نحن و التواصل الإجتماعي .. إلى وين ؟

[mouzan7mod]

السلام عليكم ورحمة الله وبركاته ..


طبعا مع التطور إختلفت وسائل التواصل من انستا لسناب لتويتر ...الخ ،
المشكلة نحن ك عرب مانعرف نستخدمه الا بالأشياء التافهة ، صور و مطاعم و فنادق و سفر و رحلات ..

و الشي الأتفه اانا نضيف هالبشر عبثا ، نضيف أهل النكتة و إلي ماخذين الحياة سخافة و تفاهة ، الصراحة هالفئة صارت منتشرة واااايد في مجتمعنا .

ليش مانضيف أهل العلم و الدين ، أهل الطبخ و إلي يعينوننا على أمور الحياة بالنصايح ، ليش مانضيف أهل الي يحبون الأشغال اليدوية و الفنون التشكيلية ، ليش ما نضيف ألي يحبون الكتب و القراءة و العلم ...الخ

لآن نحن محاسبين على كل ثانية تمر من عمرنا ، لان نحن لازم نعمر الأرض بالعلم و الدين و الأخلاق ، للأسف أصحاب السخافة والنكت و الرقصو الأغاني ما يفيدون ..

الشي الي يرفع الضغط فعلا ، نحن نقول ماشي وقت و ماشي وقت لاننا نضيع الوقت على ناس همها رقص و أغانيو ضحك و فرفشة ..


عن نفسي : أنا أضيف أهل العلم و التجارة و عندي كم أكاونت للطبخ ، الصراحة مستغلة وسائل التواصل الإجتماعي لشي يفيدني..

أتمنى ، في وسائل التواصل الإجتماعي نضيف ناس تستاهل نضيع أوقاتنا عليها

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

ممممم هو حسب كل واحد واهتمامه ... انا اضيف كل شي ... تقريباً

بس احب اشارك الحكم والاقوال النصايح والادعيه والصور القطط وهذه الامور .. واذا اقرا كتاب او اتابع موضوع!

ومرات اخبار ... واحب مرات اصور او اكتب انا وين كنت او اكتب عن افلام شفتها بسينما

الاغاني ماتابع عربي .. الاجنبي شوي اتسلى عليه ومب كله بس الناس البوب او المعروفين ...

بس ..


بس هو حسب الاهتمامات ... بس لاحظت العرب الفيس بس صور الاهل والهدايا والاكل ومسخره!

[ماحد شراتي]

عزيزتي ما تقدرين تجبرين حد شو يضيف وشو ما يضيف .. كل حد وعنده ميول وكل واحد محاسب عن نفسه

[قلبي بزي]

إممممممم الشخص التافه بيضيف التافهين نفسه وما شاء الله عليج عاقل فتحبين تحطين الناس الي نفس تفكيرج وميولج

[Yazi.90]

نصيحه لا تعبين عمرج وتكتبين مثل هالمواضيع
لان يوم بتيين تقرين الردود بيرتفع ضغطج وبتصدعين ،،
تقولين يمين يقولون يسار تقولين يسار يقولون يمين !
يا إن هنيه ناس تحسين عقلها مسكر مايستوعب شاللي تكتبينه

عموماً موضوعج جميل ويستحق النقاش
وانا عني اضيف الناس اللي تفيدني وتضيف لي شي فحياتي ،،

شكراً موزان ♡♡

[آمون AAm]

صراحه انا ماحبيت هالبرامج وماعرف استخدمها وايد رغم انهم عندي بس الانستا اللي حبيته لاني اتابع حسابات ثقافيه و منوعه ومرات طبخ ومكياج اذا ابا اتعلم

[sa7el]

نصيحه لا تعبين عمرج وتكتبين مثل هالمواضيع
لان يوم بتيين تقرين الردود بيرتفع ضغطج وبتصدعين ،،
تقولين يمين يقولون يسار تقولين يسار يقولون يمين !
يا إن هنيه ناس تحسين عقلها مسكر مايستوعب شاللي تكتبينه

