نبغي حل للموضوع

[ام سلطانو]

السلام عليكم جميع حبيت اناقش معكم موضوع وبتمنى الكل يتفاعل بدخل بالموضوع حريم هذا الموقع وزوجات المستقبل ليش ماتطالب الزوجات جميعاً بقانون من الحكومه انه يوقفون الزواج بزوجه ثانيه ياريت يطلع قرار انه ممنوع يتزوج اي زوج على حرمته الا يكون بموافقة الزوجه الاولى واذا الزوجه الاولى زوجها قرر يتزوج بحرمه ثانيه يخبرها واذا هي بتلاقي عندها مرض صعب تتعالج منه او انه ماتقدر تسعد زوجها والمشكلات كبيره بينهم تسمح له بالزواج واذا بتلاقي عمرها مش مقصره لاترضى وترفض وجدي بخف موضوع الطلاق بالمحكمه كم من زوجه اولى يوم عرفت زوجها تزوج غيرها اصرت انه يطلقها ومين يكون الضحيه العيال لعدم صبرها وكام من حرمه خيرت زوجها بينها وبين الحرمه الثانيه يطلقها يقوم يطلق الحرمه الثانيه حتى لو كان عنده عيال منها ومنو بعد يكون مظلوم في هذي السالفه بعد العيال وبعد الحرمه الثانيه تأكدي انها بنت ناس وماجت بعد بروحها على ريلج لو ماهو خطبها ويابها بيته مثل ماانتي ايتها الزوجه الاولى لم تأتي بيت زوجك الا بعد خطبته لج وزواجه منك وبكل هذي الحالات عم يكون في ظلم ان كان للزوجه الاولى او الزوجه الثانيه او العيال لاتضعون اللوم دايماً على الزوجه الثانيه لو مازوجج تزوجها بكامل ارادته ماكان شاركتج بريلج لازم حد لهذا الموضوع ويكون قرار من الحكومه ينزلون بند في المحكمه بمنع الزواج من الثانيه لاختصار الظلم واذا وحده تزوج ريلها غيرها لاتجبرينه يطلق الحرمه الثانيه او تخيرنه بينك وبينها لان الزوجه الاولى هي لها مكانتها في بيتها وزوجها وهي الاصل وهي ام عياله اذا خيرتيه بينك وبينها صدقيني واطلقت علشانج تكوني ساهمتي بخربان بيت وظلمتي وحرمتي اولاد من حنان ابوهم اذا عنده عيال منها والظلم مايجوز وماكل ريال يقول الشرع حلل اربعه اول اسأل عمرك انت قد هالخطوه هل راح تكون عادل هل راح ماتظلم اي طرف هل في تقصير من زوجتك لحتى تبغي تتزوج غيرها وتشعل نار الغيره فيها وتكسر خاطرها لاتمسك كلمة ان الشرع حلل اربعه ويقولون الرسول اتزوج طيب الرسول عليه الصلاة والسلام ماكان زوجاته يمانعو ان الرسول يتزوج ولا يطلق حرمه ولاتجبر رسولنا انه يطلق غيرها وزمانه غير زمنا ولا حد من الرييايل يشبه حبيبنا ورسول الله لانه لايظلم ويتقي الله في زوجاته واذا وحده تقول الشرع حلل اربعه للريال طيب دامه حلل اوبعه وتعروفون بالشرع ليش ماتتقبلون يوم الريال يتزوج مباشرة تسيري تطلقي او تجبريه يطلق حرمته الثانيه لازم حل جزري للموضوع عشان يخف موضوع الطلاق ارجو التفاعل بالموضوع

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تفاحتي]

حبي جيبي شي عقلاني
الله خلق غريزه ف الريال حب الحريم والتغييير
قولي نبا حل ان الرجل يصارح حرمته قبل يعرس عليها واذا رفضت او وافقت شي راجع لها


اما انج تمنعين خلق الله يعرسون هذا مو الدين
الديني قال خذ مثنى وثلاث وربعاااع



هذي غريزه كيف تبينا نمسحها وبعدين ربج حلله عشان لا يروح للحرام

والحرمه العاقل هي اللي تربي عيالها مو تتطلق ودور حياتها لان الام تبقىام
يا ريت تدورين حل ف ان الحريم يقللون من فكره الطلاق جي بيقل مستوىضياع مستقبل العيال

[ام سلطانو]

حبيبتي تفاحه نحني نبي حل لذا الموضوع ان كان الحرمه تخفف من الطلاق او انه لاتجبر زوجها على طلاق حرمته الثانيه لان بعد هي ماذنبها نبغي الكل يتفاعل بالموضوع بنات حريم هذا الموقع انا دخلت المحاكم ماتصدقون كم قضايا الطلاق كل يوم و70بالمئة عشان زواج الزوج بحرمه ثانيه لازم الطلاق يخف لازم خربان البيت يقل لازم الظلم اللي عم يوقع على العيال والضياع وحرمانهم من حنان ابوهم او امهم يقل شو تستفيد الحرمه يوم تطلب الطلاق علشان تكسبين كرامتج كرامتج ببيتج ومع زوجج وبعيالج وبصبرج واحتساب الاجر من رب العالمين

[طيبة*قلب]

يتزوج 2/3/4
ولا انه من فندق لفندق ويجيب لزوجته وعياله امراض عشان تخلف بعض الحريم

[ام سلطانو]

يتزوج 2/3/4
ولا انه من فندق لفندق ويجيب لزوجته وعياله امراض عشان تخلف بعض الحريم

[ام سلطانو]

يتزوج 2/3/4
ولا انه من فندق لفندق ويجيب لزوجته وعياله امراض عشان تخلف بعض الحريم

صح لسانج ليش توافقين يسير من فندق لفندق وتوافقون الحرام وتوافقون الامراض تجيكم وماتوافقون الحلال

[سحر الغموض]

ما ينفع ..لانه مافي زوجه اولى ترضى يتزوج عليها ريلها !! ،،تخيلي واحد يريد ياخذ زوجه ثانيه وزوجته مب راضيه في احتمال يلجأ للحرام غصبن عنه..

