أم زوجي وابني

[مشكلتي]

السلام عليكم ورحمه الله وبركاته

خواتي العزيزات عندي مشكله وايد مضايجتني
والمشكله الموضوع شوي حساس حتى ماعرف كيف بطرحلكم المشكله

لازم كل متزوجه تمر بمشاكل مع ام ريلها والمشكاكل تختلف
وانا اكبر مشكله اشوفها يوم حد يدخل في تربيه الطفل

لانه اذا كذا شخص ادخل في تربيه الطفل. الطفل يتم متشتت مايعرف يسمع لمنو
ف تربيته ماتكون زينه


المشكله هي عندي طفل واحد
وام زوجي تحبه وانا مستانسه لانه تحبه وتهتم فيه ولانه هم في عايلتهم عندهم حب التفرقه بين الاطفال
ولله الحمد طفلي كان من نصيب حبهم بس بعد مابا ايي يوم ومايحبون طفلي الثاني في المستقبل

المهم ام زوجي فيها شي ماحبه واللي هو ساس المشكله

اللي هو اتحب تفتح بامبرز طفلي واتم تبوس اعضائه، وهو طفل مايعرف انه هالشي غلط
دوووووم هالشي يصير جدامي او من وراي وهي تعرف انه هالشي مايعيبني لانه كم مره احاول بالمزح انه اقولها مايصير هالشي وانه ها عيب بس هي ماتسويلي سالفه ابد وبالعكس تعاندني اكثر

هالشي تسويه حتى مع عيال بناتها، بناتها يقدرون يقولولها لا لا تسوين وشي طبيعي هاييل بناتها مابتتحسس منهم، بس انا مرت الولد طبيعي بتتحسس مني لو طلع مني كلام يعاررض اللي تسويه

بتقولون وين ريلج عن الموضوع وليش ماتكلمينه بقولكم ريلي بعرف وعادي عنده اذا امه سوت هالشي
بس اذا ولدي بحركه عفويه منه يمسك اععضائه يعصب
ها طفل بعده ماكمل سنتين تام متشتت يشوف في حد يشجعه وفي حد يعصب عليه

انا قد ماقدر اعلمه انه ها عيب ومحد يشوفه ويقول لا

ف الحمدلله تم يقول عيب يوم ام زوجي تحاول تزقره وتحاول تبطل البامبرز ويقول لا ويعصب بس هي اتم تضحك
ع اللي يسويه وطبعا ماتسويله سالفه اتم تحاول وياه ليين يرضى

وبعد اطلعله صدرها وتخليه يلعب فيه

ف طفلي صار اذا يلس جدام اي حد يحاول يلمس صدورهم

ياربي والله وااااايد مضايجه مب عارفه شو اسوي

خايفه على تربيه هالولد والله وايد مضايجه مابا حد يدخل في تربيته بس هاالي اباه
بغض المشاكل الثانيه اشوفها اهون من هالموضوع، انا اتعب واحاول اربيه احسن تربيه وجي يصير فيني

انا اعرف نفسي بسكت فتره وعقب بنفجرر وعادي يطلع مني كلام مايعيب ام زوجي

الحين طفلي في سن يبدا يتعلم وعقله يخزن اذا شاف انه هالشي عادي اخاف باجر يوم يكبر يكون عادي عنده
يتحرى هالشي عادي


والله ادري كلامي ملخبط بس والله ماعرف شو اسوي

ريلي لو كلمته بيكون في خيارين
يا انه مابيتقبل كلامي لانه مايبا يزعل امه ويكلمها بهالموضوع
يا انه بيكلم امه وبتتحسس مني بتعرف اني انا اللي شكيت له

يارب والله ابا شي ابا حل تعب وانا تامه ساكته

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[almal3ka1]

ممكن تكلمين وحده من بناتها تساعدج عشان ما تتحس منج

[لحنْ #]

يوم تبدا تسوي هالحركات شلي الولد وروحي غرفه ثانيه ..
اخترعي اي عذر
خففي زياراتج لها اذا مب ساكنه وياها
واذا ساكنه حاولي تتمين بغرفتج اكثر وقت ممكن

[صبصب]

انا مصدومة من الحركات اللي تسويها
معقولة لهدرجة حبيبتي انتبهي على ولدج والكلمة اللي تستحي منها بدها حتى لو هي ام زوجج خير يا طير تحبه وتغليه الف الحمد لله بس ما توصل لهالحركات
ومثل ما قلتي اذا تمت تسوي جي ولدج بيكبر ويشوف هالشي عادي وصح
على فكرة 90 بالمية من شخصية الانسان بس يكبر تعتمد على اول خمس سنين بالعمر وطفلج الحين في مرحلة تكوين الشخصية فأنتبهي الله يخليج
قولي لها كاش بويها عموه لو سمحتي لا تسوين هالحركات لولدي ﻹن مب زين وشلي ولدج واطلعي