عموماً موضوعج جميل ويستحق النقاش
وانا عني اضيف الناس اللي تفيدني وتضيف لي شي فحياتي ،،

شكراً موزان ♡♡

اشكرج الصراحة
وايد عندنا ناس تافهة حتى في المنتدى

موضوع حلو

[تفاحتي]

والله انتي يا صاحبه الموضوع طيبه تبين تنصحين وتساعدين
بس ف ناس تحب تكسر مجاديف الواحد

للامام سيري ماعليج
كتبي اللي تبينه اللي يبا يستفيد يطبق واللي ما يبا برايه


عن نفسي ماعندي غير واتس
وكل وسائل التواصل ممنوعه من نفسي ماحبها بالنسبالي غبيه وتافه ومضيعه وقتي
كيفي رائي فيه مو وحده اتيي تقتبس رمستيا وبتعلمني شو يفيدني
كل واحد وقناعاته

[almal3ka1]

اشكرج الصراحة
وايد عندنا ناس تافهة حتى في المنتدى

موضوع حلو

موضوع عادي

و انا وحده من هالتافهات

[طيبة*قلب]

موضوع رائع
شي موسف يستخدم برامج التواصل بااامور تافهه والموسف لما يوصل لخرب البيوت

وحده تعرفت عليها خرب بيتها بسبب الانستقرام

[سحر الغموض]

كل واحد واهتمامه ،، حسب العمر والتخصصات بعد

بس انا اشوف العرب الحين تفتحوا الحمدلله ما ناقصنهم شي وبالعكس حساباتهم مفيده اكثر من الغرب ٫٫انتوا بس دوروا وبتحصلون ..يعني مثلن اختصاصيين التغذيه الاجانب يكون عندهم موقع وعشان يعطيج المعلومه لازم تشتركين والاشتراك بفلوس ويمكن يعيبج ويمكن ما يعيبج هالشي قيسيه ع بقيه امور حياتج


اما العرب نادرا ما تلقين حد يبخل بالمعلومه والحمدلله بس الي عليج تضيفينه سناب او انستغرام ويقول كل اللي عنده ،، وممكن يردون علييج بعد عالخاص ^^ صرااحه وااايد واايد استفدت منهم

انا ضايفه : مدربين رياضه - اختصاصيين تغذيه - ناس صحيه - طباخين - خبيرات مكياج - مشاهير لهم تاثير عالمجتمع ويسوون دورات وبرامج - ناس تسافر وتوثق رحلاتها بمعلومات قيمه وتاريخيه - فاشنيستا ^^ هنتين بس


يعني انا بتاع كلوو ^^

[Jimmy Choo]

انا اضيف المفيد وغير المفيد
اتابع ناس اتعلم منهم واستفيد في شغلات وايد من اللي احبها
سياحة و سفر طبخ و مكياج و سوالف و تقارير عن بلدان و اماكن و معلومات عامه
واللي ما استفيد منهم شي اتابعهم في الاوقات اللي ما بيضرني فيه اني اضيع من وقتي شوية دقايق

يعني كله حسب المزاج
الواحد مب طول الوقت له مزاج يتعلم و يستقبل معلومات
فيه اوقات الواحد يبى فيها اشيا بسيطه بس تسليه لا اكثر

[همي اخرتي]

السلام عليكم ورحمة الله وبركاته ..


طبعا مع التطور إختلفت وسائل التواصل من انستا لسناب لتويتر ...الخ ،
المشكلة نحن ك عرب مانعرف نستخدمه الا بالأشياء التافهة ، صور و مطاعم و فنادق و سفر و رحلات ..

و الشي الأتفه اانا نضيف هالبشر عبثا ، نضيف أهل النكتة و إلي ماخذين الحياة سخافة و تفاهة ، الصراحة هالفئة صارت منتشرة واااايد في مجتمعنا .

