الاسهال

[Asscia]

السلام عليكم ورحمة الله وبركاته

هلا خواتي انا ولدي صار له شهر كامل فيه اسهال اي شي يدخل بطنه ع طول يطلع حتى لو ماي وصار ماياكل بعدين وقف الاسهال ورد ياكل بس اسبوعين ورد الاسهال مره ثانيه وأخص عن قبل يسرب وااايد مع انه مرات يكون بس شارب شوي حليب ع طول ينزله ويكون ششوي وخفييف نفس الماي بس كيف يسرب مادري

حرارته مب مرتفعة ويلعب وعادي ماكانه فيه شي الحمدلله بس فيه تسلخات و ماياكل وانا تعبت من كثر التغيير ��

عمره سنه و3 شهور عطوني ححل الله يخليكم !!! غير الروب والبطاطس لاني جربت وماشي فايده ع طووول ينزله مثل الماي

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم محمد1988]

انزين أختي يمكن من الحليب !!!!

حاولي تغيرين الحليب ل نوع ثاني وان شاء الله بيروح عنه الإسهال

[غلآ نفسي]

عطيه موز .. مع اني ماحبه خخخخ بس وايد زين حق الاسهال

ووديه المستشفى اكيد في مشكله

يمكن عنده حساسيه من اللاكتوز ( والحليب اللي يشربه فيه لاكتوز )

بنتي كان فيها حساسيه من اللاكتوز وكله فيها اسهال غيرت حليبها عطيتها حليب خالي من اللاكتوز نفس اليوم راح الاسهال

الله يحفظه

[الملكة ديهيا]

وديه دكتوور اختي

[Asscia]

كيف من الحليب؟ ؟ هو يشرب نفس الحليب من عمر 7 شهور وكل شي اوك معقوله بيأثر الحين ؟؟ ولو فيه حساسيه من لاكتوز جان من اول بيتعب من الحليب صح ولا لا !!

[Asscia]

المره اللي طافت وديته وقالت لي عادي اذا هو مش تعبان

[Asscia]

كيف اعرف انه فيه حساسيه من لاكتوز شو الاعراض الثانيه غير الاسهال !

[Asscia]

عطيه موز .. مع اني ماحبه خخخخ بس وايد زين حق الاسهال

ووديه المستشفى اكيد في مشكله

يمكن عنده حساسيه من اللاكتوز ( والحليب اللي يشربه فيه لاكتوز )

بنتي كان فيها حساسيه من اللاكتوز وكله فيها اسهال غيرت حليبها عطيتها حليب خالي من اللاكتوز نفس اليوم راح الاسهال

الله يحفظه

عطيته موز ماشي فايده ع طوول ياكله مني وينزله مناك ��
شو الحليب اللي عطيتيه بنتج وراح الاسهال عنها ؟؟

[Asscia]

انزين كيف طريقة ماي العيش ؟؟ لازم افوره ؟؟ واحط ملح ولا لا

[أهلي عزوتي]

اختي ولدج فيه كبد

روحي عند حرمة خلينا تمسحه عن الكبد و على طول بيوقف الإسهال

عن تجربة

[سماءالأفق]

أنا ولدي صار عنده إسهال3 أيام وأنا أعطيه أطعمه تعالج الإسهال ..وللأسف كان عنده إمساك متصلب فصار كل الماي والسوائل تخرج بنفس الشكل ..والتشخيص الحقيقي كان إمساك مو إسهال ..راجعي الطبيبه مرة أخري.تشخص زين .لأن الطبيب بالمرة الأولي لولدي عطاه مطهر معوي فقط.وعليك بالتمر مفيد مطهر ويظبط المعده والقولون.

[مالتيزرس]

حبيبتي هذا شكله فايروس ..وديه لدكتور ثاني حرام بيصيبه جفاف ع الأقل بيعطيه شي سائل يعوضه عن الماى ..


وانتي الحين فوري عيش بملح وخذي الماي اللي فورتي به العيش واسقيه اياه عقب ماتبردينه طبعا ..
سوي له عصير ليمون وحطي وياه طشونه شكر ..

وسيري الجمعيه باسرع وقت واشتري له حليب ضد الاسهال اسمه نوفلاك لحالات الاسهال

[Asscia]

مشكورين اللي ردوا

الاخت اللي قالت فيه كبد !! ع اي اساس قلتي كبد ؟ شو الاعراض !

[غلآ نفسي]

عطيته موز ماشي فايده ع طوول ياكله مني وينزله مناك ��
شو الحليب اللي عطيتيه بنتج وراح الاسهال عنها ؟؟

نان خالي من اللاكتوز .. بس تاكدي من الدكتوره بياخذون عينه من البراز وبيشوفون وبيقولون لج اذا عنده حساسيه من اللاكتوز والا لا وعقب خذي حليب خالي من اللاكتوز

في وايد انواع انا كنت استخدم نان خالي من اللاكتوز

[غلآ نفسي]

كيف من الحليب؟ ؟ هو يشرب نفس الحليب من عمر 7 شهور وكل شي اوك معقوله بيأثر الحين ؟؟ ولو فيه حساسيه من لاكتوز جان من اول بيتعب من الحليب صح ولا لا !!

هيه عادي ياثر حتى لو ياخذه من البدايه

ماشي اعراض لا حراره ولا شي بس اسهال وايييها طفح جلدي وبس