احسن عني وعنك!

[اشراقة أمل]

السلام عليكم ورحمة الله وبركاته ..


كلمة كثير يقولونها .. احسن عني وعنك


سمعتها كثير من بعض البنات .... يعني مثلا وحده جات بيتنا عجبها قالت بيت فلانيه احسن عن بيتنا وبيتكم ...


مثلا وحده تبي تمدح وحده لك تقول لها فلانه احسن عني وعنك في هذا...



شو قصة احسن عني وعنك!


ليش مالكلام يكون في صلب الموضوع ! ...

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم محمد1988]

هههههه

فعلا هالجملة وااايد تنقال بين البنات خصوصا أثناء المقارنات

يمكن يقولونها علشان نعرف شقد الفرق اللي بينا وبين هالانسانه .. امممم مادري

[طيبة*قلب]

انا اقولها لما احد يستحقر الهنود اقول
هالهندي يشتريني ويشتري عشره زيك

[اشراقة أمل]

انا اقولها لما احد يستحقر الهنود اقول
هالهندي يشتريني ويشتري عشره زيك

ههه هلا اختي طيبه .. الله يهديك اختي الا شروة الهنود ...ماتبينها ...توقعين بعدين بمذمة العرب ...

المهم اخلاق الشاري سواء هندي او غيره ...سويتيها عاد قضيه...الهنود مثل كل البشر فيه الزين والشين ماهو احسن من البشر بشي! نهااااائي ...

في منهم نصابين ...وفي متعلمين... وفي عادي مثل كل الناس يعني في الشين والزين ...


واذا يشتري عشره .. عادي العشره عندهم جزمه .. كل ريل فيها ثنتين .. ياخذون حقهم منه!

وانتي بعد لا تقصرين نشني زين واعلى كعب استخدميه! الدفاع عن النفس فضيله!

عاد يشترينا بساهل!! ونحن نصفق له مايصير ... على الاقل خذوهم بصوت!


في عدال بيتنا مصلح هندي كل ماخربت ثلاجه او غساله نوديها له ... مايصلحها عدل عشان نردها له! نصاب ! وفي سيخي تعرفون كافر .. كانت امي تتعامل معه في تصليح كان من احسن مايكون .. واحترام وادب وهو سيخي! ومره واحد نفس الشي سيخي شاف امي تمشي الظهر ومافي سيارة وقفت لها لا عربي ولا مسلم راح وقف لها وصلها! للحين امي تذكره

الا البنغالي مال قصتي منافق وغرغر بس ! وضاحك على العقول الصغيره فقط ومابي اقول امثالي ... والحمدلله خبروني امبارحه انه لازق للحين في معهده ماسافر يمكن عقاب من رب العالمين .. ينتظر وحده جديده يزن على راسها مثل ذبانه المطلقه!

بس العرب طبعهم يقللون شان اي شي مب على هواهم واي انسان يفكر بعد خاصه يوم يزعل ...خاصه ان الهندي راتبه قليل والسبب انه صرف العمله هناك كبير يعني 500 درهم يمكن توصل الف وشي .. هو فقير عندنا بس غني في بلاده ....

رغم هذا عندهم فقر وقلة رعاية وفي ناس يوم تسافر بلدهم مرات ماتحب ترد لها خاصه بعض المناطق رغم ان علاجهم رائع ... وطبعا العرب يعتبرون اللون الابيض شعارهم .. فمااتصور بيعجبون باي شي خارج عن هذا اللون حتى منهم وفيهم يرفضون ... هذا شبه الهنود هذا سماره سمار هنود!!! عقليه!

استفادت الخليج من تجارة بينها وبين الهند ايام زمان ... فالهند تاريخ ... والهنود يشتغلون كل شي ماشاء الله ... بابا ماما كل شي ...

النصب واستغلال قلة عقل الانسان لو ذكاء مب اخلاق وماله جنسيه ...صح ماختلفنا شطاره وتجارة شطاره بس مب دوم ...

بس في هنود وبنغال مستثمرين ورجال اعمال على مستوى مثل اي حد من اي بلد ثانيه ولكن هم شاطرين في البرمجيات بما اني احب البرمجه .. هم احسن ناس فيها نوعا ما ...من كثر مايدرسون ويحفظون


بس الناس شبعت هنووود صرنا نتطلع للفلبين وذكاءهم! ملوا البلاد

هههههه

فعلا هالجملة وااايد تنقال بين البنات خصوصا أثناء المقارنات

يمكن يقولونها علشان نعرف شقد الفرق اللي بينا وبين هالانسانه .. امممم مادري

ههههه ... صح اختي مرات الواحد بحسن نيه يبي بين الفرق ....

ومرات يبي يغايظ ههههه .... او يطلع مافي قلبه !

