ليش الزوجة؟؟؟

[ربنا يوفقني]

هلا اخواتي
موضوع سريع وشائك
تلاحظون في كل مكان بس يتكلمون عن المراة لانها العاطفية وهي السكن وكل البيت والاطفال تحت امرها ومعاها اغلب الوقت
ولانها الزوجة هي المرونة في الحياة وتتماشى مع كل المحيط الي تعيش فيه وتتكيف بارادتها او غصبا عنها








انزين طالما ان المراة تعمل كل هذا واكثر غير الطبخ والنفخ وشغل البيت واحيانا خارج البيت
ليه ما نتكلم عن الرجل ؟؟!!!
اين هو

في الشيشة

او في غرفته على الواتس والانستجرام وغيره

او في العمل

او نائم


او يقبل اطفاله كلما مرو من امامه!!


او اين هو ؟؟؟!!!!





جاوبوني!!!!!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآ نفسي]

طبيعي هذا اختي

من زمااان والحرمه هي اللي تتكيف وتعيش بالجو والمكان سواء حبت هالشي او غصبن عنها

الرياييل طبعهم ما يتحملون

لو الريال جرب الولاده جان حرم ما ياب عيال

لو الريال يروح بيت اهل الحرمه كان ما تزوج

لو الريال عليه الطبخ والنفخ كل يوم جان ع طول حط فلوسه فالمطاعم يوميا

لو الريال عليه السهر ومجابل البيبي جان ياب مربيات

هذا كله مب قده الريال

فالريال حق وظيفته والحرمه حق بيتها

ومردها الحرمه هي اللي تقدم التنازلات التضحيات

في فئه من الرياييل قايمين بعيالهم وحريمهم وشغلهم وكل شي هذيل من النوادر

[روح سيفان]

الله يهدي الأزواج

[سحر الغموض]

يقولون الحرمه هي الي تعود الريال ع هالاشياء ،،اذا معودتنه يقوم بعياله وواجباته اتجاه بيته بتلقينه مب مقصر ..مرات الحرمه هي الي تسوي عمرها سوبر وومن وتشتغل بروحها بدون كلل أو ملل،،الحين السر !!كيييف نخليه يتعود يهتم ببيته وعياله !!كيف؟

[رسايل غلا]

اختي هذي هي الحياة بشكل عام
الزوجة خلقت بمقدرة على كل هذي الأشياء حتى الرياييل يستغربون كيف الحرمة تقدر ترد عالتيلفون وفي نفس الوقت مركزة في طبخة عالنار وتراقب ولدها...الخ
الزوج يجوف انه مهمته الأساسية في الحياة هي مصاريف البيت والعيال وبعض الاهتمام البسيط بأمور عياله عشان هالشي هو يهتم بالوظيفة, الأشياء الثانية اللي يسويها عادية جدا مثل جلوسه فالنوادي والقهاوي وشرب الشيشة...الخ
مثل ما انتي تروحين السوق تتشرين, تروحين الصالون, تظهرين ويا اهلج وربيعاتج ما بنقدر نحن نقول حق الريال ايلس في البيت او نمنعه من أي شي عشان نحسسه بالمسئولية, يمكن فيه ازواج مزودينها وما يهتمون بشي بس معروف انه كل واحد منهم عليه واجبات في حياته لازم يسويها.

الريال ما يقدر ابدا لو مهما حاول انه يسوي الأشياء اللي انتي تسوينها كـ حرمة, انتي مخلوقة جذي تتحملين وعندج قدرة كبيرة جدا ما يتصورها الريال في التحمل والصبر وإنجاز مهماتج بكل بساطة بدون تفكير
الانثى حنونة جدا وعاطفية جدا غريزتها هذي هي اللي تساعدها فالقيام بواجباتها, الريال عقله هو اللي يمشيه في كل الأحوال....يمكن ما اقدر اشرح هالنقطة بس اكيد بتفهميني.

شكرا عالموضوع الجميل

[صبصب]

نفس كلام الاخت رسايل غلا ما قصرت

[Lubna333]

انا معاج فهالموضوع لازم نبدا نحط الاضواء على مسؤولية الزوج وماندلعه خخخ ربي يوفقنا ويسهل علينا

[مغليك]

عشان جذا قالو الام لها 7 حقوق ..والجنه تحت قدمها..لانها تقوم بكل هالواجبات اللي ذكرتيها ..وسبحان الله الله عطى الحرمة قدرة تحمل اكثر عن الرجل كثل تحمل الم الولادة والحمل وتربية العيال وغيرها