أريد حلول ماريد الطلاق

[مريمممم]

أنا من كنت طفله وأنا محيره لولد عمي وكبرت على لاتسوين فلان مايرضه ولاتلبسين فلان مايحب حبيته وحبيت طاريه كان أسعد لحظاتي يوم أشوفه من الدريشه وهو ياي لي أخواني المهم كبرت وتخرجت وقالو فلان مايبه حرمته تكمل الجامعه وأنا فرحانه قلت مابي أهم شيء رضاه وهو سافر يكمل دراسته وكل ربيعاتي عرسو وعيلو وأنا أترياه ورد من الدراسه وقالو بيكون عمره مع أنه أهله عندهم خير سكتنا وترينا والله كرمني وتزوجته قبل سنه ونص في أيام ملجه والله ماغير دق مره وحده وأمه عداله كانت غيرها ماشفت منه لا مكالمه ولامسج بعد العرس لاحظت عليه ريال ما يحب أني أي صوبه ومسوي حق عمره غرفه خاصه يعطيني حقي ويروح غرفته ولامره حضني ولاحسيت بالحب منه مع أني أحاول أوصله حبي ...المهم بعد كم من شهر أكتشفت أنه يحب وحده معرسه ومن مدينه الثانيه والى بينهم وصل للعلاقه الجسديه وكم مره غلط وزقرني بأسمها ومسجات الى بينهم حب وغيره كل الى حارمني مننه معطيها هي والحرمه عندها عيال بعد بس هي أصغر مني وأحلى بس ها مب ذنبي أنا أحاول أعدل عمري قدر المستطاع بس أكيد مابسوي عمليات شراتها أخاف والله ما أعرف شو أكتب ولا شو أسوي بروحي متلخبطه وماريد أخبر حد من هلي أريد أحل الموضوع بروحي وبعقلانيه ماريد حد يقولي تطلقي ريلي يصلي ويصوم ويروح العمره كل شهرين مشكلتي معاه في الخيانه ومشاعره الى تروح لغيري للعلم انا حامل بشهر رابع

الى يزيد المشكله ريلي يحبها لجسمها وأنا متأكده يمكن لو أستويت شراتها يحبني ماعرف والله ما أعرف شو أقول تعبانه وعفقلي ملخبط سوري لو مافهمتو قاعده اكتب من الفون والله قلبي يعورني من الحب الى يروح لها والجفاف الى معاي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[love rak]

اختي بسالج انتي كيف عرفتي ؟ وكيف عرفتي انه يحبها لجسمها وشكلها ؟
خليج واثقة من نفسج .. وروحي الصالون اتكلمي وغيري لوك واصبري شعرج وعدلي من نفسج وكل شي ... وخليج قوية شوي شكلج وايد ضعيف ... وغيري لبسج لبسي مغري وكشخه..
لا تسمعين انه تعيشون منفصلين هو بغرفة وانتي بغرفة ابدا ...
حلب المشكلة قبل ما أي الي بطنج ...
إذا راح الغرفة الثانية روحي ايلسي وارقدي وياه. ..
طرشيله مسجات عن الحرام والزنا وغيره عالواتساب ...
دايما حطي قران فالبيت واستغفري وادعي
وعادي يكون متزوجنها وهاييله عياله مدام اتقولين يصلي ويروح عمرة

[احلى بعفويتي]

عورتي قلبي حبيبي

مادامج تحبينه اكيد بتحصلين على قلبه
خلج قويه وانيقه وسكسي و حيويه
الريال يحب الي تجذبه موب مهم منو

انا ما اقول ذنبج لا بس حاولي تاخذينه منها لان هو ملكج انتي وبس موب هي
هي يمكن عندها وقت فراغ طلعه مع ريلج بس انتي الاصل انتي الي بديمين له

لا طنشينه ولا طنشين احساسج بانج بتفقدينه
تحسين انها جاذبتنه عشان جسمج .. انتي حامل حاليا بس في مجال تكونين حامل وحلوه ووزنج مناسب
اذا صعب حاليا سوي خطه حق بعد الولاده حق التغير الجذري الي ممكن يجذبه لج لو واحد بالمية ..

