تعقيب1/ماريد الطلاق أريد حلول

[مشكلتي]

http://forum.uaewomen.net/showthread...84%D9%88%D9%84

خواتي أولا مشكورات في بعض الخوات يعتقدون أنه أنا صغيره في العمر لا أنا في منتصف الثلاثينات وغير عن جي الحمدالله عندي الثقافه الجنسيه وكل شيء بس ريلي مايتقبلها مني حتى لو طلبته شيء معين عشان وناسته هو يقول لا مايستوي ونحن كبار طبعا انا كنت شايفه ها الحركه كاتبهة عند ربيعته في واتس وعشان تكونون في الصوره ترى كل محادثاته في واتس توصلني ..والحمدالله أنا حلوه ومب متيننه وأتعدل وكل شيء وأسويله أجواء في بيت بس مايعبر طول اليوم بدوام ولاخلص قعد في حجرته وللعلم الحجره من يدخلها يقفلها ومن يطلع يقفلها وممنوع منعا باتا أني أدخلها حتى الخدامه ماتنظف الى وهو قاعد ...وبخصوص عشيقته عرفت ريلها وفكرة اطرش له مسج بس خفت على ريلي وندخل بسالفه وخاصة انه ريلها له مكانته في البلاد واصل اخاف يسوي فيه شيء والموضوع داخل فيه شرف
.انا اعرف علاقتي بزوجي ممكن تتحسن في حالة خروجها من حياتنا بس أريد منكم تساعدوني كيف ابعدهم عن بعض

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[الموهبة]

لا طرشي مسج لريلها بتفتحى باب ما بتقفل
انزعي فكرة الغرفه كانها مو في البيت
انسي ريلج يكلم غيرج فكري فيه وابحثي عن طرق الاغراء لزوجج
موضوعج السابق علقت فيه
ابحثي بنفسج شو الي ناقص فيج لا تسخدمي معاه في الكلام الخشونه استخدمى كل انوثتج معاه
الانوثه هى سر سعادتكم
افكارج مشتته لانه تراقبي ريلج واتساب لو كنت مكانج ما راقبت المسجات
جربي اسبوع لا تراقبي الواتساب ولا تفكري في الغرفه الخاصه ولا تفكري في الحرمه
واستخدمى كل انوثتج معاه هو الريال في البيت والكلمه الطيبه تصنع الاجواء الجميله

[Ward-uae]

أصادف رياييل ما مخلصين مدرسه و حريمهم جامعيات لكن اول مره أصادف العكس
اختي انتي طول فترة سفره كنتي تفكري فيه؟
ما خطر في بالج تكملين دراسه لو على الاقل شهاده دبلوم
بصراحه انتي تقرين وتثقفين ولا تهتمين بسوالف الجمال وكيف تسعديه؟
بغض النظر عن علاقته مع وحده لاني الشي صعب أتخيّله حرمه عندها عيال واكيد عندها خدم وجيران وريال غريب دخله بيتها وتخون ريلها هذي اعراض وما بتكلم
اما من ناحيتج ومن طريقة كتابتج للموضوع وبصراحة حسيتج وحده صغيره حاولي تثقفين وتقرين تملين وقتج بالعلم وتعلمي الاسلوب وشوفي ميول ريلج شو يحب مب لازم هو يقول انتي بتلاحظين مثلا يحب الصحه سولفي عن الأكل الصحي والتغذية وانتي بعد حاولي انه اذا مثلا وزنج زايد تهتمين وتخفين
سوالف الجنس والعلاقة توج اول السنين ويفضل الريال هو اللي يبادر وهو مادام مثقف يعني عنده ثقافه مب محتاي احد ينبهه انتي خلج حياويه وفرفوشه لا تقعدين تراقبيه عرفي مفتاح قلبه بتكسبيه

[love rak]

اختي موضوع الغرفة لازم تسوين مشكلة اي شي عشان الباب ما ينقفل
ليش ساكته الريال ما يحب الحرمة الي نفس شخصيتج
خليج قوية وقوليله انت ملكي وما احب اكون كل حد بصوب ..
قوليله انا ما احس اني معرسة .. وأول مرة اسمع حرمة وريال كل واحد له غرفة ...
اختي انا اشوف ما تسكتين ابدا .. واتبينين له انج معصبة وصلتي حدج

[غلآ نفسي]

خلاص عاد

دام اتسوين كل شي وحياتج طبيعيه معاه

شغلي لسانج وحطي حد لهالموضوع

انا مادري كيف عرفتي ريلها هاييج وانا ماعرف كيف مسجاته توصلج

عطيه كاش انج عرفتي ريلها وناويه تقولين له

ليش خايفه حبيبتي

هو راقد وياها وانتي خايفه تقولين هالجمله ؟

لو منج بقوله بواجهه بحط حد لهالموضوع

[ملاآك قلبكـ،،]

لا تواجهينه هو واجهي حبيبته
خبريها انج تعرفين منو ريلها
حسسيها انها لوث ولا شي

لانج اذا خبرتي ريلج عادي يعصب عليج ويهددج
واذا عقب كلامج وياها جفتي اي تواصل لها معاه

