الرضاعة والدورة

**مالتيزرس** · 2015-12-19, 23:03

خواتي انا ولدت من 3 شهور واسبوع تقريبا ومن خلصت اربعين يومين والا الدورة نازلة ةغزيرة وللحين مانزلت المشكلة كل يوم احس فآلامها فبطني وظهري ماعرف شو السالفة انزين احيد الالم انذار انها راح تنزل بس هي ماتنزل ..
ويوم رحت الدكتورة قالت لي مافي شي اي مشكلة ..

منو ترضع ومانزلت لها الدورة وتحس بألمها

المزيد من آخر المواضيع من نفس القسم:

**المعآني** · 2015-12-20, 06:45

عادي ماعليج شر باذن الله الدورة تتأخر مع الرضاعة وفي ناس ماتييها لين تخلص رضاعة
انا تأخرت عقب ماربيت تيي كل شهرين ولا شهر ونص وشراتج أحس بالامها وما تيي

**~شوق~** · 2015-12-21, 00:23

عادي حبيبتي لا تخافين..
ماتنتظم دوره لين سنة تقريبا دام ترضعين هاذا لي اعرفه وعقب تنتظم ن إن شاء الله

ربي يحفظج

سبحان الله وبحمده سبحان الله العظيم

**ام طحنوون** · 2015-12-22, 12:23

وحليلج يا مالتيزرس احسج متلعوزه هههه

لاتوسوسين .. المعروف انه اللي ترضع تتأخر دورتها وهالشي طبيعي لانه مع الرضاعه يرتفع هرمون الحليب ويأخر الدورة ..

انا تميت 8 شهور من عقب الولادة بدون دورة .. او يمكن مرة نزلت لي وعلى خفيف .. وكنت اخذ حبوب منع الحمل "سيرازيت" ..
وآخر فترة كنت أحس بآلامها بس ماتنزل .. كان شعور مب مريح وراجعت دكتورتي ..
قالت طبيعي تتاخر بالرضاعه ... بس انا طلع عندي اصلا تكيسات من قبل وهي اللي مأخرة الدورة هالمرة

عالعموم قالت لي تكيساتج خفيفة و كيفج تبين تنظمينها بعطيج حبوب منع حمل تنظملج اياها بس تمنعين الرضاعه ..
كملت سنة ارضع ولدي وعقب وقفت الرضاعه و خذت الحبوب 3 شهور وانتظمت روحها بعدين

:

قلت قصة حياتي هههه بس للتوضيح وعشان ماتحاتين ^^

**مالتيزرس** · 2015-12-22, 16:19

المشاركة الأصلية كتبت بواسطة ام طحنوون

وحليلج يا مالتيزرس احسج متلعوزه هههه

لاتوسوسين .. المعروف انه اللي ترضع تتأخر دورتها وهالشي طبيعي لانه مع الرضاعه يرتفع هرمون الحليب ويأخر الدورة ..

انا تميت 8 شهور من عقب الولادة بدون دورة .. او يمكن مرة نزلت لي وعلى خفيف .. وكنت اخذ حبوب منع الحمل "سيرازيت" ..
وآخر فترة كنت أحس بآلامها بس ماتنزل .. كان شعور مب مريح وراجعت دكتورتي ..
قالت طبيعي تتاخر بالرضاعه ... بس انا طلع عندي اصلا تكيسات من قبل وهي اللي مأخرة الدورة هالمرة

عالعموم قالت لي تكيساتج خفيفة و كيفج تبين تنظمينها بعطيج حبوب منع حمل تنظملج اياها بس تمنعين الرضاعه ..
كملت سنة ارضع ولدي وعقب وقفت الرضاعه و خذت الحبوب 3 شهور وانتظمت روحها بعدين

:

قلت قصة حياتي هههه بس للتوضيح وعشان ماتحاتين ^^

طلع الشيب فراسي خخخ الحمدلله ..والله صدق شعور مب مريح تصدقي يعني كل مره احس الدورة بتنزل واحس فالم واقول شكلها راح تنزل وماتنزل ..
وسرت للدكتورة وقالت عندج دوالي داخلية 😔 لانه كان دم ينزل ع قطرات ومب دورة من الدوالي طلع ..وعقب قالت لي بحط لج لولب هرموني جان اقولها استريحي الشيخة مافيني اتعذب بلولب وخرابيط ..
صدق الدورة نعمه يعني يوم ماتنزل الجسم يكون متكسر وخمول مش طبيعي سبحان الله

**دانة ال** · 2015-12-23, 21:40

السلام عليكم شحالج ماللتيزرس
انا شراتج ييتني قبل مااكمل اربعين باسبوع وتمت فيني اسبوعين ومن بعدها ماشفتها شرفت تعطييني مواعيد ولا تيي خخخخ
شراتج تعورني واتعذذب وماتييي

**مالتيزرس** · 2015-12-24, 08:23

المشاركة الأصلية كتبت بواسطة دانة ال

السلام عليكم شحالج ماللتيزرس
انا شراتج ييتني قبل مااكمل اربعين باسبوع وتمت فيني اسبوعين ومن بعدها ماشفتها شرفت تعطييني مواعيد ولا تيي خخخخ
شراتج تعورني واتعذذب وماتييي

وعليكم السلام مرحبا غناتي ..
عاد اسبوعيين مش ممكن 😢😢

الله يعيننا ياوخيتي

**تفاحتي** · 2015-12-24, 08:37

شفي دام السالفه فيها رضاعه يعني كل جسمج ملخبط
عادي الالام نغزات في الصدر مغص ف الرحم كل شي يستوي

تتربى ف عزكم

**khakhou68** · 2015-12-24, 11:40

هلا اختي

اختي بالوالده الاولى حصل شراتج ، على الاربعين جت الدوره وبعد ثمانية اشهر ردت الدوره عادي

اللي ترضع تتاخر الدوره

**تفاحتي** · 2015-12-24, 12:08

طمنينااا

**مالتيزرس** · 2015-12-24, 23:25

الله يسلمج تفاحة مانزلت ببعدها 😂😂
الله كريم

**baby123** · 2015-12-28, 13:47

السلام عليكم

سبحاااان الله يا خةاتي كنت بفتح الموضوع نفسه ... توني خلصت الاربعين من يومين واستخدم حبوب الرضاعة بس البارحه نسيتها
فاليوم نزلت الدوردة فما ادري بسبت نسياني للحبه ولا هي تجي ولا تجي بتنزل الدوره

ما ادري

**Lady Reem** · 2015-12-28, 22:43

لوول انا ولدي بيكمل ٥ شهور و لسه

**ام طحنوون** · 2015-12-29, 10:25

Baby123

حتى مع الحبوب عادي ممكن تييج الدورة .. ما اعتقد عشان نسيتي حبة بتنزل لج ..
اما لو نسيتي اسبوع يمكن ..

**دانة ال** · 2016-01-08, 02:48

صباح الخير
عذبتني الم الدروة هاليومين وياليتها اتيي
والله صايرة اشك بعمري اني حامل هاي ثالث مرة ايب الجهاز وويطلع سالب الحمدالله ابا شي ينزلها يطني صايرة هالكبر جني حامل

الموضوع: الرضاعة والدورة

أدوات الموضوع

عرض