في رياييل الشكل ممكن يغيرهم
وفي رياييل العلاقه الحميمه تغيرهم
وفي رياييل الحب و المصاخه تغيرهم خخخخخ
كل ريال له مفتاح

اذا انتي عندج سر انجذابه لها .. خلاص عندج المفتاح وبتردينه لج اكيد

والموضوع موب مستاهل طلاق ترا

[تفاحتي]

الله يهديه

[Oyster]

كيف يزني وانتي تقولين الريال يصلي ويصوم ويروح العمره؟ الي مصلي ويخاف ربه مايقرب من الحرام

ليش سكتي من البدايه وماتكلمتي وياه وخليتيه براحته؟ او عالاقل دخلتي حد من اهلج؟

مادري ليش حملتي منه وهالوضع بينكم وهو بس اييج عشان ياخذ حقه ويروح

يا تيلسين وياه وتتكلمين بالموضوع واذا ما قدرتي دخلي حد بالموضوع لان شكلج بعدج صغيره

[sa7el]

ريلج يزني،، ويصلي ويصوم ويروح العمرة ويرد يزني؟
وانتي تعرفين؟؟!!!!

العلاقة بينهم زنا،، وانتي تحبينه للحين وتبينه
اوكي

ما تبين تخبرين حد ولا تبين تطلقين منه

زين زين

[سحر الغموض]

كيف يزني وانتي تقولين الريال يصلي ويصوم ويروح العمره؟ الي مصلي ويخاف ربه مايقرب من الحرام

ليش سكتي من البدايه وماتكلمتي وياه وخليتيه براحته؟ او عالاقل دخلتي حد من اهلج؟

مادري ليش حملتي منه وهالوضع بينكم وهو بس اييج عشان ياخذ حقه ويروح

يا تيلسين وياه وتتكلمين بالموضوع واذا ما قدرتي دخلي حد بالموضوع لان شكلج بعدج صغيره

ريلج يزني،، ويصلي ويصوم ويروح العمرة ويرد يزني؟
وانتي تعرفين؟؟!!!!

العلاقة بينهم زنا،، وانتي تحبينه للحين وتبينه
اوكي

ما تبين تخبرين حد ولا تبين تطلقين منه

زين زين

خواتي الانسان هب ملاك ،، يغلط ويتوب
انا مع الاخت وبقوه انها ترجع لزوجها وما تطلب الطلاق
ان الله غفور رحيم

[[..دانــة..]]

الحل تكلمينه تصارحينه بكل اللي تمرين فيه
خليه يسمعج ويعطيج حل
دامه متمسك فيج وما فرط فزواجكم يعني في باب تقدرين تدخلين منه وتقنعينه
كلميه كلميه كلميه
افهمي منه وخبريه قصتج نفس ما خبرتينا
خليه يعرف حجم التضحيات والأسى اللي تعيشينه

[أم محمد1988]

كيف يعني ريلج يبيها علشان جسمها !!!
يعني ما اعتقد جسمها لهالدرجه بيكون حلووو وهي معرسه وعندها عيال ؟!؟! يمكن يكون فيه سبب ثاني غير هذا

انزين انتي تقولين معرسه من سنه ونص ليش ما اهتميتي بجسمج ؟!؟! اذا كنتي ملانه ضعفي شوي واذا ضعيفه سوي رياضه علشان يكون جسمج مرتب ورشيق ..

والحين حامل من أربع شهور بس طبعا ما بتقدرين في فترة الحمل صعبه ..

المفروض ما ترضين كيف كل واحد يرقد ف جحره بروحه !!! وشوفي شو الأسباب اللي مخلتنه يتعلق ف وحده متزوجه .. اذا انتي مقصره اتثقفي شوي وحاولي بكل الطرق انج تسحبينه صوبج .. او اقعدي وتفاهمي وياه

[الأحلام الملونة]

يغلق الموضوع لوجود قسم خاص بالمشاكل