[المعآني]

لا تلمحين لها نهائيا شليه بدون ما تقوليلها أي كلمة
ومافي داعي زوجج يتدخل لأن الزوج مابيوقف ضد أمه
انتي افرضي تربيتج ورايج واذا أحد قالج شي لاتسوين له سالفة
واذا بتتشكى عليج شو بتقول أبا ابوس ماله واعطيه صدري!!!!
دقي ع الإفتاء كلميها خذي كلامها وسجليه وسمعيها وسمعي ريلج خله حجة لج

[سماءالأفق]

قوليلها بدون حرج يا ماما أنا أحبج وسعيده بحبك لولدي ..لكن هو طفل أخاف ما يميز ها لتصرفات ويتعود وإحنا ماندري بالخارج لما يكبر شوي إيش ممكن يسوي لما يروح عمدرسته ..وهو طفل اتعود وراح يظن إنه شي عادي
موب غلط وإحنا نمنعه ..ماراح يقتنع ..
يعني قولي كلام من هذا القبيل ..لأن الطريقه المباشرة ممكن تجيب نتيجه لكن مع مشاكل..وإن شاء الله ربنا يخليها تترك هالتصرفات ..

[mao]

معقوله شو هالحركات بصراحه صدمه

[Yazi.90]

هيه والله صدمه ياربي حد يسوي جيييي !
شلي ولدج بدون ماتتكلمين وتلمحين لها
حرام والله الولد يضيع بسبة هالحركات اللي مالها معنى ،،

[**sara**]

حرمه عجوز وتصرفاتها مقززة
لا تسكتين عنها إذ زعلت احسن وأحسن بعد

[Ward-uae]

استغفر الله العلي العظيم
هذي حركات بشاكير غريبة عمتج تسوي جيه
ياه انه شرات ما قالت لج وحده شليه اذا بدت تسوي جيه ولاعبي ولدج ووديه غرفتج انج بتبدليه او قبل لا تيبيه عندها شربيه وايد ماي لوعه لو مكانج برمسها عندي بوسه في الحلج خط احمر فكيف بهذي الحركات
احط حد لكل شي بدون لا اقل احترامي او أسب

[تفاحتي]

لا تعرفين وديه يوم يكون متخرق مو نظيف وخله جي
حتى قوليلهم فيه فطريات ضربه
وع هالحال خله

[sa7el]

انتي يلسي سولفي واضحكي معاها وخليج وااايد كول من تسوي جي كلميها قولي خالو ما احب جي وابوه بعد قام يعصب عليه لانه دوم يلعب وويود مكان البامبرز،، لا تسوين الله يخليج ما فييني ولج يعصب علي مب زينة هالحرمة خالو

وشوفي اذا عاندت وسوت على طول شلي ولدج واطلعي غرفتج برايها لو زعلت

يوم الثاني بعد انزلي وسولفي وخليج عادية اذا شفتيها ردت بتسوي نفس الحركة شلي ولدج واطلعي ولا تنزلين باجي اليوم وثالث يوم عيدي نفس الحركة صدقيني هي ما بتعيدها لانها بتعرف من بتسوي هالحركة بتنحرم من شوفة الولد باجي اليوم بطوله

الله يهديها والله العيايز عليهم حركاااااااااات ماعرف من وين يبونها

[احلى بعفويتي]

شو هالطفاسه ؟؟
بعرف هاي مخها وياها ولا متخلفه
شو بعد تسوي هالحركات عادي ولد يطلع له ميول جنسيه او ان حد يعتدي عليه لان يجوف هالشي
طبيعي
ماعرف والله كيف الحل ريلج بارد وماهمه غير زعل امه انزين بس هاي موب سوات توسيها

[[..دانــة..]]

عفوا بس أم ريلج مب طبيعية وفيها انحراف وشذوذ
كيف تبوسه في عضوه وتخليه يلعب بصدرها!!!

انتي خليج حازمه وخليها تزعل
ألزم ما عليج صحة ولدج ونفسيته
هذا شرات اغتصاب الطفولة وبدايته هالحركات
ديري بالج منها وحذري ولدج
ترا مصاخه السالفه وابدن مب شي مقبول