سؤال

[**sara**]

السلام عليكم
اشحالكم
انا عضوه يديده في المنتدى شفت وايد مواضيع عن خيانات وغيره وطبعا البنات ما يقصرون بردودهم ونصايحهم .بس يا سؤال ببالي ليش جيلنا بس فيه ها السوالف ع ايام أمهاتنا وجداتنا ما كانوا يشتكون من أزواجهم وما كانت فيه خيانات زوجيه . وحتى الأزواج كانوا ما يذمون حريمهم والريال يصبر على زوجته وهم الزوجه تصبر على زوجها شو اللي غير جيلنا عن جيلهم .كانت حياتهم بسيطه بس حلوه والا شو رأيكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(خيماويه)]

فالماضي ماشي برامج الشاتات وكانن الحريم مستورات برع بالمختصر الفتن زادت الله يحفظ رياييلنا

[**sara**]

فالماضي ماشي برامج الشاتات وكانن الحريم مستورات برع بالمختصر الفتن زادت الله يحفظ رياييلنا

اللهم امين
شكرا على مشاركتج خيماويه

[سحر الغموض]

كنت ناويه انزل موضوع نقاش عن الخيانه واسبابها وزين سويتي

والله انا اشوف الافتاح هو السبب الرئيسي يعني انا بروحي يوم اشوف صور البنات والحين طلعولج عارضات مواطنات بعد اكره عمري فما بالج الريال اكيد بييلس يقارنهن ويا زوجته معايير الجمال والمثاليه زادت ،،حتى الاغلبيه الحين شرط اساسي للزواج هو انها تكون جميلة.

وفي جانب ثاني بعد اذا الزوجه مسويه طاف حق ريلها او ما تعرف تتعامل معاه هني يلجأ للخيانه ع اشكالها ..


ما يصير نقارن جيلنا بالاجيال السابقه ،،يعني بالله عليج مثلن لو قارنا جيل اجدادنا بالعصر الحجري بعد اكيد راح نشوف اختلاف ..وكل زمان له تحدياته وظروفه بالنسبه لزمانا اشوف الثقافه اهم شي ،مب عكيفها الحرمه تكون جاهله بهالمواضيع الى لازم تقرا وتثقف عن الزوج والبيت والعيال لانه المعايير ارتفعت عن قبل

[**sara**]

كنت ناويه انزل موضوع نقاش عن الخيانه واسبابها وزين سويتي

والله انا اشوف الافتاح هو السبب الرئيسي يعني انا بروحي يوم اشوف صور البنات والحين طلعولج عارضات مواطنات بعد اكره عمري فما بالج الريال اكيد بييلس يقارنهن ويا زوجته معايير الجمال والمثاليه زادت ،،حتى الاغلبيه الحين شرط اساسي للزواج هو انها تكون جميلة.

وفي جانب ثاني بعد اذا الزوجه مسويه طاف حق ريلها او ما تعرف تتعامل معاه هني يلجأ للخيانه ع اشكالها ..


ما يصير نقارن جيلنا بالاجيال السابقه ،،يعني بالله عليج مثلن لو قارنا جيل اجدادنا بالعصر الحجري بعد اكيد راح نشوف اختلاف ..وكل زمان له تحدياته وظروفه بالنسبه لزمانا اشوف الثقافه اهم شي ،مب عكيفها الحرمه تكون جاهله بهالمواضيع الى لازم تقرا وتثقف عن الزوج والبيت والعيال لانه المعايير ارتفعت عن قبل

سحر الغموض شكرا على المرور
انا مو قاعده اقارن بس اللي أقصده حتى اجدادنا كانوا يسافرون يشتغلون عشان يوفرون لقمة العيش لهم ولعيالهم ومع ذلك كانوا أوفياء
الوقت الحالي إذ مو الكل الاغلبيه طبعا عندهم شهادات ومع ذلك في يلساتنا في الدوام لازم تيكم وحده تشتكي من خيانه زوجها مع العلم تلقين البنت مو قاصرنها شي.
أحس ها الزمن يخوف
يمكن قبل على أيام أمهاتنا ويداتنا كانوا الأزواج قنوعين و يكتفوا بوحده بس الحين no

[Oyster]

بروحج قلتيها ترا قبل الحياه صعبه احين عايشين برفاهيه ومغريات وانفتاح طبيعي الريال تروح عيونه هني وهناك