بس امي تقول دوم مافي حد احسن من حد ....

[ورقة ناعمة]

احسن عني وعنك ,,, كلمات مثل كلمات الاغنية ,,,,

[غلآ نفسي]

مرات نتكلم عن الناس وبنكون ناسيين انه ممكن يكون احسن عنا عند رب العالمين

عن نفسي هالايام اقولها فقط ان ممكن هالانسان يكون احسن عنا عند رب العالمين

اما اقارن نفسي بوحده ثانيه لانه عندها بيت او او او

عمري ما سويتها ولله الحمد

اذا انتي قنوعه مستحيل تشوفين الناس شو عندهم وشو ما عندهم بتحسين عمرج ف احسن الحال

بالتوفيق

[عساك تبقى لي]

هلا أختي حياه..
أهم شي القناعه والرضا باللي عندك..
في ناس تحب تنهي الموضوع بهالجمله. .أحسها جمله تحطيميه. .ماترفع المعنويات. .في ناس ماتحب تمدح. .في ناس تحب تنشر طاقه سلبيه. .وأحس ها جمله مب مقبول عندي أحب أمدح أو أذم الشي بدون وضع مقارنات..
ومع الأخت غلا نفسي إذا فيه أحسن عند رب العالمين..

[M-Alshehhi]

ما أحب أقارن نفسي بحد لني واثقه من نفسي جداً ولا أحب حد يقولي هالكلمه ويقلل من شأني ولا أحب حد يتشمت بحد مثلا وحده تقول شوفي هالبنت كيف لابسة شيلتها طايحه وشعرها كله برع أقولها يمكن عند ربي أحسن مني ومنك يمكن محافظة على كل صلواتها يمكن باره بوالديها يمكن تقرا القرآن يومياً في هالموقف فقط اقول هالكلمة ولا عشان بيت او لبس او شنطة مااقارن نفسي بحد ولا اسمح لحد يقولي هالكلمة عشان شي مادي

[غرووب 22]

سبحان الله وبحمده سبحان الله العظيم

[احلى بعفويتي]

اتوقع مو القد التقليل من الشان بس ها من العاده بين الناس .. يعني شده المدح يكون

انا ما استخدمها لان تبين قله الثقه بالنفس ولا قله الثقه برب العباد
يمكن الله عطاه بيت واملاك وعطاني شي يساوي هالاملاك وانا موب حاسه

[Hend magdy]

ههههههههه فعلا فى ناس تحب المقارنه بين الاشخاص او بال عندك وعندى بس اعزرينى انا ما احب هذا الشىء بالمره احب كل كل واحده لا يحاول يقارن حاله بحال غيره ولا ينظر لاتنين ويقارن بنهم ،، اولا انا الله سبحانه وتعالى قال الكل متساويين كاسنان المشط ويقصد بها ان كل الشر زى بعض ولكن ف شىء موجود عندك بزياده مش موجود عندى والعكس ،،،
اب اعرفكم بنفسى انا ام فارس مصريه جديه ف الامارات و صديقه جديده ف المنتدى ولا اعمل ولكن اقيم مع زوجى وعندى ابن واحد

[تفاحتي]

لا
مو حلوه كلمه عني وعنج




الا لو الانسان اللي جدامي متدين ومحترم واخلاق وراقي وماعند قيل وقال وكل شي فيه طيب
لا والله احسن عني الف بعد



الله يقدرنا ونصير احسن واحسن



بس عيب اقول حق حد هالكلام حتى لو صدق

[Lubna333]

احس لانها معبره لا اكثر ولا اقل

تسلمين

[بنت زآآآيد]

بسم الله الرحمن الرحيم

السلام عليكم ورحمة الله وبركاته

أستغفر الله العظيم كلنا أبناء أبونا آدم وأمنا حواء ليش

هالتفرقه والتفاخر والتكبر نسأل الله العظيم أن يهدي ويصلح

الجميع لما يحبه ويرضاه والسلام عليكم ورحمة الله وبركاته

[الوردة الجورية]

وعليكم السلام و الرحمة

أحسن عني و عنك دايماً أقرنها ب "يمكن" و تكون في حال دفاعي عن اي شخص ينسب او ينتقص جدامي حتى لو ما اعرف الشخص

"يمكن أحسن مني و منك"
" يمكن أحسن مني و منج"

لأن احنا مانعلم الغيب و لا نوايا الناس و لا اللي في القلوب، و احب التمس الاعذار لكل من ينسب او ينذم جدامي.. لكن انا بعد انسانة و ما انكر اني ممكن اسب حد عشان فعل سيء ارتكبه

نحن بشر و رب العالمين قال: ﴿يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)﴾ الحجرات