أحس بالوحده

**فتاه مختلفه** · 2015-12-11, 13:28

‎ السلام عليكم بنات شخباركم شمسوين

‎ما ادري من وين ابدأ

‎بس ابي افضفض مضايقه

‎انا دايم احس اني وحيده و ما معاي احد

‎عيشتي في البيت ملل مانطلع من البيت الا قليل مره

‎ ماعندي اخوات ابد عندي بس اخوين صغار
‎امي وابوي دايم يهاوشوني ع كلشي ويشكون فيني ويدعون علي بالموت والمرض وربي اربع وعشرين ساعه هواش هواش اتمنى ساعه بس مافيها هواش

‎والله زهقت و طفشت من هالعيشه
‎بس نوم و اكل و نت
‎ولا عندي صديقات
‎كانت عندي صديقه عديتها اختي وكل دنيتي
‎بس تغيرت ونست اختها

‎ هالأيام كله مضايقه على طول
‎الحمدلله قريبه من ربي ودايم اقرا قران وادعي
‎ احس اني كله وحيده وما احد يحبني

‎و اسفه طولت بس ابي افضفض

المزيد من آخر المواضيع من نفس القسم:

**سحر الغموض** · 2015-12-11, 14:13

شورايج تبدين تحفظين سوره البقره ؟ شورايج تمشين فحوش بيتكم عالاقل ساعه فاليوم ؟ شورايج تدورين هوايات تحبينها وتتخصصين لها من وقتج ؟ راح تتغير حياتج اذا حطيتي اهداف

الله عاطنج الصحه والعافية واهلج موجودين ما ناقصنج شي اختي
بس تفائلي وان شاء الله خير

**سماءالأفق** · 2015-12-11, 15:28

لا تزعلين حالك حبيبتي..ومثل ما اختي سحر الغموض قالت مارسي هواياتك ورياضه تكون مسليه وتفرغ طاقات الفراغ..ابحثي عن صديقة محترمة ومن الممكن تقابلين صديقه محترمة ومخلصه بالصدفه..لا تياسين وتملين
جربي تحفظي قران باللغة الإنجليزيه وفهمي اصحاب اللغات الاخري تعاليم الدين الصحيحه..
جربي تضعي هدف وتحققينه وتخلين كل اللي حولك يفتخرون بك ..
ولا تزعلين حالك ابدا ضيعي الحزن بنجاحك ..وربنا يسعدك ويوفقك

**Beau Sancy** · 2016-01-02, 07:09

شوفي حبيبتي .. اولا مافي اي ام وابو يكرهون عيالهم لو شو ماصار ..
ولو صار يمكن يتضايقون منج او بسببج ..
يمكن انتي تطلع منج تصرفات تخليهم يعصبون او ماتسمعين كلامهم او شي جي
حاولي تتقربين من ربج ومنهم .. ترا الام والاب شي لا يعوض !

ثاني شي ، فهالزمن صعب تثقين باي شخص او صديق ف نصيحتي لج حاولي
انج تسوين اشياء تحبينها وتمارسين هوايتج وتتعلمين اشياء يديده تنفعج وتنفع مجتمعج

اقري كتب ، ارسمي ، سوي رياضه ، اهتمي ف اخوانج الصغار لعبي معاهم
صاحبي امج وحاولي تكسبينها وكوني صديقتها ..
دايما اقول ان الام افضل صديقه للبنت والحمدالله انا مطبقه هالشي ومصاحبه امي

ودايما حطي في بالج انج تستانسين باقل الاشياء الموجوده حولج
وتتعلمين القناعه الذاتيه ، حزتها بتمشي حياتج صح

**الملكة ديهيا** · 2016-01-02, 10:39

المشاركة الأصلية كتبت بواسطة Beau Sancy

شوفي حبيبتي .. اولا مافي اي ام وابو يكرهون عيالهم لو شو ماصار ..
ولو صار يمكن يتضايقون منج او بسببج ..
يمكن انتي تطلع منج تصرفات تخليهم يعصبون او ماتسمعين كلامهم او شي جي
حاولي تتقربين من ربج ومنهم .. ترا الام والاب شي لا يعوض !

ثاني شي ، فهالزمن صعب تثقين باي شخص او صديق ف نصيحتي لج حاولي
انج تسوين اشياء تحبينها وتمارسين هوايتج وتتعلمين اشياء يديده تنفعج وتنفع مجتمعج

اقري كتب ، ارسمي ، سوي رياضه ، اهتمي ف اخوانج الصغار لعبي معاهم
صاحبي امج وحاولي تكسبينها وكوني صديقتها ..
دايما اقول ان الام افضل صديقه للبنت والحمدالله انا مطبقه هالشي ومصاحبه امي

ودايما حطي في بالج انج تستانسين باقل الاشياء الموجوده حولج
وتتعلمين القناعه الذاتيه ، حزتها بتمشي حياتج صح

**روح سيفان** · 2016-01-03, 06:29

انا امي وابوي يوجعووني اتم مغيظه جم ساعه عقب انسى جم بتعب على رمستمبرايهم

**نورالحق** · 2016-02-20, 17:57

اشغلي وقتك بحفظ القران او ادرسي اللغه الانجليزيه ودورات مكياج خياطه ....الوحده سببها الفراغ كل مااشغلتي نفسك راح تحسين بقيمة حياتك وتتخلصين من شعور الوحده ...ز

**madmozel_shayma** · 2016-03-17, 06:06

حافظي عالقرآن يوميا حاولي تختمين جزء
فسري ايات القرآن عشان تقرين القرآن تقرينه بتدبر و خشوع
استغفري كثري من الاستغفار
عالاقل انتي تطلعين بين فترة و فترة فيه بنات ما يطلعون ابد من البيت للمدرسة و من المدرسة للبيت و صدقيني الام و الابو مهما سووا و قالوا بيظلون يحبون عيالهم و يمكن كلامهم الجارح ما يكون طالع من القلب
الله يوفقج يارب

**ماحد شراتي** · 2016-03-27, 09:46

ما عليه حبيبتي

شكلج حساسه .. اكيد اهلج يحبونج بس يمكن مضغوطين .. حاولي تكونين صداقات واشغلي وقت فراغج باشياء انتي تحبينها

الموضوع: أحس بالوحده

أدوات الموضوع

عرض