تأديب العيااال

[غرووب 22]

سبحان الله وبحمده سبحان الله العظيم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Gya]

ضربيهم ضربيهم
اصلا عيال الحين مايييون غير بالضرب

[ملكة الاحاسيس]

مش كل اب ولا ام قادرين عالتربية وهالموضوع فعلا اثبت لي ولغيري انه التربية ماهي سهله مثل ما الاخرين متصورين

المفلسين في التربية يتوجهون للضرب لنه مايحتاج صبر ولا ضبط اعصاب ولايحتاج منك غير عصا او يد وتضرب !
لا وازيدكم ممكن الانسان يتهور ويتمادى بالضرب لن الطفل مابيدفع عن نفسه وممكن تضرب لنك مضغوووط ومقهور من غيرك وممكن تضرب بعنف وقسوة وتشرخ علاقتك بعيالك فلذة كبدك عشان شي مايستاهل كوب انكسر ولا شي ضاع!

الضرب وسيلة المفلسين تربويا واخلاقيا

واقول هالكلام لنفسي دوما حتى اضبط اموري مع عيالي
التربية بالتوجيه وليست بالضرب
التربية ان تكون انت قدوة لعيالك


مافي اي قدوة لما اضرب غير اني اتعامل بوحشيه وقسوة وممكن اتعامل مع عيالي غيرب بكل حناااان وعيالي محرومين من حناني

[yummy mommy]

الصبر والتأديب بالمعقول بغير أي ضرر .. والرفق والحنية مطلوبين .. وارجع اقول الصبر ثم الصبر ثم .. أيضا الصبر

[uae72]

السلام عليكم ورحمة الله وبركاته

عيبني الموضوع وايد

وحبيت اشارك فيه .......اللهم بارك عندي ولد توه مكمل سنتين بس الله يهديه عصبي بزياده ولما اقعد وياه اكلمه عشان يفهم الصح من الغلط طبعا ولا كاني ارمس احد
كنت اضرب وعقب صرة اعاقبه بالحبس بالغرفه بروحه ها العقاب ياب نتيجه بسيطه
الولد عنيد وعصبي شوفي ها الموقف يالس يلعب مع ابوه وفجاه تفل على ابوه ابوه قاله خلاص ماشي لعب وزعل منه سرت انا ارمسه عشان لايعيد الحركه قام من عندي وسار عند ابوه وايتفل له مرتين ورا بعض
هنا شو اسوي فيه كل حركاته على ها الاسلوب اتكلمينه بالزين ايعاند وبالعصبيه ايعاند
بشو تنصحوني وجزاكم الله خيرا

[mrs.abk]

ما أقدر أضرب بنتي ضرب يأذيها .. حدها امسكها من ايدها واقعدها بقوة .. أو اضرب على اطراف اصابعها اذا السلوك وااااااايد سيء .. بس غيره لا .. عندي مشكلة انها غار من اختها اللي عمرها 8 شهور .. أحاول اقنعها باللا وعي ويوم تنام تكون في حضني أخذ عشر دقايق اقول لها في اذنها .. فلانة جميلة .. فلانة شاطرة .. فلانة تحب اختها .. فلانة تبوس اختها .. فلانة تهتم بأختها ..

أحس الاسلوب ياب نتيجة معاها الحمد لله ..

أهم شيء هي تشوف الاحترام في البيت وتعرف قوانين البيت وتتواصل بطريقة زينة مع الجميع

أنا ضد ضرب أي انسان .. لان الضرب فيه تعدي على الجسم الانساني .. أحس حالة حال الوشم والتقبيح اللي يسونه الناس .. حرام

بس يمكن في سن معين ولسبب معين أعطي حد كف .. لأن فيه سلوكيات تبالها حسم بهالطريقة .. احس يوم اشوف شيء يقهر وايد ان بخاطري اضرب اللي يسويه كف خخخخخخ

[الوردة الجورية]

وعليكم السلام و رحمة الله و بركاته

الأطفال أمانة من عند رب العالمين ولازم نحافظ عليهم و نرعاهم و نحسن اليهم..

يمكن مانستوعب هذا الكلام الا اذا فقدناهم


واذا بنشوف نهج دينا، اذا الصلاة وهي عماد الدين مانضرب الياهل عليها الا اذا كمّل عشر سنين


انا فقدت ابني و متندمة على كل صرخة صرختها عليه و على كل ضربة ضربته مع انه على الخفيف بس اكيد جرحت مشاعره


و حتى التهديد بالعقاب يفزع الطفل.. اذا الكبير غير جائز تفزيعه شرعاً فما بالج بطفل او طفلة؟؟!!!!

الله ما يحاسبهم و احنا نحاسبهم؟؟؟؟!!!!!!