[بسمة فجر]

سؤالج يا أختي ينطرح وايد و يخطر في بال وايد حريم
لكن هذه هي الحياة كل يوم تتغير و كل زمن يختلف عن اللي قبله و اللي بعده
و لكن الأهم ان نتعلم كيف نتكيف و نتعامل معاه بطريقة صحيحة
و من اهم الاسباب اللي تساعد على حفظ الأسر
حسن اختيار الزوج و التمسك بتعاليم الدين الاسلامي و التحلي بالأخلاق الحسنة

[sa7el]

ماشي وازع ديني نفس قبل

قبل يوم يقولون للبنت تغطي وخشي ويهج تقول على امرك يابوي

الحين تقول وين الدليل؟؟!!! وتسير تيب لها دليل من شيخ في الصين قال حلال الويه والكفين

قبل يقولون ربي عيالج،، تقول عيالي بعيني،،
الحين الله يعين قوم ميري وشاني وروزي يهتمون في العيال

قبل الحرمة لاياع ريلها تقوم تسوي له ذبيحة
الحين هي مع ربيعاتها في المطعم اليديد في المكان الفلاني يجربون اكلة يابانية مكس برازيلية

قبل الحرمة من تسمع الله اكبر
تقوم تفرش السيادة وتصلي
الحين تقول حاطة مانيكير ماروم اصلي عشان عندي بارتي


الدين اختي يوم يختفي ،، تهل علينا كل المصايب من الشيطان
واحنا السبب ترى

[mouzan7mod]

الفتن هي الي تزيد المشاكل ، والولد بعمره الصغير قام يعرف سوالف الكبار

[almal3ka1]

كل زمان غير عن 2

او بمعنى اصح نفسيات الاوادم

[أم محمد1988]

قلة الوازع الديني والبعد عن الله هو السبب في كل هالمشاكل اللي قاعده تواجهنا

[Yazi.90]

الفتن الفتن واعوذ بالله ماظهر منها ومابطن ،،
الحين كل شي برا يحصلونه اشكال والوان بعد
و كل مالهم قاعد يزيدون و الطامه الكبرى شي منهم بنات البلاد للاسف
صارت الصداقه بين الولد والبنت معترف فيها
و الله العظيم والله الشاهد على كلامي و بنسأل عنه يوم القيامه
ياما شفت بنات مواطنات يرابعون شباب تحت مسمى الصداقه !
من متى عندنا شي اسمه صداقه بين البنت والولد ؟
انا عبالي بس نشوف هالشي من الاجانب اللي فالبلاد ، صدمه والله !
متى وكيف وصلو بنات وشباب بلادنا لهالمرحله ؟؟!!!! الله يستر علينا يارب


قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي .

[**sara**]

بروحج قلتيها ترا قبل الحياه صعبه احين عايشين برفاهيه ومغريات وانفتاح طبيعي الريال تروح عيونه هني وهناك

شكرا على المرور

[**sara**]

ماشي وازع ديني نفس قبل

قبل يوم يقولون للبنت تغطي وخشي ويهج تقول على امرك يابوي

الحين تقول وين الدليل؟؟!!! وتسير تيب لها دليل من شيخ في الصين قال حلال الويه والكفين

قبل يقولون ربي عيالج،، تقول عيالي بعيني،،
الحين الله يعين قوم ميري وشاني وروزي يهتمون في العيال

قبل الحرمة لاياع ريلها تقوم تسوي له ذبيحة
الحين هي مع ربيعاتها في المطعم اليديد في المكان الفلاني يجربون اكلة يابانية مكس برازيلية

قبل الحرمة من تسمع الله اكبر
تقوم تفرش السيادة وتصلي
الحين تقول حاطة مانيكير ماروم اصلي عشان عندي بارتي


الدين اختي يوم يختفي ،، تهل علينا كل المصايب من الشيطان
واحنا السبب ترى

شكرا على المرور
واتوقع السبب هو قله الوازع الديني

[**sara**]

الفتن هي الي تزيد المشاكل ، والولد بعمره الصغير قام يعرف سوالف الكبار

الله يحفظنا من الفتن

- - - Updated - - -

كل زمان غير عن 2

او بمعنى اصح نفسيات الاوادم

شكرا تنويرج صفحتي