خبري ريلها واللي يصير يصير
وهو مابيكبر السالفه وايد لانه ريال وعنده منصبه واكيد مايبا حد يعرف
بس بيأدبها وخليه يأدب ريلج شوي
عسب يتوب يطالع صوب اي بنيه مره ثانيه

[المعآني]

سكوتج وصل الأمور لهالحد كيف رقد في غرفة روحه وراضية
اتصلي ع الإفتاء 8002422 كلمة الحرمة أو فتاوي الأسرة
سجلي المحادثة وسمعيه
ما اتعظ هناكي انتي جمعي الأدلة وخشيها لوقتها
وعقب ابدي ونبهيه بشكل جاد


وبصراحة لو ماتبين الطلاق بتتعبين وتتنازلين وايد وبتتصادمين معاه اكيد فصلي الاستخارة قبل أي خطوة أو مصارحة عسب ربنا يكون وياج

[Ward-uae]

خلاص عاد

دام اتسوين كل شي وحياتج طبيعيه معاه

شغلي لسانج وحطي حد لهالموضوع

انا مادري كيف عرفتي ريلها هاييج وانا ماعرف كيف مسجاته توصلج

عطيه كاش انج عرفتي ريلها وناويه تقولين له

ليش خايفه حبيبتي

هو راقد وياها وانتي خايفه تقولين هالجمله ؟

لو منج بقوله بواجهه بحط حد لهالموضوع

تشوفيها متمسكه فيه ولو هو غلطان
هي اذا ما تباه ينام بروحه تسير عنده تتلزق فيه انها تخاف وهذيك لو توصل اهلها تروح ترمسهم ويوقفون بنتهم ترمسهم بهدوء وتصور كل المحادثات واذا شي صور تحتفظ بها قبل عن يكذبوها وتاخذهم بهدوء حتى ما يقلبون عليها وتكلمهم انه هذي سمعة وييت ارمسكم ما ابي فضايح

[غلآ نفسي]

تشوفيها متمسكه فيه ولو هو غلطان
هي اذا ما تباه ينام بروحه تسير عنده تتلزق فيه انها تخاف وهذيك لو توصل اهلها تروح ترمسهم ويوقفون بنتهم ترمسهم بهدوء وتصور كل المحادثات واذا شي صور تحتفظ بها قبل عن يكذبوها وتاخذهم بهدوء حتى ما يقلبون عليها وتكلمهم انه هذي سمعة وييت ارمسكم ما ابي فضايح

هي اخر همي

المفروض هي تيود ريلها تواجه ريلها تعطي كاش حق ريلها دام كل الادله معاها

مب تروح لهاييج .. هاييج رافعه خشمها لان ريلها عطاها ويه .. ف لازم هالريل يتواجه اذا هي ما تبا فضايح حق ريلها

هاللي اقصده من كلامي

اما انها متمسكه فيه والا لا عاد هي وضميرها فالموضوع

[فتاة مزيد]

طنشي لا تسوين اي مشاكل وكلي امرج لله وصدقيني الغلط مايدوم وبينكشف كل شي الله فوق سلي نفسج باشاء تحبينها اكثري من الاستغفار والدعاء والله يهدي النفوس الشيطان يحلي الحرام لا تخبرين زوجج باي شي عشان ما تكبر السالفه وبيرد لج والله معاج موفقه يارب

[الطواشة]

بنات الحرام ما خلو حق بنات الحلال شي

يا اختي ..

انتي ساكته و تعرفين كل هذااا؟

اتحبينه و ساكته؟

لو اتحبينه ما بتسكتين ؟

جوفي حبيبتي لازم اتجوفين حد لهالموضوع
انا ابا اكتب رقم مستشار بس ماعرف اذا مخالف للموضوع ولا


تابعي( عبد الرحمن محمد ويس )فالانستقرام
اخذي رقمه و استشيريه

و انا لو كنت ف مكانج

اول شي بسويه بخبر ريلها ما بتصل من تلفوني
ممكن اكلمه من تلفون اخوي مثلا ..
و بطرش له كل المحادثات
بيأدب حرمته تأديب

اي منصب تتكلمين عنه
يا اختي كلمي ريلها
سوي كل شي من دون علم ريلج
خلي يأدبهااا

[Yazi.90]

لا انتبهي فكرة انج تخبرين ريلها وايد قويه وبتخربين بيتج
لان ريلج بيوصله خبر وبيعرف انج انتي اللي خبرتيه ،،
و ممكن بهالطريقه انتي اصلا تجمعينهم مع بعض لان اكيد ريلها بيطلقها
الاحسن اطرشين لها مسجات تهديد بإنج تعرفين ريلها وتعرفين رقمه
و هي بتخاف ، الله يبعد عنا وعنكم بنات الحرام ^^

[ترآنيم القصيد]

ماشاء الله عليج صبوره ويبين فيج الحكمه
وماستعيلتي بانج تخبريه
بس نصيحه شوفيلج مستشار أسرى يكون طبعا هالشي بينكم وبتوصلين بحل أن شاء الله

[ماحد شراتي]

غريب امرج

عندج كل الادلة وساكته ؟! سيري التوجيه الاسري واعطيهم كل الادلة اللي عندج .. كلمي البنيه وقولي لها بخبر ريلج واعرف كيف اوصله وبراويه الادلة .. عيشيهم في حاله خوف .. لا تمين ساكته!!