الحياة الزوجية

[غرووب 22]

سبحان الله وبحمده سبحان الله العظيم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[**sara**]

راعيه الموضوع موضوعج حلو
و كلامج مضبوط لاحظت ها الشي من بعض العضوات وطبعا يرجع كل وحده وتفكيرها ويمكن هي تشوف الطلاق أسهل الحلول هههه.
والبعض الثاني اشوف ردودهم حلوه .

[mouzan7mod]

اغلب مواضيع القسم او المشاكل المطروحة تكون عن خيانة الزوج وكيف عرفت الحرمة: عرفت بتفتيش تيلفونه او اذا عطاها تجوف شي معين وخطفت ع كل شي نفس امهاتنا الله يحفظهن يوم تقوليلهن جوفن هالصورة بيجوفن كل الصور, المهم بعد هذي النقطة يا عزيزتي.


هاي النقطه واااااايد ضحكتني ، فعلا نفس الشي نحن خخخخ

[Ward-uae]

بين الزوج والزوجه هالشي بينهم واشكثر الثقة والصراحه
عادي عندي يتصفح في تلفوني ويعرف الرقم السري وهو بعد نفس الشي لكن الشي اللي ضايق فيني اتييج وحده تطلب رقم معين واذا عطيتيها تغير وتفتح الصور وتنبش او شافت احد من اليهال يلعب بالتلفون تزقره وتاخذ التلفون وتنبش هذي النوعية ما احبها فأحيانا ايي في بالي ليش تسوي جيه فضول ولا طبع ولا فضاوة ودور مشاكل؟
فاللي تصب عينها لا تقعد تشكي

[سحر الغموض]

الحرمة اللي تفتش تليفون سواء شافت شي بالصدفة ترى الله كاتب واذا هي تعنت تفتش موبايله لانها ملاحظة ان ريلها تغير،،

معلومة لج وللبنات،،، الوحدة من تعرس تتحول حرمة وتيلها هبة من الله وهي الحاسة السادسة ههههههه

والله الحرمة عقب الزواج لو ريلها بدا يخون او يلعب من وراها او اي شي هالحاسة تشتغل،، بتعرفين بتعرفين لا محاااااال

عشان جي الوحدة تنبش موبايله عله وعسى تقدر تساعده وتحافظ عليه حق عمرها وعيالها

اما الريال اللي ينبش موبايل حرمته هاي عيب وما يجوز لان معروف ان مويابل الحرمة في صور حريم وحرام يشوفهم

اما لو شاف لها حساب على انستقرام و و و الخرابيط وتسولف مع شباب هاي اساسا ما تستحي وتستاهل اللي بييها من ريلها،،، قص رقاب في السالفة هههههه

كل طرف عنده خصوصيه ، مثل ما انا ما احب احد يصك اغراضي بدون استئذان وما ارضي احد يفتش من وراي واحس اني تحت المراقبه 24 ساعه حتى الرياييل ما يحبون هالشي وبالعكس ممكن ينفرون زياده وتتوتر العلاقه

الاحترام والثقه شي واايد مهم ،بالنسبه لي تصيد الاخطاء وتتبع العثرات لا يدل لا على خصوصيه ولا على ثقه ..في ناس يقولون مثلن الازواج ما بينهم خصوصيه خلاص استووا كيان واحد ولكن من رايي الشخصي كل شخص له حدود وفي اشياء بينه وبين نفسه ما يحب يصير كتاب مفتوح

واذا افترضنا انه الحرمه شكت انه الريال يخون >>انزين في وايد علامات تدل ع هالشي ممكن اهماله ممكن تغيره المفاجئ انزين تسيرين وتنبشين وتضيعين وقتج وجهدج وتشوفين اشياء ما تسرج وتقولين ليتني ما عرفت ..هل هالشي بيحل المشكله !! لا طبعا وخاصه اذا انكشفت الاوراق وصارحته يعني واحد ما خاف من ربه بيخاف من زوجته ! فهي بذكائها تلقي وين المشكله وتصلحها بدون ما تتعب نفسيا وتعيش مثل المحقق ورا ريلها