لازم نوسع صدورنا لهم.. هم ورقة بيضة و الكبار يخطون عليها


اسلوب التهديد اذا كملوا عشر سنين ومب قبل هذا السن، والتهديد يكون بحرمانهم من الكماليات فقط مب الاساسيات او التهديد بالإيذاء الجسدي

[مالتيزرس]

السلام عليكم ورحمة الله وبركاته

عيبني الموضوع وايد

وحبيت اشارك فيه .......اللهم بارك عندي ولد توه مكمل سنتين بس الله يهديه عصبي بزياده ولما اقعد وياه اكلمه عشان يفهم الصح من الغلط طبعا ولا كاني ارمس احد
كنت اضرب وعقب صرة اعاقبه بالحبس بالغرفه بروحه ها العقاب ياب نتيجه بسيطه
الولد عنيد وعصبي شوفي ها الموقف يالس يلعب مع ابوه وفجاه تفل على ابوه ابوه قاله خلاص ماشي لعب وزعل منه سرت انا ارمسه عشان لايعيد الحركه قام من عندي وسار عند ابوه وايتفل له مرتين ورا بعض
هنا شو اسوي فيه كل حركاته على ها الاسلوب اتكلمينه بالزين ايعاند وبالعصبيه ايعاند
بشو تنصحوني وجزاكم الله خيرا

الله يبارك فيه وبحفظه ويهديه اختي ادعي له فصلاتج ان الله يهديه ويصبرج عليه ..
فهالموقف المفروض أبوه يكون حاسم وياه ومايسمح له بها الحركة اللي سواها من اول مرة .المفروض من اول كاتفل فويهه قام عنه وزعل منه ولايضحك فويهه ..وانتي لاتضحكين عليه بيني انج زعلانه وانه اللي سواه غلط وعقب نص ساعة او ساعة امسكي ويده وقوليله بابا هذا عيب وهالشي غلط نسويه هذا باباتك
انا كنت اتدرب فرياض اطفال وكانو عيال يشاغبون فالصف فالمدرسة شو تسوي تنزل راسها وتكون حاسمة ومانضحك نهائيا فهم من نظرتها خلاص يعرفون هالسلوكيات اللي يسوونها خطأ فيعدلون سلوكياتعم ..
وشي ثاني ممكن تشلين العابه وتحرمينخ لمدة يومين منها او شي يحبه

[الوردة الجورية]

السلام عليكم ورحمة الله وبركاته

عيبني الموضوع وايد

وحبيت اشارك فيه .......اللهم بارك عندي ولد توه مكمل سنتين بس الله يهديه عصبي بزياده ولما اقعد وياه اكلمه عشان يفهم الصح من الغلط طبعا ولا كاني ارمس احد
كنت اضرب وعقب صرة اعاقبه بالحبس بالغرفه بروحه ها العقاب ياب نتيجه بسيطه
الولد عنيد وعصبي شوفي ها الموقف يالس يلعب مع ابوه وفجاه تفل على ابوه ابوه قاله خلاص ماشي لعب وزعل منه سرت انا ارمسه عشان لايعيد الحركه قام من عندي وسار عند ابوه وايتفل له مرتين ورا بعض
هنا شو اسوي فيه كل حركاته على ها الاسلوب اتكلمينه بالزين ايعاند وبالعصبيه ايعاند
بشو تنصحوني وجزاكم الله خيرا

وعليكم السلام و الرحمة

سنتين وايد صغير توّه مفطوم!!

السن الصغيرة تطنشين الحركات السلبية كأنها ماصارت
الافعال و الاقوال الايجابية امدحي و بيني للطفل انج سعيدة و فخورة به

العصبية اكيد تعلمها من حد ثاني يشوفه عصبي.. كونوا قدوة في البيت.. وابعديه عن الناس السلبيين في تصرفاتهم خاصة اول خمس سنين من عمره الله يحفظه، وحتى الرسوم المتحركة تعلمهم على العند و العصبية و التدمير


احضنيه اكثر وحتى ابوه المفروض اول مايدخل البيت او اول مايشوفه يضمه.. بعدهم الصغار يعتمدون على التذوق و بعدين الحس الجسدي.. هو يبا يلفت انتباه ابوه.. و قوت شاف ابوه تصرف من الولد تفّل.. قام يعيدها لان هذي الحركة تخلي ابوه يتكلم معاه.. خله يتكلم مع ولده و يلاطفه قبل الولد مايستخدم اساليب غير مقبولة للفت الانتباه

[عساك تبقى لي]