ليش مانضيف أهل العلم و الدين ، أهل الطبخ و إلي يعينوننا على أمور الحياة بالنصايح ، ليش مانضيف أهل الي يحبون الأشغال اليدوية و الفنون التشكيلية ، ليش ما نضيف ألي يحبون الكتب و القراءة و العلم ...الخ

لآن نحن محاسبين على كل ثانية تمر من عمرنا ، لان نحن لازم نعمر الأرض بالعلم و الدين و الأخلاق ، للأسف أصحاب السخافة والنكت و الرقصو الأغاني ما يفيدون ..

الشي الي يرفع الضغط فعلا ، نحن نقول ماشي وقت و ماشي وقت لاننا نضيع الوقت على ناس همها رقص و أغانيو ضحك و فرفشة ..


عن نفسي : أنا أضيف أهل العلم و التجارة و عندي كم أكاونت للطبخ ، الصراحة مستغلة وسائل التواصل الإجتماعي لشي يفيدني..

أتمنى ، في وسائل التواصل الإجتماعي نضيف ناس تستاهل نضيع أوقاتنا عليها

موضوع حلو ومفيد
جزاج الله خير
اذا المقصود سناب شات فما استخدمه والحمد لله
اكثر شي استخدم الواتس وادخل المنتدى
ما احب ادخل البرامج اتافهة
وانا ما اسب احد لكن اسب البرامج الي دمرت البيوت وفرقت بين الناس .. واشغلت الناس عن العبادة بالتفاهه

[احلى بعفويتي]

انا عندي انستقرام وضايفه كم هائل من الدكاتره و الحسابات الدينيه وحسابات الضحك وحسابات الاهل والمشاهير و الفيتنس و الدايت وكل ما لذ وطاب خخخخخ الا التاجرات عديمي ضمير مسويلتهم اكس عووووود

واتابع كمن اكاونت مراقبه بالخفاء هههههههههه لازم هالمراقبه موجوده

وها انا بس عندي انستقرام اتضايق اذا مر الوقت وانا بس يالسه عليه

فعشان جي قطعت خدمه الفون الصراحه بس في البيت افتح النت ..
بس برع و في العزايم والاعراس والله ماعندي والله اريح و اونس واقضي وقت احلى واحس بالعرس ولا بطلعه لان ماعندي نت .. فعايشه الجو الحلو واحس بالفعاليه

بس تعالي الباقيات الكل على فونه وعلى سنابه حتى ما شي سوالف ماشي ناس تسمع رمستج ضيجه صراحه ..
واعطي في الوييهه الصراحه اقولهم نحنا اهني نتونس ونسولف موب نجابل التيلفون
واتنرفز من الي اربع وعشرين ساعه يالسه بس تصور سناب ونحنا يالسين بعزيمه انزين خلونا ع طبيعتنا ناكل الاكل هو حار ليش الفلاشات ولا اصبروا خلوني اصور ..

اشتقت لايام التلفزيون و اليمعهالحلوه راحت هالايام بسبه التواصل الاجتماعي و الادمان عليها

انا معاج بكلمه ماشي وقت الي تنقال هالايام لان صدق الاغلب مضيعه وقته بهالتواصل الاجتماعي

ولدي عمره سنتين اذا شافني ماسكه الفون ع طول يره مني ويحطه على برد ويزخ ايدي حرام ها ياهل ويحس مع اني موب ادمان بس ايلس عليه العصر جي ..

بس قمت استوعب ان وقتي يروح ويزيد الملل بسبه ان قمنا نعتمد على البرامج هاي للاسف ونسينا اليلسه ويا الاهل و الصغاريه و الطلعات الحلوه الحينا تدفع 500 على مطعم اكله موب ذاك الزود بس عشان صور الانستقرام

مره ريلي وداني مطعم معروف ان لازم تحجزين مكان قبل ساعتين اونه واخر شي كلنا
براونيز انا اسوي احى منه خخخخخخخخخخخخخ وكله عشان اسمه معروف في التواصل الاجتماعي

[ليندااااا]

ماشاء الله عليج
كلامج صحيح 100%
كذا مرة مسحت الفيسبوك من عندي ما احسه يقدملي شي جديد
نكت وصور ما فيها فايدة
حتى المواقع الاخباريه نفس الشي اخبار منقولة والتعليقات حدث ولا حرج شيء مؤسف