شوفيه وابتسمي أو قولي يزاك الله خير ابو فلان
بس كل بإبتسامة وضحك
مشاكل بسيطة عادية لا تكبرينها ...

[mouzan7mod]

أختي ريلج من فئة انا سخيف و بثقل عليج .. نصيحة لات ردين ولا تتعبين نفسج إحقريه خليه يحترق ببرودة أعصابج .. الحقران يقطع المصران .. بخصوص دبة و متينة و كسولة ترى عاااااااادي انتي حامل ... و انتي اصلا ماترومين على العلاقة

[ريم العسووله]

أختي الغالية ... أتمنى من الله أن ييسر لك أمورك ...

عزيزتي ... الرجل لا يعلم ما تعانيه المرأة أثناء حملها فلا تلومي زوجك ...
و بالنسبة لكلامه الجارح أنسيه و كأنك لم تسمعيه ... و لكن أياك و محاولة أستفزاز زوجك حتى لا تحدث مشاكل أكثر أنتي في غنى عنها ...

و بالنسبة لوزنك راقبي وزنك جيدا حتى لو كنتي حامل ... فمراقبة الحامل لوزنها فترة الحمل امر جيد لها و بإمكانها تخفيفه بسهولة بعد الولادة ... و الشهور الوسطى من الحمل من الاشهر المثالية للتحكم بالوزن طوال فترة الحمل ... اسأل الله أن يسهل عليك ولادتك ...

أعطي زوجك حقه في الفراش قدر استطاعتك و لا تجهدي نفسك و لا تحمليها فوق طاقتها كي لا تضري نفسك و تضري طفلك ... و الكلام الطيب أفضل حل لزوجك بأن تعتذري له بلطف عن تقصيرك خلال فترة حملك و توعديه بأنك ستعوضينه الأفضل بعد الولادة و شوقيه لذلك ...


و لا تجعلي هذه المشكلة بوابة لفتح مشاكل سابقة ... انتبهي لهذا الامر ... و فكري بعقلك حبيبتي

مشكلتك معه حين تواصل مع امراة اخرى انتهت منذ زمن بمسامحتكي له فلما تفتحينها من جديد ؟

و مشكلة المصروف من الواضح انها مشكلة قديمة و انصحك بأن لا تشبكي المشكلتين معا و تعقدي على نفسك ...حلي كل مشكلة منفردة ... وفقك الله غاليتي ...

[احلى بعفويتي]

لا تروحين بيت امج ولا شي

لو قالج دبه قوليله اتحداك اني من بربي برجع لرشاقتي وعطيه تحدي
وفي نفس الوقت خلج مرنه معاه في المواضع العلاقه كل ريال يحب شكل
والوضعيه هاي يباله مرونه ما يخصه الحمل
بالعكس هالوضعيه ممتازه للحامل لانها تكون هيه الي تتحكم بالعلاقه
عادي انا اسوي هالحركه بالحمل و كانت المشيمة عندي نازله و عادي وحياتج ولا صار شي الحمدالله

انا اقول في العلاقه خلج معاه على الخط
خله شويه عقب غيري اذا هالشي بيسكته

[عالمي الوردي]

اختي اتوقع انج لازم ترضينه جنسيا سموحه على كلام
هو كان واضح معاج انه يبا هل شي
وثاني شي يوم رفضتي شُل ف خاطره وتم يضايقج لانه منقهر تبينه يلجأ للحرام؟!!
ممكن اذا كنتي تعبانه توعدينه مره يايه بتعوضينه باسلوب حلو
وبريء جي بيتقبل اكثر
اما انج تعاندين وطنشين انتي خساره مع ايام بيدور له بديل
عقبها بتخسرين وايد اشياء
واطلبي منه شغاله تساعدج او شغاله بساعات او حتى شغالة اهلج او اهل ريلج تساعدج
وصدقيني اذا ارضيتيه هو بيستوي كريم وياج

[almal3ka1]

خلج شرات العشيقه بالفراش و جوفي كيف بيتغير

ما يخصه حامل او لا



الريال معاه حق


الريال شرات البيبي اللي تلعبين معاه و يحب يلعب معاج بس لو فجاه شفتيه مهدي اللعب معناته في وحده 2 موجوده


حلاته بالحلال و لا بالحرام

والله اتمنى ريل جي

[غلآ نفسي]

صاحبه الموضوع قصدها يمكن يبا وضعيات معينه

وفالحمل مب كل وضعيه تقدرين اتسوينه

يعني لازم تقدير من الزوج ع الاقل هالفتره

[حبيبه سعيد]

مععقولة في رياييل جي ، فهميه قولي ياهل فالطريج وانا ابيه
ومب زينه هالوضعيه حق الحمل فهميه بهدووء ،

عجبتيني يوم قلتي انا دبه لاني حامل وانت كرشك هههههه
جي يبالهم الرياييل اللي جي ،
شكله ماعنده سالفه ريلج ويبا ينرفزج
انا اقول ريحي بالج وسوي طاف
طبعا بعد ما تفهميه واذا ما فهم سوي طاف

وفكره بيت اهلج هي اوكي انج تروحين وتريحين
بس عن ياخذها صرفه ويرجع لخياناته ..

[أم محمد1988]

عادي فهميه ان فيه وضعيات صعبه ع الحامل وأحيانا تعتبر خطيرة خصوصا اللي عندهم حالات متكررة للإسقاط ..

وانتي بدورج علشان ما يزعل تقدرين تمشين الموضوع وتسوين اللي يبغيه منج عالخفيف ..

وبخصوص ألفاظه قوليله كاش بصراحه تزعلني لما تقولي هالألفاظ أنا زوجتك المفروض أسمع منك كلام طيب

واذا كانت حالته الماديه صعبه اصبري شو بتسوين وارضي باللي عندج ..

الله يسهل عليج ويسر لج أمورج