حبيبتي الورده الجوريه..
وايد أعجبني كلامج. .لأن نفس شعوري بعد مافقدت ولدي والله اني ندمانه على كل يوم زعلته فيه ندمانه على كل يوم نام وهو شال فخاطره علي. .مع أن كان تأديب بسيط. .لعيال أمانه وأحلى شي بالدنيا ..الله يعينا على تربيتهم التربيه الصحيحه

[الوردة الجورية]

حبيبتي الورده الجوريه..
وايد أعجبني كلامج. .لأن نفس شعوري بعد مافقدت ولدي والله اني ندمانه على كل يوم زعلته فيه ندمانه على كل يوم نام وهو شال فخاطره علي. .مع أن كان تأديب بسيط. .لعيال أمانه وأحلى شي بالدنيا ..الله يعينا على تربيتهم التربيه الصحيحه

انا مع عيالي لازم قبل النوم و اول مايصحون على حضن و بوس.. قد ما اقدر ما اعصب عليهم بعد المغرب، مب زين

الله يعلم اني كنت ابا له الاحسن و اباه يطلع ريّال صالح و متعلم.. لكن مايعلم الغيب الا الله.. لو ادري ان عمره قصير حتى ماجبرته على روحة المدرسة الا اذا هو يبا ولا على حل الواجبات الا من خاطره.. بس الحمدلله وديته و كشته كل مكان يحلم به وماعقيته على الخدم والحمدلله على كل حال ومازلت ادعي له بالفرح و السعادة والسرور في حياة البرزخ والآخرة و اطلب من الله يجعل روحه حرّة.. كان يحب الناس و خاصة اليهال يقولي ماما لا توديني حديقة مافيها اطفال.. يحب يتداخل مع اليهال.. الحين حصّل يهال من ايام ابونا آدم و الحمدلله وايدين يحلمونه يعني الحمدلله روحه حرّة يزورهم


الاطفال يحتاجون تعليم و توجيه بدون عقاب لين عمر عشر سنين.. عقب يكون التأديب على حسب الغلط،، اذا غلط كبير مثل ترك الصلاة او عمل غير اخلاقي متعمدنه يتعاقب عليه بالضرب الغير مهين له و الغير مبرح.. واما الاشياء الثانية يكون التأديب بالحرمان من الكماليات

طبعاً اكبر غلط عقاب الاطفال فوق عمر العشر سنوات على شي مب منبهينهم عليه من قبل او محذرينهم منهم..

الله يبارك في عيالنا و يمد في اعمارهم على الصحة و الصلاح الخير و يصرف عنهم كل سوء و كل ذي سوء آمين

[عساك تبقى لي]

اللهم آمين. .أختي الجوريه. .
العيال أمانه. .الله يعينا ونربيهم التربيه الصالحه. .الله يرزقنا الصبر عليهم. . ماأحب أعصب منهم. .خاصه أن الله عطاني 4 أولاد هم كل عالمي. .كبيرهم لما راح حزنت على فراقه وكنت أتألم لما أذكر مواقف عصبت فيها عليه. .
أختي الورده الجوريه. .كيف يعني روحه تكون حره؟أنا ولدي أبد ما أحلم فيه بس كل اللي حواليه يحلمونه. .ومن فتره معلمته تتصل فيني تقولي أحمد يسلم عليج.وهو دايم يجيها فالمنام..وتقولي أحسه يوصيني عليج..ولله الحمد دايما تحلمه أحلام طيبه.

[الوردة الجورية]

اختي "عساك تبقى لي" بتواصل معاج خاص

[المنقوشة]

الطفل لازم ينضرب بس مب الضرب اللي يتاذى من وراه الضرب التاديبي عشان ايخاف وما ايسوي الغلط

[ميما بيوتي]

شوفي حبيبتي الخطأ يجر خطأ

التخويف بالضرب يوصل للضرب خذيها مني والسالفة مب هينه ممكن تزيد

لا تبدين شي بتندمين عليه عقب

ان كان التخويف والضرب يربي لكان الرسول عليه افضل الصلوات والتسليم سواها ووصه

والصحيح هو العكس هو وصانه بالصبر والرحمة على عيالنا

انتي الأم والأم هي منبع الأمن للعيال, كيف بيشوفوا فيج الامن اذا كنت سبب ألمهم وتعاستهم

التربية صبببببببببر ويمكن شيب للراس بس هو جي لازم تسوين الصح وتصبري

لا تسمعي كلام الحريم والناس والله انه وجججججججع قلب وضياع للعيال

اياج وتتورطي بهالسالفة يهدم بدل ما يبني ويصلح

انا حذرتني الوالدة الله يذكرها بالف خير, قالتلي ايااااااج وتمدي ايدج عالعيال او تخوفيهم

عاد انا سويت اللي علي وحذرت وربي يشهد علي