اكنسلها ولا اخليها رايكم

[امراه]

السلام عليكم والرحمه خواتي عندي بشكاره بتكمل شهر بعد كمن يوم وانا متعايه فيها شغلها وسط وتسمع الكلام ومالها حس هاديه تقول مااتعرف عربي ومااتعرف تطبخ مع انها مشتغله قبل فالسعوديه الحين اعلمها الطباخ كل يوم بس حافظه لي اكلتين برياني ولا صالونه وكل اللي علمتها تقول نسته وارد اعلم مره ثانيه كنت برجعها من اول مايبتها بس تمت اتصيح ماتبا تروح المكتب وانها يديده بعدها مااتعلمت وقالت خليني بحاول اتعلم رايكم اصبر عليها بتعتدل ولا خلاص مافي امل واكنسل

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حياتي توأمي]

نصيحة مني

دام انها هادية ومايطلع لها لسان ومؤدبة فالاشياء الثانيه تهون وبتتعلم مع الوقت
اصبري عليها
خليها تكتب الطبخة اللي تطبخينها عسب ماتنساها عطيها دفتر خاص للطبخات وبجذي مابيكون فيه حجة انها تنسى جربي هالطريقه معاها

صدقيني اختي نادر الحين لما تحصلين خدامه هاديه ومحترمة ومافيها لسان وعن تجربه اكثرهم يتشرطون خص المشتغلات قبل

وصلي الاستخارة

والله المستعان

[NWEW]

لا خليييييها بتتعلم ماعليييج دامها هادية وتبا الشغل خافي من اللي ماتبا الشغل واللي لسانها طويل صدقيني ماراح تحصلين وحده احسن عن الثانيه
شي فيديوات بالخطوات بانستقرام نزليلها وراويها اذا عندها فون طرشي على فونها خليها اجوف في طرق وايدة في تعليم الطبخ دوري وعلميها

[ورقة ناعمة]

يكفي انها ماتبا ترد المكتب غيرها ما تعرف تتسبح وتقولج رديني بلسان طويل

كل شي بالتعلم بتتعلمه اصبري احسن

[احلى بعفويتي]

على هونج يا قلبي ..
اصبري عليها وبتتعلم واذا ما تعلمت انتي اطبخي وخليها هي تنظف وتغسل وتكوي ..

[mouzan7mod]

خل تحطي دفتر و تكتب لان كلهن نفس المنوال لازم ينسون كل الي علمتيهم اياه

[Yazi.90]

اصبر على مينونك لا اييك اللي اين منه ،،

صبري عليها وبتتعلم ان شاءالله

[mayat]

رديها عمرها ماتتعلم

[طيبة*قلب]

جربيها شهر ثاني زياده اكيد ضمانها 3 شهور

[امراه]

ربي يسعدكم خواتي ترا كل اللي قلتوه سويته معها عطيتها دفتر ماطاعت تكتب شي قالت بحفظ خذت لها كتاب طبخ بالاندونيسي ماطاعت تطبخ منه تبا تطبيق واتشوف بعيونها وشغلها لاباس به مب انه ذاك الشغل ومب سريعه وانا تعبت صراحه مااعلم بالعكس شغالتي قبل ماكانت جي وهيه خايفه تروح المكتب عسب ماينازعونها واتقول وديني اندونيسيا مب المكتب والصراحه هيه مرجعه من مع ناس ومااعرف اذا كان هبالها اسبب واللي تقول اطبخي انا مشكله مريضه واذا رقدت فالمستشفى محد بيطبخ عيل وانا ماعندي شغل وايد ومابتكون منها فايده لو ماطبخت

[Yazi.90]

ربي يسعدكم خواتي ترا كل اللي قلتوه سويته معها عطيتها دفتر ماطاعت تكتب شي قالت بحفظ خذت لها كتاب طبخ بالاندونيسي ماطاعت تطبخ منه تبا تطبيق واتشوف بعيونها وشغلها لاباس به مب انه ذاك الشغل ومب سريعه وانا تعبت صراحه مااعلم بالعكس شغالتي قبل ماكانت جي وهيه خايفه تروح المكتب عسب ماينازعونها واتقول وديني اندونيسيا مب المكتب والصراحه هيه مرجعه من مع ناس ومااعرف اذا كان هبالها اسبب واللي تقول اطبخي انا مشكله مريضه واذا رقدت فالمستشفى محد بيطبخ عيل وانا ماعندي شغل وايد ومابتكون منها فايده لو ماطبخت

الله يعينج والله مادري شقولج !!

تخافين تردينها تييج وحده اخس عنها
لا والمشكله البيزات كلها تروح هباءً منثورا ،،

[ام بدور1]

هاي مبين من حركاتها انها ماتبا تشتغل وتمثل انها ماتعرف تطبخ وتبا ترد بلادها من كلامها ماتباترد المكتب وانها مردوده من كم بيت وتبا ترد بلادها واكيد المكتب مايبا يخسر فيها وتعرف ان رديتوها المكتب بينازعونها
من تخلص ضمان المكتب بتلعوزج وتبا ترد بلادها والمكتب مابيتحمل مسؤوليتها فانتي بتكونين الخسرانه

[Ward-uae]

مبين انها ما تبا تشتغل وقالت لج تبي ترد بلادها رديها المكتب احسن
لما تبين وحده استخيري قبل ما تختاري وبعد ما تختاري واول ما توصل وان شاء الله بتتوفقين بعد اراده الله
واذا عن المرض انا شراتج وايد احاتي عيالي لكن الله ييسر الامور

[امراه]

هههه حيرتوني اكثر مااعرف الحين اخليها ولا اوديها هيه قالت هي لو ماتبيني وديني اندونيسيا مااريد المكتب قلتلها اللي يابج من اندونيسيا بيرجعج مب انا المكتب قال انها يديده ومحد استخدمها قبل لانه راعيها اونه ماعنده فلوس وكنسلها واناششفت فجوزاها انها داخله البلاد من اسبوعين وين كانت يالسه عيل ف ملدري هم شلوها اسبوعين ورجعوها ولا كيف الله المستعان

[monica_dubai]

اصبري عليها ولا تغلطين غلطتي وتندمين صعب تحصلين شغاله محترمه هالايام وشوفيها اذا ماتبغي تطبخ ولا هي فعلا تحاول وماتعرف اذا ماتبغي تطبخ رمسيها ووضحيلها انج تبين شغاله تطبخ مع الشغل اذا رضت اوكي حاولي تعلمينها بعدج وقوليلها بزيدج اذا طبخج تحسن واذا ماتبغي تتعلم هذيج الساعه تقدرين ترجعينها وضميرج مرتاح مع اني انصحج تخلينها دامها محترمه وانت عقولتج مريضه والاكل خبري اهلج خواتج او ام ريلج وقت ماتكونين في المستشفى يزيدون لكم