زوجي وعالمه الاخر

[مشكلتي]

السلام عليكم
انا متزوجه قريب لسا مالي خمس شهور
مشكلتي فزوووجي
من ايام الملكه الاحظ انه مو مهتم
مايسال مايدق مايرسل
كنت عايشه بهم مايعلم فيه الا رب العالمين
بس يشفع له شي واحد
انه طيب طيب طيييييييب لابعد درجه مدري كيف اشرح لكم
وبعد مايعرف يعبر عن حبه يعني مايقول احبك دايم بس يضمني ولا يبيني ابعد عنه
وكنت استغرب منه هالتصرفات
معقوله فيه ناس ماتعرف تعبر عن حبها ؟؟ مايهتموون مايقولون يمكن يتغيرون علينا اذا ماهتمينا فيهم !؟؟


وبعد الزواج بشهر العسل اكتشفت انه على جوااااله ياربي وش هالجوال اللي بيدك 24 سااااااعه
عادي يعطيني اياه ومافي شي يخبيه بس ليه بيده ليش مايتكلم معي بدال مايمسك جواله
يعني ندخل مطعم راح طلب الباسوررد للشبكه ؟؟!
طيب بنجلس سووا ليش الجووال


بعدين تطور الوضع وصار يمسكه وهو نايم انا هناااا خلاااص



مره من المرات كان منسدح وانا عنده وشفت حسابه وقررت ادخله من جواله
تخيلو لقيته مبلكني ؟؟!!!
كيف بلكني كيف جاااب حسابي ؟؟
المهم انتظرته لين ينام وفتحت جواله وفكيت الحضر ورجعت جواله عشان اتفرج ع الحساب من جوالي

فتحته وليتني مافتحته
شي مؤخرااااااات
شي صدووووور
شي تهزء بالخلق
شي تعصصب بالكووره
شي سب وسب شيوخ واستهزاء وكلام قذذذذرررررر


هو يابنات مؤدب وربي مؤدب وحيااااااااوي ومايحب يجرح احد ولا يتكلم باحد وبس على لسانه ادعيه حلوه تفتح النفس ومره قلبه طيب ممدري من هالانسان اللي قااعده اقراا تغررريدااااته


واجهته قال مححد يعررفني
صددمني كيف محد يععرفك ؟؟ وربي طيب ؟؟ ليه تخليه اهوون الناظرييين اليك ؟؟

كل الناس ماتعرفك عااادي
بس ربي وش بتقوله اذا مت وهالاشياء بحسابك وش بتسوي بقبرك ؟؟


والله عايشه بهم مايعلم فيه الا رب العالمين
احنا كل واحد بديره انا ادرس عند اهلي وهو يدرس بمدينه ثانيه
ياخذ شهر مايجيني
والشهر هذا مهملني يعني احس اني مو شي مهم بحياته
واذا جاني حتى رجولي يبوسها ؟؟ وش هالانسان الغريب وش مشكلته ليه هو كذا ؟
عايش شخصيتين


الحين هو مبلكني من كل شي
واختار تويتر يسولف ويعلق على الصور ويحط صور يحذر من الزواج 💔

قلببببي يتقطع من جوا محد اهانني كثر ما اهانني هوو
عشت ببيتنا مدلعه لو اطلب لبن العصفور جابوه لي ويدارون خااطري
مين هذا يجي يسوي فيني كذا ؟؟
كررهههته كرهت الزواج كررهت طارريه كررهت كل شي يجمعني فيه
ودي ارجع زي قققققبل

وش اسوي ؟؟ فيه اشياء مدري احس اني مشتته مو عارفه ارتبها مو عارفه اشرحها

ماقول لاحد بمشاكلي
كل شي بقلبي تععععبت مابي احد يكرهه مابي احد يتكلم عليه احبه لانه طيب حيل والله طيييب ليه يسوي كذا
عارفه انه مريض ؟؟ مو انسان طبيعي ؟؟
يعني زي اللي بالافلام الواقع غير وعالمه الخيالي غير ؟
بتويتر متعصب كووره
بس بالوااقع والله يابنات والله مااااااايتابعها ولا يجلسسس عليها ؟
ليه ?

تعصبه يخليه يتلفظ على الناس
يقول كلام قذذذر
وكلهم يدعون عليه يعورني قلبي اذا قريت دعائهم

يقذف
مدري كيف
الاكيد اني تعبت

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني