أنا الزوجه الثانيه

[اختكم فالله]

السلام عليكم خواتي فالبداية أنا متوقعه كلام جارح و ان ثلاث أرباعكم ضدي بس أبيكم تقرون و تقدرون محاولاتي.
فالبداية تبدا سالفتي ان اهلي يوزوني وانا عمري 17من الاهل شفت منه الويل تحملت خياناته واسلوبه واهماله من باب ان الحرمه تصبر وتستر ع ريلها ربيت بنتي بروحي وهو ولا مفتكر وصار الطلاق بعد سنه ونص بالضبط تزوج عقبي ثنتين وطلقهن مب هنيه السالفه اللي صار ان عقب ما طلقني صارت مواقف وصدف كثيرة جبرتني التقي بشخص وهالانسان يوم بعد يوم كان يتقرب لي اكثر ساعدني أكون نفسي خذت الليسن ,قدم لي أوراقي فالديوان وسعى لي ف اشيا وايد كملت دراسه و داومت بفضل الله ومن ثم هو ماكان شي من بينا غير محادثات لمدة سنتين عقبها صرنا نتكلم تعلقنا ببعض وااايد كنا نتشاور ف كل شي بالتفاصيل كلها هدايا امه وخواته انا اتنقاهن أثاث بيتهم وهو كان يعيبه كل شي اختاره حتى فالحياه نتشاور فكل شي تخرجنا من الجامعه نفس السنه ودوامي وسيارتي من اختياره يوم حس نفسه مستعد والوضع ممتاز قالي انا اباج واستأذني أن بيكلم أهله الدنيا ماوسعتني من الفرحه طبعا اهله من عرفو انه يبا مطلقه وعندها بنت قامت الدنيا ولا قعدت
وصار كلام وايد وتجريح اكثر من خواته وامه يوم حست انه ولدها متعلق ويباني سارت وخطبت وقالت خلاص نحن اتفقنا وانت مابتفشلنا عشنا أربع شهور مثل الأموات انا وهو حاول وحاولت ماشي فايده صلاه ودعاء واواقات استجابه ونترشى فلان وعلان ماشي فايده وانا اعرف الامهات لان اهلي نفس تفكير اهله سالفة بنت منو بطن وظهر ومستحيل مطلقه او ارمله واايد الموضوع يجرحني وكلمته وفهمته ان االلي سوته امه ممكن حتى امي تسويه وقعدت ايام اراضيه واخليه ينسى اللي سوته امه ومايزعل عليها ويحاول يقنعها بأساليب ثانيه بس ماشي فايده الأم كانت معنده واااااايد وان مهما كان هذيل اهله يلست شوي شوي اقنعه ان يمكن تكون خيره و ربنا ما بيظلمنا لو لنا نصيب بناخذه وصارت الملجه مايحتاي اقولكم اللي كنت احس به ما كان يريحني شي كثر قيام الليل والدعاء كنت اتريا الليل بس عشان افضفض لربي و المشكله ان يوم بعد يوم كان ينفر منها زياده و يتعلق بعلاقتنا اكثر ربي يشهد اني كنت اقوله اللي ما ارضى ل نفسي مابرضاه ع بنت الناس اللي مالها ذنب كنت اترشاه يزورها و يهديها واعلمه كيف يعاملها لين قرب العرس مارمت اتحمل غيرت ارقامي وانتقلت من دوامي بس عشان ينساني كنت اشوف سيارته ف فريجنا ولا عطيته فرصه وانا قلبي محروق ابيه , عقب عرسه بعشر شهور تقدم لي واحد وانا كنت دايما ارفض بس هالمره قلت بتزوج وبكمل حياتي وبنساه عقب ماسويت الفحص بيومين ياني اتصال من رقم غريب رديت طلع هو قالي لاتتزوجين ارفضيه انا ياي وبخطبج الثانيه و ربي اني مانسيته لحظه واعرف اني ما ابي غيره بس ما اقدر اتحمل اكثر حاولت اذكره ان اهله بيزعلون وان بنت الناس مالها ذنب قالي انتي مايخصج انا مابسوي حرام انا اباج بالحلال ولاني باخونها واهلي رضيتهم باللي اقدر عليه طبعا نفس اليوم كلمت ابويه قلت له ما ابي الريال وتعذرت اني صليت استخاره وما ارتحت له دخيلكم حسو بي تعبت صارلي 4 ايام وانا افكر مب هاينه علي بنت الناس نكسر قلبها وانا اعرف شكثر هو يحبني وخايفه من اهله لو دروا واعرف ان اهلي ما بيرضون به بروحه من دون اهله ....
والله اعرف ان اللي صار غلط بس ما اقدر شكثر خطبوني ناس احسن عنه بواااايد يعني مستقرين وقد الزواج الثاني اللي اضمن فيه راحتي و راحة بنتي ومناصب وهيبه بين الناس بس من اقارنهم فيه اختاره هو والمصيبه هو بعد ترا هو مب من الشخصيات اللي يغازل ويقول كلام حلو وهدايا لا ريال عادي وماخذ الدنيا سهالات و ع ويهه يعني مب انه لاعب علي بكلام حلو او شي جذيه بس هو دايما يقول المحبه من الله وانا معاج احس اني مرتاح ومستانس لو اتمين ساكته ولا تتكلمين ارتاح لج وحتى يوم تضاربيني ما اقدر ازعل عليج ...
ساعدوني شو اسوي اوافق واخذه غصبن عن اهلي واهله وينكسر خاطر حرمته وهي بعدها توها عروس ؟؟ ولا نتم جذيه ع حالنا متلتهين ...............

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دانه الكون]

دام يباج بالحلال خذيه

و الريال جاد

[thejay]

الصراحه ماعرف شو اقول
احط عمري مكانج واحس باللي تحسينه واحس خذيه
حرام تبتعدون عن بعض وانتوا تحبون بعض
شو الفايده كل واحد يتزوج وفي النهايه مب مرتاحيين ؟
وف النفس الوقت احط عمري ف مكان العروس احس مالها ذنب ..
اما بالنسبه للاهل احس مردهم بيرضون ، لكن لا تسويين شي يخليج تخسرينهم
خاصةً اهلج انتي ، فالنهايه محد بيدوم لج غيرهم .. حاولي تخلين اهلج يرضون


لكن صلي استخاره وجوفي شو بتحسين
والله يكتب لج اللي فيه الخير ..

[احلى عيمانيه]

و الله ها الرياييل ما منهم امان ما تعرفين شو تحت راسه وكيف تفكيره بس حرام بتظلمون مرته و بتدعي عليكم و بتخترب حياتكم و دعوة المظلوم مستجاب خليه ويا مرته و اتجاهلي مكالماته

[سمهورة]

الله يكون بعونك
عني ما انصحك تاخذينه لانه الحين متمسك فيكي لأنك غير مرغوبة من أهله
مثل الطفل حاله الحين يبغا لعبته
المشكلة لو أهله مو راضيين بتلقين كلام و افعال تسمك طول عمرك
وهو فجاءه راح يسمع و يفوق و يقول ايش وقعني ذي الوقعه
ويرد للبنت الاولى
يصير انكتب عليكي طلاقين لاسمح الله و وريني مين راح يرغب فيكي
الزواج بدايته غلط
اذا الأهل عزوتك ماهم موافقين ليش نرمين نفسك ذي الرميه
لو يوم سوا فيكي شي بتشتكين لمين لأهلك اللي رفضوه ولا أهله اللي راح يقولو ضحكت عليه
انا اعرف وحده اقسم بالله نفس حالتك
الحين حبيبها يعايرها بعلاقتهم لانها بالغصب عن أهله
لو أهله طلبوكي والكل موافق تمي
او لا اضغطي على قلبك وانسيه
الله يكتب لك الخير ويصرف عنك الشر

[غلآ نفسي]

ضحي فيه عشان خاطر العروسه وحليلها

بتحصلين اللي احسن منه

لو هو صدق يباج جان خذاج من الاول مب الحين

لا اهل ولا سبب ممكن كان يفصله عنج

مب متحمل انج ممكن تكونين لغيره

عشان جي يبا يحصل عليج باي طريقه

ما ادش فالنوايا انا

بس معروف ريال اذا ما حصل ع شي يتم وراه لين يحصله

بالتوفيق

[حلوة واموره]

خذيه لانج لو عرستي بغيره بتظلمين الريال.بيتم هو فبالج.ودامه ياج بالحلال معناتها جاد

[سماءالأفق]

اتركيه لله لأجل زوجته رحمة بمشاعرها ..ومن ترك شيئا لله عوضه الله خير منه. ربنا عنده الكثير ..غير المشاكل اللي ممكن تقابلينها بحياتك..(حينما نضع أنفسنا مكان الآخرين حينها يكون الأمر له حسابات أخري).

[دبي]

الحب الحقيقي إيي بعد الزواج مع العشره ، وموقفج صعب ، أنا أفضل الزواج المبني على العقل مب العواطف ، يعني ، اشكثر الشخصين يناسبون بعض ، في القرآن مكتوب وجعلنا ببنهم مودة ورحمه والزواج سكن وكثير من المعاني ،نستشف منها ان الحب يكون بين الزوجين بعد الزواج ،انا تزوجت زواج تقليدي ماأعرف زوجي لكن حبيته وإذا صارت بينا مشاكل وفكرت انفصل عنه ، أحس اني بموت والدنيا مالها طعم بدونه ، ودموعي ماتوقف ، استخيري مرة ومرتين وثلاث ، وفكري لو كنتي متزوجه ترضين زوجج يكلم وحده ثانيه أو يتزوج عليج ، هل ترضين تعيشين مع زوج أهله مايحبونج ولا يبغونج وبعدين شو بيكون مصير عيالج مب حلوة أهل ابوهم يكونون بعيدين عنهم إذا ماطاحت الحواجز امبينكم ، أخيرا حبيبتي انت أدرى بمصلحتج أتمنالج التوفيق في الاختيار

[ميميه88]

حرصا على الخصوصيه يوجد قسم مخصص للمشاكل
http://forum.uaewomen.net/showthread...84%D8%AA%D9%8A

يغلق