كل ما شرعه الله هو لمصلحه الناس ،،لو كل واحد حط قانون من راسه راح تستوي فوضه ..فالافضل الالتزام بالشرع

[ام سلطانو]

ما ينفع ..لانه مافي زوجه اولى ترضى يتزوج عليها ريلها !! ،،تخيلي واحد يريد ياخذ زوجه ثانيه وزوجته مب راضيه في احتمال يلجأ للحرام غصبن عنه..

كل ما شرعه الله هو لمصلحه الناس ،،لو كل واحد حط قانون من راسه راح تستوي فوضه ..فالافضل الالتزام بالشرع

لكن اذا التزم بالشرع وتزوج من خلفها ودرت انه اتزوج تقوم الدنيه فوق راسه وتتطلب الطلاق وتخرب بيتها او تجبره يطلق الثانيه صح كلامي ولانا غلطانه انا منزله الموضوع عشان المناقشه وعشان التخفيف من موضوع الطلاق

[تفاحتي]

حبيبتي اذا انتي تبين تقللين من مستوى الطلاق القوانين كلها اللي ف بلادنا هي اللي مقويه الحرمه 




كلامج ضايع نحن مانقدر نقنع الحريم ان تتطلق او ما تتطلق هي ادرى بعمرها كلامنا لا بيودي ولا بيجيب

مع ان ف حريم صدق يستاهل الزوج يتزوج عليها ليش ان شا الله يقعد مع وحده مش مسؤله لا ع بيت ولا عيال غير فالحه ادور وناستها
لا حشى خله يعرس ويعرس وجان تبا تتطلق برايها بس خساره فيها النفقه

[غلآ نفسي]

شرع الله لا نقاش فيه

نحن مش هنود عشان الا يطلب اذن من زوجته عشان يتزوج

هو بيتزوج يعني بيتزوج اليوم والا باجر .. يا الحرمه تطلب منه الطلاق او تصبر او تطلب طلاق الثانيه وطبعا طلب طلاق الثانيه هي محاسبه عليه لان مب من حقها


غير جذي الموضوع غير قابل للنقاش دامه شي يخص فالدين لا دوله ولا عالم يقدرون يحطون قوانين في شرع الله

بالتوفيق

[[..دانــة..]]

متابعة للموضوع،
ما عندي تعليق الصراحة بس فاهمة وجهة نظرج وفيها حكمة من وراها
وبعد فاهمة نقطة الشرع اللي رفعوها البنات
.
.
.
بس أعتقد أن يُشترط موافقة الزوجة الأولى وهالشي فالقانون بس غير مطبق
ياليت اللي دارسه قانون أو لها خبرة تفيدنا

[رباب حمدان]

هالرياييل مالهم حل من الاساس

[ثريا 2014]

اختي العزيزة انتي موضوعج موضوع نقاش في الشرع والدين وهالشي مايجوز
لا يجوز النقاش فيما شرعه الله و حلله
والله سبحانه وتعالي هو الي خلقنا وهو ادرى بينا و بالي ينفعنا
فيه حكمة حصن الزوج من الحرام و تقليل العنوسة و و و و

انتي وكانج ييتي وقلتي بنات نحن مانبا نصلي خمس صلوات لانه دوام و و و نبي نصلي بس صبح وعشاء

هذه مثال على كلامج يمكن بهالطريقة تفهمي موضوعج

اذا الصلاة من اركان الاسلام فالزواج نصف الدين

وبخصوص ياخد رأيها مش لازم لانه الرسول عليه الصلاة والسلام ماستشار زوجاته في امر الزواج بالثانية او الثالثة ،،،،،،،

وربي يوفقنا لما يحبه ويرضاه

[صبصب]

اختي العزيزة انتي موضوعج موضوع نقاش في الشرع والدين وهالشي مايجوز
لا يجوز النقاش فيما شرعه الله و حلله
والله سبحانه وتعالي هو الي خلقنا وهو ادرى بينا و بالي ينفعنا
فيه حكمة حصن الزوج من الحرام و تقليل العنوسة و و و و

انتي وكانج ييتي وقلتي بنات نحن مانبا نصلي خمس صلوات لانه دوام و و و نبي نصلي بس صبح وعشاء

هذه مثال على كلامج يمكن بهالطريقة تفهمي موضوعج

اذا الصلاة من اركان الاسلام فالزواج نصف الدين

وبخصوص ياخد رأيها مش لازم لانه الرسول عليه الصلاة والسلام ماستشار زوجاته في امر الزواج بالثانية او الثالثة ،،،،،،،

وربي يوفقنا لما يحبه ويرضاه

صح عليج

[طيبة*قلب]

الله لايحطنا بهالمواقف ،، لكن اذا الرجال بغا يتزوج بيتزوج ،، حتى لو القوانين تمنعه بيروح يعرس خارج الدوله وبيدخلها
في حريم اعرفهم اذا شافت انه زوجها يفكر تدورله على وحده مطلقه وتزوجه عشان يفضي شهوته مايتجنن وياخذ وحده صغيره

وارجع واقول ربي ماشرع شي الا لحكمه لاتجي وحده تتفلسف وربي ذكر بالقران فيما معناه ان لم تعدلوا فواحده ورجال الحين حتى لو عنده ملايين الدنيا مقصر مع اهله فكيف اذا عنده بيتين